2013年1月31日星期四

身痕有咩解決方法?Vol 2

噚日分享咗,我近期勁愛Kiehl's經典身體潤膚露乳的輕柔版,的而且確係效果好好,但二百幾銀搽身......想節儉享用耐D,究竟有咩辦法?
我有計仔,唔止慳得到,美肌效果仲更好添!

就是潤膚混合潤膚油
每逢在冬天裏,我也習慣將body lotion混合body oil塗抹身體,
比例是2:1或3:1,視乎當時皮膚乾燥的程度而定。
---

坊間有好多品牌的body oil,應揀咩好呢?
其中一款平靚正推介是Bio oil  $110/60ml,名列歐洲十幾個國家「除疤抗紋產品銷量冠軍」㗎,咁多人撐,證明梗有效用嘅!我發覺在親子網站勁多人討論,因為呢支油功效是主力預防及減淡妊娠紋。
仲好萬能添......可以減淡疤痕、對抗皺紋、均勻膚色、解決老化及缺水皮膚問題。
不過,瓶身指明要連續使用3個月,先發揮到以上功效。

以前我在水貨店至搵到,半年前香港有代理,在萬寧開始有售了。

 $110/60ml,咁抵用,卻沒將貨就價,成分相當優質,是集合很多天然成分精油:
洋甘菊---消炎、鎮靜皮膚
金盏花---修復皮膚細胞、減輕因敏感引致的炎症及紅腫
迷迭香---具滋潤作用
薰衣草---緊緻肌膚
維他命A---主力去紋及更生皮膚,幫助刺激骨膠原形成,增加皮膚平滑感
維他命E---抗氧化、抗老化、幫助傷口癒合
最重要還是瓶身寫明供孕婦專用,建議一日搽兩次在肚皮上以防妊娠紋,即係話成分夠晒溫和安全,敏感皮膚都可以放100個心用啦!
---

我的完美護膚建議:



Kiehl's 經典身體潤膚露乳輕柔版+Bio Oil

質地方面,幾薄身嘅油都好,初接觸肌膚必然有點黏,
所以用嚟mix body lotion ,就水油平衡,啱啱好喇!
每次沖涼後,我會搽勻全身連腳板底,
除咗保濕,皮膚仲好有光澤添,望落去都寧舍靚呀!

大家記住:想皮膚健康,補水及補油同樣重要呀!
———————————————————————————————-
本週《MORE》專欄精采內容:
2013 我的十大奇蹟面霜〈上〉
網上一直留傳「世界十大頂級面霜」名單,被譽為深受荷李活星、名緩名人寵愛,以至全球愛美女士夢寐以求重拾青春的護膚品共通點是擁有一瓶就能夠對抗歲月摧殘,無須層層疊N款修護品,是成熟肌的「皮膚救命霜」啊!
「我的十大奇蹟面霜」誰屬!請留意今期《MORE》雜誌內我的專欄。

2013年1月30日星期三

身痕有咩解決方法?Vol 1

點解身痕?
俗語話有錢咪身痕囉!實際話污糟都會身痕喎!

No no no.....
其實好多人係沐浴後反而身痕,why?
因為當沐浴時水溫太高,熱水會促使皮膚毛孔擴張,將皮膚角質層的水分及油脂一下子大量沖走,減低皮脂膜保護力,搞到皮膚頓時變得極乾燥,自不然痕癢難耐。

呢個情況尤其經常發生在男性身上,因為佢哋口口聲聲至怕笠黐黐,唔肯搽補水修護品囉!
終於,前陣子有一日天氣極乾,老公沖涼後都頂唔住求救:「全個背脊蟻咬咁痕呀!」haha......心諗,知衰喇咩?!
我已經提點過他N次:「沖涼水溫不應高於38度,太熱嘅水會令皮膚愈來愈乾,怕凍大可開暖爐呢;加上正確使用毛巾方法是按在皮膚吸水,不是如他般拼命狂捽,會太刺激表皮,日積月累變成敏感肌就煩了!」

哈哈,我知佢當耳邊風......anyway,即揀選好嘢俾佢解救,祈望他試用後肯接受,再奢望他持續用嘛!

