2013年2月28日星期四

把自己影得更美得小道具---Ring Flash

最近對攝影產生了一點點興趣,除了因為方便自拍及強勁的美顏功能而添置了Casio的「自拍神器」外,還聽說可以添置一個小道具,可以把容貌拍得更精細和漂亮,叫做Ring Flash。
於是捉住老公問個明白,他說在鴨寮街可以買到,於是捉著他,昨天做了人生的第一次,去行鴨寮街!
簡單來說,Ring Flash是在鏡頭前加一個圓形的光環,裝在我的Panasonic GX1上就是這樣:
從另一個角度看,加了Ring Flash後的GX1,非常之專業呢:
就好像一個專業攝影師使用的相機一樣!
這個Ring Flash開著了之後,就係咁樣樣的:

由於是LED光,很亮的卻一點也不會有熱的感覺。這個Ring Flash只不過$288,另外加20買一個鏡頭接環,因為GX1的鏡頭直徑是37mm,加一個35mm-55mm接環,就可以扣實Ring Flash。如果加多$308就可以把我拍得更美,絕對值得。
而令我更有信心購買的原因,是店員在介紹一些攝影器材時,不停介紹說某專影o靚模的攝影師都係用呢樣同個樣,點樣又可以把人影得更靚,又教我點樣用,非常細心,我覺得專業精神可嘉,我老公離開時即講:「如果係男人問,佢點會講咁多!」
而會去深水埗的原因,除了買Ring Flash,主因係要去香港雞煲的發源地,我目前最愛的「隨變雞煲」的前主理人文姐另起爐灶,被各大傳媒聲為全港最好食的「凰朝雞煲」,食番餐正宗雞煲,可惜,期望愈大失望愈大,雞煲味道和隨變一樣,但燒烤類食物同灣仔隨變差天共地,燒牛舌一D肉汁都留唔到,雞皮同雞軟骨都係向批發商購買的現成貨而非自製;本地手切肥牛好靚,雪花均勻,但師傅的刀功更勁,將肥牛薄切到同紙一樣咁薄,一夾就爛,真係幫間鋪慳唔少成本。真正只有好味的,係前菜「麻辣豬天梯」,灼熟豬天梯後,再切絲,工序多,唔多會有其他食肆會做,值得去讚,但都唔會有下次,希望有其他食肆肯做,等我有機會再食啦。
至於相片效果,暫未有時間試,因為我已經好眼訓咯。
———————————————————————————-–
本週《MORE》專欄精采內容:
裸妝加分的秘密武器
看似無添加的妝容最能留住別人艷羨目光!試幻想沒眼線、沒胭脂、沒紅唇刻意修飾,皮膚自然的透出光澤、眼神精靈睫毛纖長、珠唇柔軟粉嫩,這似有若無裸妝比起濃妝艷沫更惹人喜愛!點樣可以做到?詳情請留意今期《MORE》雜誌內我的專欄。

2013年2月27日星期三

星級陣容 盡興一夜

噚日,我度過了超愉快的晚上!

與城中眾多公認索女神,近距離見面傾計,還有同埸一眾美容大品牌PR濟濟一堂。
首先,要多謝神級經理人阿Kim的邀請,稱她做「神級」相信無容置疑,看Angelababy及熊黛林的驕人成績,真的很佩服她的努力及腦力!

噚日,正是Kim旗下公司'STYLE international management' annual dinner啊!

服裝主題是'Bling Bling',主人家Angelababy勁貼題,
穿上這件銀色閃片中褸,反晒光,bling爆全場。
合照完,她即要看看閃光燈下相片效果,看見件褸夠閃,即甜笑說:「靚!」

另一主角是熊黛林,她竟然記得我哋首次工作的事件!
事緣當年我負責<新假期>雜誌封面的image styling,人物就是當時剛來港不久兼首次為雜誌工作的熊黛林,拍照地點是海洋公園,天氣熱到暈,有幸幫她換幾套衫,哈哈!
中間笑得至燦爛是Kim公司得力幫手Alice,她是我同學啊!當年就是我介紹Alice見阿Kim,結果佢哋一拍即合好多年了,呢件撮合事件,大家也經常掛在口邊,好開心呀!

