2012年10月31日星期三

"Puru Puru"「漲卜卜」噴霧精華

我以前隔離房位同事,每日會做一個慣性動作,是有助肌膚refresh的;之但係,我哋兩人座位之間有板間相隔,但我既無透視眼又點解會知道?是嗅覺feel得到,非常濃郁的玫瑰芳香味道呀!噴在她臉上,怡人芳香飄到我處,倍覺醒神。她用的品牌是Jurlique


另有一位好友,慣性帶樽迷你礦物水在手袋裏,用作隨時隨地噴面保濕及補妝之用。
她用的品牌是Uriage

如果妳同佢哋一樣都有以上呢個嗜好,我有心水產品推介俾大家:
ettusais "puru puru" mist雙重膠原保濕精華 $16080ml 
(售賣點:銅鑼灣時代廣場 B229B)
"puru puru"解作甚麼? 
是日語,puru puru意指「漲卜卜」、水潤飽滿的意思,
即係人見人愛的皮膚狀態

呢支產品雖則叫做精華,其非一般塗抹方法,是噴霧來的



樽內是啫喱狀的濃縮精華,噴出來卻是霧化小水珠,很神奇啊!
我建議配合輕拍打手法,令啫喱珠100%爆破加速皮膚滲透


呢個技術叫「啫喱微囊化」,霧化小水珠是由啫喱外層包裹住彈性保濕成分,按出後接觸皮膚即變成強效保濕劑。噴上後,會於肌膚形成肉眼看不見的保濕屏障,有效防止水分流失。

呢支精華噴霧加入咩美肌配方?有咩成效?
係用咗女性至愛的「保加利亞天然玫瑰水」做基底配方,保濕舒緩,仲散發清新花香味。
至值得我推崇是添加入雙重膠原成分:水溶性膠原及水解膠原。相信大家都開始識得注重膠原對皮膚的重要性,掌握彈性大權嘛!呢個成分係市面上絕大部分品牌嘅噴霧都無加入嘅!
透明質酸:補充肌膚表面及深層的水份,保持滋潤感,令水油平衡,可預防肌膚粗糙。透明質酸特性是
發酵蜂皇漿:對美容上是極具營養價值,同時蘊含氨基酸、多種維他命及礦物
質,能有效活化細胞,抗衰老。
甘油:令保濕效果long lasting

以上好處講咗,仲係無香料及無色素添;妝前妝後都可以噴嚟保濕,隨時隨地為皮膚降温。
另外,要交代俾大家知,配方有微量洒精成分,可以對痘痘皮膚起殺菌消炎作用,但對洒精敏感者忌用啊!
---

美肌常識:

1) 噴霧會令皮膚愈噴愈乾?
噴霧水,無論成分是來自溫泉礦物、植物、添加營養精華等,噴起來即時降温清爽舒適,但往後若沒有即時再塗保濕霜,蒸發後會帶走皮膚表面水分,反而更乾。故此其濕潤感覺,只是暫時性的,噴後仍須搭配含油脂的產品,才能加強肌膚水分度。
若然想在妝後噴上,形成絲般保護膜,就要緊記以下程序---使用時距離面部約15cm,水份便可散佈整張臉,再用指腹輕拍,促進吸收;只需要在肌膚逗留約20秒,就該用紙巾輕印走多餘水份,以防空氣蒸發抽乾水份,始能發揮保養同時阻隔外界污染。

2) 甚麼膚質適用噴霧?
噴霧最適合乾性和中性皮膚使用,對於油性皮膚要慎用,因為皮膚表面油脂分泌旺盛,而水和油不能相溶,若然往臉上噴精華水的話,皮膚根本無法吸收,反而更易阻塞毛孔呼吸,及黏附塵埃。


————————————————————————
本週《MORE》專欄精采內容:
去皺寶盒
安在家中都可以享受到專業級美容院護理功效?以科技日新月異而言,我相信將會是美容界大趨勢。頃刻希望皮膚幻變平滑無紋?我近來試用了一套家用專業級護理療程,須持之以恆半個月,美肌成績達滿意程度,我視它為「去皺寶盒」。情請留意今期《MORE》雜誌內我的專欄。

2012年10月30日星期二

「眼線筆」大眼妝

今日配角係愛貓 Bubebu,主角係我眼妝,
又有「眼線筆新歡想話俾大家知

女性鍾意買鞋買衫買袋買化妝品.....我都係,仲要瘋狂個堆喎;講到化妝品,其實我儲得至多係眼線筆,仲要all black添;之但係 black 都分好多種類嘛,襯唔同衫、想化唔同look,都可以細心揀選--- 帶灰的黑、帶閃的黑、超濃的黑等等,效果好唔一樣呀!