揀選原則:
1)全天然成分安全不致敏
2)滋潤得來又要質地輕盈
3)極快滲透,搽咗神不知鬼不覺就啱喇!

豪俾佢,試用我的新歡,是Kiehl's新出幾個月的王牌產品變奏--
Creme de Corps Light -Weight Body Lotion $240/250ml
即Kieh's 經典潤膚露乳的輕柔版,能迅速被皮膚吸收,瞬間舒缓缺水徵狀。
-
質感是很薄易推的乳液狀,塗在皮膚無須按摩即時滲透;至正係咁輕盈質地,竟然為皮膚鎖水效果very good,沖涼後塗抹,一整晚也不覺乾燥,皮膚觸感也即時軟化及滑溜了!

蕴含多種全屬高度天然滋養成份可可巴油、橄欖果油、甜杏仁油、天然羊脂油、胡蘿蔔素、维他命A及E等,,保濕之餘更可從根本改善膚質。

然而,呢支body lotion 售二百多元,超市/藥房Dove、Nieva......的則幾十元都有,這果真不是人人捨得負擔;之不過成分優質,效果又鬼咁好,與金錢角力,點好呢?
放心,我有計仔,加多款平價修護品,唔單止更化算,仲可以提升滋養皮膚效果......
明天再續分享!敬請留意!
———————————————————————————————-
本週《MORE》專欄精采內容:
2013 我的十大奇蹟面霜〈上〉
網上一直留傳「世界十大頂級面霜」名單,被譽為深受荷李活星、名緩名人寵愛,以至全球愛美女士夢寐以求重拾青春的護膚品共通點是擁有一瓶就能夠對抗歲月摧殘,無須層層疊N款修護品,是成熟肌的「皮膚救命霜」啊!
「我的十大奇蹟面霜」誰屬!請留意今期《MORE》雜誌內我的專欄。


2013年1月28日星期一

獨家優惠 節目<姊妹淘>護髮篇跟進

剛於星期六播出的<姊妹淘>,第67大家啱timing看到嗎?

其中一part是我幫嘉賓改善劣質頭髮,
Of course 知......
的snap shot---適treatment

嘉賓'匡翹'療程前後對照效果非常震撼
請click入 --- http://mytv.tvb.com/variety/allthingsgirl2/140437#page-1 (17:40)

節目完結當晚,就吸引了讀者到我的Facebook page留言查詢地址及希望享有折扣優惠;觸發我決定即刻趕稿,今日分享啦! 

事前,我根據嘉賓'匡翹'的髮絲問題,tailor made一次過的組合療程,務求只須幾小時就有效大改造,令fade out咗髮色、乾旱缺水、無晒彈色、蓬鬆開叉頭髮......去一次 hair salon大救忘便能起死回生!
這是由TVB J2<姊妹淘>工作人員send給我的相片,可見嘉賓'匡翹'髮絲被自殘到嚴峻地步。
她謂:「幾年前漂染了多次,上年更先後電曲又拉直!頭髮好乾成日打結,好難梳理!」

作為節目的客席專家,他們很尊重我的意見,是由我選定hair salon及揀選合適之護髮療程拍攝。
今次我挑選了Salon Osmosis,在勁方便的銅鑼灣區,我經常shopping後坐低休息順便在這裏護髮,一舉兩得。
今次揀這裏,當然有更深層次原因啦!一站式染焗剪吹,仲有多個歐洲品牌針對性護理埋頭皮,服務夠全面又專業,裝潢有格調,是很舒適的享受!

我已經幫大家爭取了獨家優惠添!
看看以下療程,揀選合適的自由組合,俾個機會妳的髮絲重生啦!!