名模Kathy Chow,呢期最紅超幸福女人,我經常會與她巧合碰面,
素顏女星中,我俾十個讚!噚日,趁機再次多謝她幫我上年本著作寫序啊!

高人一等model靚女隨處可見,相信男士們最常參加這party啊!

今次annual dinner選址在中環1968印尼餐廳,上年12月獲得車胎人榮譽推介《米芝蓮香港澳門指南》,當時我專登再捧場狂食,用放肆實際行動恭賀老板,就是呢位靚仔Hudson喇!大家相識多年,見到佢同間舖愈嚟愈紅,真為他高興!

同步為Angelababy慶祝生日啊!
個蛋糕勁靚又浮誇,hehe,唔知許咩願呢.......海綿蛋糕......是朱古力味!

過百人歡樂派對,當然不少得抽獎環節啦!有眾多美容產品贊助,與我同到場的御用化妝師Soie就抽到Ultima II、仲有per face送出萬元treatment coupon、adidas 禮品coupon......及現金一千、二千、五千蚊啊!大家盡興而歸!



———————————————————————————-–
本週《MORE》專欄精采內容:
裸妝加分的秘密武器
看似無添加的妝容最能留住別人艷羨目光!試幻想沒眼線、沒胭脂、沒紅唇刻意修飾,皮膚自然的透出光澤、眼神精靈睫毛纖長、珠唇柔軟粉嫩,這似有若無裸妝比起濃妝艷沫更惹人喜愛!點樣可以做到?詳情請留意今期《MORE》雜誌內我的專欄。

2013年2月26日星期二

平爆瘦身食物

放乜嘢入口,既滿足口感,又可以愈食愈瘦?

話俾大家知,我一星期食六個連皮蘋果,盡量在每日進餐前食呀!
蘋果含有的蘋果酸,可以加速新陳代謝,幫助減少積聚了的脂肪,而且所含的鈣質豐富,可減少令下半身水腫的鹽分。

陳皮,能幫助消化、排除胃氣,還可減少腹部脂肪堆積千奇咪食醃製陳皮零食,又多鹽又多糖,唔健康愈食愈肥添!我的建議是常煲羅漢果陳皮水,各一加水同煲廿分鐘,焗十分鐘就飮得,代替白開水飲用,兼可以潤喉防咳,保靚聲。

仲有一種食物係我由細到大都咁like,甚至小學時試過自己親手種......但當時唔敢食傑作之嘛,haha!就係平爆芽菜。
是很多美國人推祟的蔬菜減肥食療之一。
熱底、常生暗瘡、肥胖者特別適合!
芽菜營養價值高且熱量低,還含有豐富的膳食纖維和維生素,常吃芽菜,可以防治便秘。中醫角度亦認為綠豆芽具藥理作用,不僅能清暑熱、通經脈、解諸毒,還能調五髒、美肌膚、利濕熱,但由於性涼故寒底人士不宜多吃。
亦由於生長期短、不需施肥、不需藥就能有很好的收成,基本都是無害蔬菜。
故此生吃無大礙,也更能吸收營養價值,我最愛的食療方案如下:

1)將芽菜用室溫水沖洗過,加黑醋涼拌而食,超爽口脆嫩,酸中帶甜味,正!
2)將芽菜置入攪拌機榨成汁(先用室溫水沖洗過),加入一湯匙蜂蜜,就是很清新的清涼特飲。
3)生菜包,但唔係包肉碎,係用生菜包住芽菜及西施柚肉,勁多汁的配搭!

食物充滿著酵素,是最健康、最有療癒力的天然營養品。大家不妨試試以上芽菜生食法啦!
———————————————————————————-–
本週《MORE》專欄精采內容:
裸妝加分的秘密武器
看似無添加的妝容最能留住別人艷羨目光!試幻想沒眼線、沒胭脂、沒紅唇刻意修飾,皮膚自然的透出光澤、眼神精靈睫毛纖長、珠唇柔軟粉嫩,這似有若無裸妝比起濃妝艷沫更惹人喜愛!點樣可以做到?詳情請留意今期《MORE》雜誌內我的專欄。