呢支就係我新歡!
11月1日至登場的最新冬季限量版---- Majolica Majorca魔幻眼線液 $128 
(指定屈臣氏及莎莎有售)

筆尖極幼,易劃出好 natural 的眼妝;
喜歡輕易在眼皮上色,無須來回幾次;
重點是超強防汗、防油、防淚水,持久不易甩色。
但我覺得要彈的是,需要大半分鐘至乾透囉,想on top 再做layering都急不得。

是幻彩珠光濃黑調,看示範就知黑得來不會太硬實;
呢支眼線筆特別適合用來描劃兩個位置,就係眼頭同埋內眼線喇!
眼頭:筆尖夠晒超幼細,可以細緻填色,又不會化開。
內眼線:超強防汗、防油、防淚水配方,唔怕變熊貓眼。
---

想更有層次感,要加埋佢......
想眼妝更深邃,我梗會靠埋 gel eyeliner。
呢盒係台灣美容小店買的,只需幾十蚊勁抵用,柔滑易上色仲唔易溶添!激讚!
至於最緊要的工具---眼線掃,必推介 Bobbi Brown Ultra fine,
軟硬適中兼絕不會甩毛,非常耐用,兩年都唔使換。


深邃眼妝:先用gel liner劃較粗的整條上眼線,
然後在睫毛根部上下邊位再用珠光黑色眼線液塗一層,
就會有不同深淺及不同亮度黑調,塑造層次感。

想使出更專業妝技,就要 on top 再加眼影粉做blending,
當然唔少得像真的捲曲 fake lashes 啦!

————————————————————————
本週《MORE》專欄精采內容:
去皺寶盒
安在家中都可以享受到專業級美容院護理功效?以科技日新月異而言,我相信將會是美容界大趨勢。頃刻希望皮膚幻變平滑無紋?我近來試用了一套家用專業級護理療程,須持之以恆半個月,美肌成績達滿意程度,我視它為「去皺寶盒」。情請留意今期《MORE》雜誌內我的專欄。






2012年10月29日星期一

激抵價試 瑞士活細胞名牌 La Colline facial

6千蚊可以做D乜?
呢個問題在上年財爺派糖個時四圍瘋傳,直至呢一刻,意想不到的答案是…… 都未夠買一樽高效面霜或一支高效精華素呀!
…..究竟係咩品牌咁矜貴?
答案是瑞士活細胞名牌 La Colline 的最尊貴系列---Nativage

先報價俾大家知:
La colline Nativage 精華 Le serum $6,62550ml
同系列 Le cream 面霜平少少都要 $6,12550ml

如果將以上兩款產品取出特定分量,要足以配合按摩全面連眼部,相信都價值千幾銀喇;若然再加上射頻儀器,做足30分鐘活躍膠原增生,呢個facial閒閒地收你近三千銀都唔出奇!
至奇係家陣唔使$600,都可以體驗啊!
放心,絕非騙人技倆,純粹是為讀者爭取到的首次超特價歎 facial。

話說回來,我幾個月前已經擁有呢款當時新鮮出爐的La colline面霜,雖則夠晒矜貴令人心動,但我按捺住沒有使用也不急於撰文分析,因為未係right timing,到近一個月,做了先死而後生的peelingeMatrix,皮膚勁乾加上天氣轉始開封試用,感覺是極rich,質地非常豐厚,輕易keep到持久潤澤 (油性肌膚不合用)
面霜如此天價,還是留待有錢無掟使的名緩太太變靚玩意吧;我倒建議大家值得用幾百元讓皮膚一嚐進補,於這尊貴用料facial中一次過盡吸珍貴營養精華,至緊要係即時有急救殘樣變靚效果!

La Colline原肌再生尊貴療程/105分鐘
首次超特體驗價 $588
潔面、爽膚,到去角質peeling都係用 La Colline矜貴活細胞,絕對係超值享受專業

想幫助皮膚營養滲透,最好方法除了peeling褪走老化角質外,
至有效其實是做射頻機,將熱力輸送至真,激活細胞,之後搽乜都自然吸收啦!
呢部儀器是意大利製造,屬高性能,有雙極及
配合遠紅外線,令能量發揮得

先做雙極射頻,於全面拖行一轉,目是 warm up皮膚,促進血液循環及帶動淋巴液運行
將熱力平均輸送至真皮層,以激活膠原纖維,激collagen pump up緊緻