Mission 1:拯救髮色
這裏選用日本優質素材染髮牌子,低致敏、無雙氧成分,減少對頭皮及頭髮傷害,染色後亮澤度特別高,也不會抽乾髮絲水分。
以嘉賓'匡翹'為例,頭髮曾做多次漂染,新生的髮頂部分是黑,餘下甩色又黃,必須做實色染髮,下半截則可配合顏色焗油,才可令整體色澤一致,又可減少傷害。
以我為例,則只須全頭做顏色焗油,既不傷髮絲,也能令髮色更亮澤;我偏好紫紅色,看來更醒神。


拯救頭皮及髮絲
從來,我高度重視頭皮健康,深知髮絲才會健康;惜一般人忽視甚至不懂護理頭皮的重要性!
節目中,我為'匡翹'揀選了法國著名品牌,是以純天然草本成分護理頭皮,可因應不同問題所須對應,如舒解敏感、潔淨去除多餘油脂,暢通毛嚢、養毛防脫等.....
過程是將濃縮精油塗抹在頭皮按摩,加上儀器注入臭氧幫助消炎殺菌。
接著,是針對改善頭髮護理,同樣用上法國品牌,配合40度熱力蒸氣將營養粒子霧化成納米微細狀態滲入每根髮絲,與別不同的是靠人手控制噴霧方向,專業技師會依據頭髮受損嚴重部位加長時間。

即睇對照成果!
此乃完成後對照,匡翹及在場工作人員也非常滿意啊!
變得貼服順滑又光澤!
---
---
如果大家對以上療程有興趣,請於限期內致電預約,說明是Yoko讀者方可享獨家優惠:
染髮或顏色焗油 半價 $750/(原價$1,500 )
頭皮及髮絲修護療程 低於半價$580/(原價$1,280)

條款細則:
*以上長短髮均一價;並已包括洗頭及吹髮服務。
*以上優惠價,每人只限享用一次。
*優惠期至2013年2月底止
-
Salon Osmosis
銅鑼灣禮頓道95-97地下D(至醇酒庫樓上)
營業時間:10:30am至8:30pm
預約電話:2576 8330
———————————————————————————————-
本週《MORE》專欄精采內容:
2013 我的十大奇蹟面霜〈上〉
網上一直留傳「世界十大頂級面霜」名單,被譽為深受荷李活星、名緩名人寵愛,以至全球愛美女士夢寐以求重拾青春的護膚品共通點是擁有一瓶就能夠對抗歲月摧殘,無須層層疊N款修護品,是成熟肌的「皮膚救命霜」啊!
「我的十大奇蹟面霜」誰屬!請留意今期《MORE》雜誌內我的專欄。

2013年1月25日星期五

我的扮靚心得據點!

今個星期,我的美容心得,有幸遍佈多本潮流雜誌

除了重點<東方新地More>外,還有<壹週刊>、<忽然一周>、<Fashion  Beauty>,多謝各編輯們的賞識,讓我的扮靚心得佔據各大周刊矜貴版面呀!

讀者們欲知詳細美容資訊內容,敬請買齊以下各本雜誌,多謝支持啊!
即睇精采簡介......

<東方新地More>
今期more封面是純情女神陳妍希!
東地封面是近來娛圈熱話,娜姐分手𠝹入方力申三角戀?
至啱睇完,茶餘飯後討論一番!


我今期專欄「唔要面」,將自己慘烈過敏故事道出,
ugly 相都show埋出嚟示眾,希望以過來人身分幫到大家!
--
--
<Fashion  Beauty>
今期封面是嘉欣BB!


好榮幸,我同兩位城中靚女名緩---
徐淑敏(Suki)及何培倩(Anina),齊齊分享美容見解!


題目諗得好吸引,是「預測2013護膚大趨勢」。
看了大家的分享後,發覺我同Anina的美容潮流預測竟然不謀而合,surprise!!
--
--
<壹週刊>
壹週刊時事都關我事?今期封面係金管局反挾金發局!


其實係雜誌內的科技版,我被邀分享至愛的「扮靚攻略app」,
有教化妝短片,有美容購物推介啊!
--
--
<忽然一周>
今期封面是chok王林峯X吳千語秘密同居?


我被訪內容是「星級推介假睫毛」,及「成日唔甩」睫毛膠水王。
---
還有26出版明報週刊>......

TVB J2台
今個星期六26/1  晩上8:30 <姊妹淘>---《大變身》環節,邀請我以專家身分指導護髮心得,幫一位靚女將其又甩色又枯乾又開叉的禾稈草髮絲起死回生,結果效果超級amazing,敬請密切留意!
大家睇完想試無敵treatment,節目播出後在 TVB 網頁留言查詢啦!