2013年2月25日星期一

我的自拍神器

終於相信,機仔可以影到靚相!
早前羅列出我自己的2013購物清單,當然唔會只講唔做,名單中我想購買的Casio自拍神器TR150,售價太貴,我終於在香港找到,炒到$5,980!呢個價錢可以買到質素及性能更佳的M4/3可換鏡頭相機啦!
結果,我揀了同品牌的另一部自拍機ZR1000,售價只係$3,380。
揀ZR1000的原因,除了TR150售價太不合理外,在微博上,有網友留言說TR150的相片質素不佳,雖然我沒有用過TR150,但這句留言對我著實有點影響。再問過一些DC的專家意見,他們也推介ZR1000,只因TR150的性價比一般(冇計,售價太貴,拉低了其性價比)。
何況我自己亦曾是Casio美顏相機的用家,當時Casio破天荒推出首部具美顏功能的相機,我簡直驚為天人,影人無敵靚,素顏變有化妝,所以我相信已經升級多次的美顏功能(點升級法,我都唔知,但靚就得啦),在ZR1000身上應該有不錯表現!
至於我揀的自拍神器有點樣的表現?首先,一般相機拍攝應該好似下圖咁樣:
呢部自拍神器,強在背後的熒光幕可以180度反出來:
變成呢個自拍模式,影相的設定會有一點改變,除了可以同以前的相機一樣一按便拍攝,ZR1000多了兩個特別功能,只要在設定上調較了自拍倒數模式,以後一翻起個熒幕,就識得進入2秒倒數自拍,先望實熒幕,計好位置,按掣!熒幕立即出現倒數數字,之後你的眼神由熒幕轉番去鏡頭,咁就避免晒冇望鏡頭的傻瓜眼神。呢個情況,好多時心現在用手機自拍,望實個熒幕自拍而忽略其實係要望鏡頭。
另一個要讚的自拍功能,叫做「揮手自拍」,最適合一班人一齊自拍時用。呢個時候,熒幕會出現一個「手掌」,成班人度好晒位,拿機的人只需確保鏡頭準確,其他人就負責在閃光閃旁邊的sensor揮手,一揮手就例數2秒拍攝,叻叻!今次就係帶埋佢去澳門旅行,成班朋友都讚呢個功能好得,仲搞到成班朋友自拍時個個爭住揮手,笑鬼死我!
其實,我一直都好想搵一部適合自拍的相機,因為我平時的化妝、護膚示範相,都係好低能咁拎起牛龜咁大部相機自拍。就算去到美容院做facial的介紹相時,我自己都盡量自拍,因為交給美容師主理,張相出來我多數唔滿意,始終她們並非攝影師,或對攝影有研究,構圖上以至操作上都使我最終以自拍解決,所以人家有冇發現,好多我的美容院示範相都冇右手出現呢!
自拍滿分,咁到底相片質素又如何?首先當然要試美顏功能,由最弱的1級美顏到最強的12級美顏,比以前的更加有進步,先睇下我的自拍示範,由1級、3級、8級及 12級,逐張俾你睇:
我個人認為,1-3級已經非常足夠,自然而不造作,相片亦全無塑膠感;去到第8級已經等同護膚品廣告的「PS大師級數」,12級就真係稍嫌過火,膠得滯!
帶得出澳門,當然再加環境相示範啦!
24mm廣角加16000萬像素,去舊建築影古蹟,幾有氣勢。
微距的表現亦唔錯,方便我影細細支的美容產品。
食物都影得靚,去到大利來記食豬扒波蘿飽,返香港後,好多朋友睇完相後都好想過澳門!
上星期同一班美女好友午聚,只係用了1級美顏,個個都話影得自己好靚,冇化妝都肯上鏡,全靠美顏自拍神器咋!
———————————————————————————-–
本週《MORE》專欄精采內容:
裸妝加分的秘密武器
看似無添加的妝容最能留住別人艷羨目光!試幻想沒眼線、沒胭脂、沒紅唇刻意修飾,皮膚自然的透出光澤、眼神精靈睫毛纖長、珠唇柔軟粉嫩,這似有若無裸妝比起濃妝艷沫更惹人喜愛!點樣可以做到?詳情請留意今期《MORE》雜誌內我的專欄。

2013年2月22日星期五

護膚的概念

護膚看似簡單,其實博大精深!
綜合身邊識得的美容師、皮膚科醫生,甚至一切從事美容行業的專業人士,我發現有不少「金石良言」,即係「金句」,十分值得各位借鏡。
當中,我覺得呢一句好值得大家深究:
「25歲開始護膚,年年都係25歲;40歲先護膚,永遠都係40歲。」
其實很多女士都忽略了護膚的重要,仲記得當年十八廿二時,肌膚幼滑吹彈可破,仲大大聲聲同人講:「我從不護膚,因為根本冇需要!」對!那個時候的你,真的青春無敵。可惜歲月催人,這句說話一講就十年,期間骨膠原流失,皮膚開始下垂;日間沒用防曬,色斑雀斑佈滿面脥;長年累月積下來的角質層,令你的肌膚再沒有光澤。可惜的是,你仍然堅持無需要護膚。會來我個blog的各位,相信你身邊有不少這樣的朋友吧!
而護膚真的很簡單,花費也無幾,如果你年青時已經注重護膚,簡單的皮膚清潔,加上適量的精華液及面霜,陽光猛烈時記得搽防曬,這時的你根本不需要花巨額金錢購買最貴的護膚品,很基本的已經足夠。到你年紀漸長,你的經濟能力好了,成份一般的護膚品已經滿足不了你的肌膚(不是用來滿足自己的虛榮),你才需要步入成份較佳,售價較貴的護膚品。
有很多讀者email發問,猛話自己的肌膚點差點弊,毛孔又大,色斑又多,加上又敏感又暗瘡又乜又物,幾乎慘不忍睹,最後才補上:「我今年17歲,有沒有一些便宜又好的產品,令我肌膚立即變好?」
首先,我不確認你是否有足夠經濟能力負擔能解決上述問題的產品,就算你父母金錢供應充足,我也不會照單執藥叫你買乜同買物,或者介紹皮膚科醫生。問題好明顯同青春期荷爾蒙分泌失調有關,只有做好清潔護膚,有暗瘡要小心處理,油脂分泌太多要吸一吸,待青春期過後,看看遺留下了甚麼皮膚問題,才認真解決。而且,立即解決皮膚問題的方法,通常都要大量金錢去配合,我才不會叫只得17歲的學生去甚麼醫學美容中心花巨額金錢做治療。護膚成敗,從來不是以金錢來衡量。
有些讀者朋友,年青時努力工作,因而疏忽護膚,直至經濟能力許可,擁有幸福家庭,可以靜下來享受人生,才發現「回頭已是百年身」,40歲不到,擁有50歲以上的肌膚年齡,這樣的例子比比皆是。假如過去十多年肯做一些簡單的肌膚護膚,問題很容易解決,需要花費的金錢也不會多;只係當她們要逆轉肌齡時,便得花比別更多的金錢,做更多的儀器,真真正正用金錢買回青春。可惜,多數都只可以保住和真實年齡相同的肌膚,要再推前,付出與回報非常不合正比!

———————————————————————————-–
本週《MORE》專欄精采內容:
十個讚新登場妝品
市面上有千萬款睫毛液、眼線筆、遮瑕膏,看包裝無比吸引,水準卻有參差,唔理性買埋化妝品一大堆,試完浪費金錢又不環保。想睇我的超真心推介,詳情請留意今期《MORE》雜誌內我的專欄。

2013年2月21日星期四

全球首個 有機認證美白護膚品 面世喇!

日日都敷面膜不足為奇吖!
我深信勤用面膜帶來的持久美顏功效,一星期輪流敷去角質、保濕、美白、抗皺、滋養、舒敏,皮膚也就得到充足營養,少D扭計!

我覺得自己都幾crazy,在家出發往美容院,我會棄面霜塗水分面膜,當然是透明啫喱狀至可以出街神不知鬼不覺啦!去fitness centre會先洗個面,然後敷舒敏保濕面膜,為求體溫上升令皮膚毛孔擴張時,順帶營養滲透,完成後用冰水沖浄面部,薄塗cream已經水潤又紅粉菲菲喇!

最近有兩款面膜深得我心,試後也很喜歡其成分及美肌效果,其中一款用法非常特別,是日本大流行的,我將於more專欄內同大家詳細分享;另一款就是要即刻介紹大家的美白煥膚二合一面膜。
是以天然有機植物成分主打的Melvita,前一個月它推出咗全條美白line,勁在是全世界第一個有機認證美白系列,簡直是敏感性皮膚及天然護膚擁戴者喜訊!
當中共有5件產品,我認為最最最值得推介大家試用的是......
Melvita 有機花研美白煥膚面膜 $340/75ml

此面膜功效如其名:美白+煥膚。
最重要是敏感皮膚適用,攞晒認證95%天然成分,無須再為
「美白」「煥膚」擔驚受怕!