敬請留意!多謝支持
———————————————————————————————-
本週《MORE》專欄精采內容:
短暫性皮膚過敏 SOS方案
「皮膚敏感很困擾,又紅又痕又乾又痛,請問Yoko你有什麼好推介呀?」諸如此類讀者留言,從來登上我blog之冠,斷估不到最近自己也發生「短暫性過敏」,心靈被衝擊!可幸,無須兩星期徹底解決了希望可幫助敏感性皮膚人士。詳情請留意今期《MORE》雜誌內我的專欄。


2013年1月21日星期一

敏感肌專用的低成本淨膚方法

皮膚表層老化角質積聚,輕則面色暗啞泛黃,了無生氣;重則毛孔閉塞,油脂塵埃堆積,暗粒大瘡排隊出嚟!

普通肌膚可以有多種方法去角質,如選擇磨砂潔面、酸性peeling、敷泥面膜,甚至是儀器技術結痂後褪皮。

然而,敏感肌膚薄弱不可受刺激,如我媽咪及家姐,除咗我嚴選某些深層潔淨面膜供她們使用外,就只有靠天然素材DIY才最安心。

以下分享兩款,特別適合敏感肌使用的去死皮(表層老化角質)DIY方法:

黃糖+蜂蜜 磨走死皮
黃糖是由甘蔗壓出來的汁液提煉,含有维生素、微量元素和抗氧化物,營養成分比白砂糖高。 
蜂蜜含有葡萄糖、果糖之外,還有各種维生素、礦物質和氨基酸,是人體所須營養。
以黃糖混入蜂蜜製作成磨砂潔面品,是具排毒且滋潤的功效,透過天然粒子的磨擦,既可褪走老化死皮及促進血液循環,還可加速細胞的代謝,均勻膚色。

製法:黃糖1小匙 + 蜂蜜3小匙
用法:將兩者混合,在濕潤的面上取之打圈按摩,力度要輕揉,免刺激敏感薄弱肌膚,然後用濕棉花抹掉才過水洗淨,往後抹爽膚水及塗保濕修護品便可。
由於黃糖及蜂蜜也可直接食用,故此除潔淨面部外,也可用作唇部磨砂啊!
每星期一次便足夠!
後感:「黃糖粒子在面上摩擦時感覺頗粗嚡,可只集中在T字位按摩,面頰位置則輕輕帶過便可;過水後皮膚感覺很柔軟,是白淨及光滑了,又不會很乾啊!是極天然溫和的去死皮方法。」
  ---

燕麥片+牛奶 吸走油脂污垢
燕麥含有蛋白質、維他命B群、燕麥油,及高纖維成分,在皮膚護理層面,具有抗氧化及增加肌膚活性功效。
牛奶則含有豐富維他命及蛋白質,具鎮靜、滋養肌膚功效。

製法:將燕麥片1湯匙 + 牛奶4湯匙浸半分鐘,調合成糊狀。
用法:潔面後直接敷在面部,待10分鐘乾透後用冷水沖淨;緊接慣常 塗修護品程序。
後感:「燕麥片宜用小片款式,太大片的較難黏附在面上,也不易均勻敷上;敷後漸乾時皮膚會覺得好磞緊,像是有緊緻肌膚和收細毛孔作用;沖淨後皮膚感覺好清爽,有效去除過盛油脂。油性敏感肌可一星期敷兩次,否則一次便足夠。

我建議:肌膚極度敏感的宜選燕麥片+牛奶敷面法;始終,黃糖+蜂蜜DIY磨砂品,須配合按摩(液循環)才可發揮最佳潔膚效果。
———————————————————————————————-
本週《MORE》專欄精采內容:
西短暫性皮膚過敏 SOS方案
「皮膚敏感很困擾,又紅又痕又乾又痛,請問Yoko你有什麼好推介呀?」諸如此類讀者留言,從來登上我blog之冠,斷估不到最近自己也發生「短暫性過敏」,心靈被衝擊!可幸,無須兩星期徹底解決了希望可幫助敏感性皮膚人士。詳情請留意今期《MORE》雜誌內我的專欄。