如何美白?
靠提煉自5種白花的精華,包括海百合、雛菊、水仙、白色魯冰花、冬青,各自擔任抑制黑色素形成、為細胞排毒、修護DNA、增加光澤等作用。
如何煥膚?
含有超微型矽珠粒子,作為皮膚磨砂小工具,以褪走污垢、老化細胞,促進表皮更生。

使用步驟:
1)潔膚(不要用含磨砂粒子產品)

2)塗上面膜敷8分鐘,避開眼四周,頸部也應敷上

3)待乾後用指尖打圈,目的是帶動磨砂矽珠在表皮工作,以帶走老化角質細胞;即使不加水,過程也不會難推,因為含有滋潤性植物油份。
4) 用水洗淨
*建議全臉一星期使用一次;T字位則一星期兩次。

使用一次就足以好評,即時獲得回報---膚色白淨均勻咗、恰度滋潤、觸感好柔軟好滑溜,只是幾分鐘護理,皮膚足有煥然一新好感!
快靚正啊!
———————————————————————————-–
本週《MORE》專欄精采內容:
十個讚新登場妝品
市面上有千萬款睫毛液、眼線筆、遮瑕膏,看包裝無比吸引,水準卻有參差,唔理性買埋化妝品一大堆,試完浪費金錢又不環保。想睇我的超真心推介,詳情請留意今期《MORE》雜誌內我的專欄。

2013年2月20日星期三

Super women 聚會 《第一回》

身處香港,身為女性,我覺得又愛又恨
相比許多亞洲國家,香港男女地位的確平等,女性獲得尊重;卻生活壓力迫人,對內對外做足100分的現代女性,甚至比男性更操心更疲累,理想及幸福是要付出代價,用N倍努力爭取的!


新年長假期後,首次的「Super women 聚會」終於發生咗喇!
午餐聚會中,幾位也是「現代叻女人辦」,各人來自不同的界別,各人有自己的專長,均愛追求事事完美,究竟是誰人?
先同大家簡介我哋組合:
搞手係Anina Ho何倍倩,娛記喜歡以「恒生新抱」來稱呼她,一手創立瑞士護膚品牌Zensation,衝出香港,業務在美國搞得有聲有色。我最欣賞是Anina的性格,說話慢條斯理,超級溫柔,男男女女俾佢冧暈;我卻做事與說話也心急如焚,溫柔.......呵呵.......離我太遠了!

Ranee K.郭翠華,相信無須多介紹,她是本地著名靚女時裝設計師,我早陣子參加懷舊wedding party,也到了她位於中環專門店找心水戰衣......
但由於趕不及改窄才無奈放棄......
結果到了sponsor我出書封面的地方借衫
Anyway.....希望下次有機會啦,因為我好欣賞Ranee設計的中西合壁型格旗袍!
早說過,我是讀Poly時裝出身,畢業抱負梗係Raneefashion designer及開自設計的時裝店啦,輾轉卻做了時裝雜誌編輯,原來styling才是我強項,又或者係欠缺創製服裝天分啦;到前幾年至知,原來我的真正興趣及潛在天分是美容範疇,仲可以幫人扮靚添,人生真係好奇妙!

座上客Michelle亦是女強人一名,專注教育事業,經常被大機構邀請任主講嘉賓,對住過千人分享專長,講解時下最hit的話題---為未出世BB鋪路,如選學校、面試竅門、教育方針、指導相處對策等等。

三位"Super women"相同之處是有成功事業、有幸福家庭,生埋精靈BB,呢刻Anina 懷有雙胞胎,Michele 亦有咗3個月,幸福滿溢
———————————————————————————-–
本週《MORE》專欄精采內容:
十個讚新登場妝品
市面上有千萬款睫毛液、眼線筆、遮瑕膏,看包裝無比吸引,水準卻有參差,唔理性買埋化妝品一大堆,試完浪費金錢又不環保。想睇我的超真心推介,詳情請留意今期《MORE》雜誌內我的專欄。