緊接是做三極射頻,針對性
是更強能量,配合機頭鐵珠,帶動撫平幼紋及皺紋。
兩者達38度,是有效發揮效用但不會過熱的安全

做機時間足足有30分鐘,非坊間一般20,而且面眼頸都顧及到,夠全方位啊!
好dry,俾乜佢都,所以要好好善待......主角出場,是成6千銀的 La Colline 精華素,美容師為我落重料,非特別優待我,而是皮膚屬乾性,就好似海棉吸濕力特強,推一陣就乾,結果足4下至夠全面加頸,賺左,yeah yeah

精華素之後就係面霜,同樣超矜貴!
至巴閉係用量激多,並非塗足夠便收手,而係要來當作按摩霜,
果真不計成本非常奢侈,相信係人都想置身其中
La Colline 款珍貴護膚品是新一代細胞新生複合物 CMAGE®結晶,
能夠將有害的游離基轉化成肌膚所須:水分和氧氣,減慢皮膚細胞氧化
提升肌膚彈性,膚色煥發光采,至緊要係十級滋養,幼紋乾紋無定企


以超珍貴成活細胞精華素+面霜,起勢按面,今次皮膚

仲未完?係呀!再 on top 敷上 La Colline 眼膜+面膜,然後倒膜,將空氣隔絕,令養分100%迫入肌膚底層,目的滋潤、促進細胞充氧及更生,美顏

倒膜時間都絕不浪費,美容師會同步為我按摩肩膊手部呀!
按摩肩膊用上 La Colline 含蜂蜜、甘油及維他命E按摩
力度適中有助繃緊肌肉,完成後皮好潤
按摩手部燃點 La Colline 蠟燭,釋放出的精油含樹脂黃油和棉籽油,
有效滋養、保濕及療膚,皮膚仲好香添!


完成!
接近兩個鐘的完美 facial,真係無得頂!
做完即刻有極滿意收穫---肌膚好軟滑,哈哈......可以用難得一見的「水嫩潤澤」來形容呀
加上射頻儀器威力,令肌膚兩星期後觸感緊緻有彈性
提提大家,呢個 facial
,就把握時機進補啦!
----
大家係咪好想飛身試呢個 facial呢?
Yoko's blog 讀者可享超級特惠價啊!

以$588 享受 La Colline原肌再生尊貴療程 /105分鐘 (包括面眼頸)
加送 50分鐘身體按摩

請click


* 優惠必須於2013131前使用
----

Club info: 
尖沙咀金巴利道1-23號美麗華商場11字樓 (2377 3888) 
銅鑼灣恩平道28號利園24字樓 (2882 7880) 
太古城中心第42字樓 (2513 1333)

—————————————————————————
本週《MORE》專欄精采內容:
去皺寶盒
安在家中都可以享受到專業級美容院護理功效?以科技日新月異而言,我相信將會是美容界大趨勢。頃刻希望皮膚幻變平滑無紋?我近來試用了一套家用專業級護理療程,須持之以恆半個月,美肌成績達滿意程度,我視它為「去皺寶盒」。情請留意今期《MORE》雜誌內我的專欄。


2012年10月26日星期五

「Shu Uemura X Karl Lagerfeld 交叉妝品」實物晒冷!

美容界時尚話題新品非佢屬呀......
半個月前同大家預咗(重溫請click入以下文章)


熱切期待……預告shu uemura X Karl Lagerfeld 交叉妝品

前兩日終於有得買喇,咁可愛嘅限量品勢必冧死女!
我已經快人一步擁有心水產品,俾大家欣賞吓......
呢個氫氣球令我愛貓Bubebu為之瘋狂,在家拉拉扯扯玩足一星期,
難道牠也愛上Shu Uemura × Karl Lagerfeld,哈哈!

上星期收到這份早來的聖誕禮盒及心意卡,so sweet!

呢盒 palette 至啱描劃初秋烟熏,是復古絲絨綠香檳金
還有黑中帶閃粒子,太靚喇.....仲未捨得用住!$530

我覺得最適合亞洲人眼型的是Shu Uemura  Jill Stuart 呢個勝在多咗個可愛匙扣-----
小魔法師 Mon shu girl,要嚟串住鎖匙,愛死呀!$140

由Karl爺親自精心挑選四款唇膏顏色,呢支係波爾多的紅葡萄酒色,!$210

限量版指甲油有鮮紅、米棕及呢款潮黑色,black 當然 Karl至愛色調啦!
甲油黑中帶銀閃超型格,冬天襯皮褸so smart!
至得意係附送的指甲貼紙,可以自行裁剪拼貼,挑戰tailor made眼光。 $120/set

好靚呀.....呢set化妝掃套裝,我最like!
袋仔靚就固之然啦,優質化妝掃是幫我塑造靚又貼服妝容不可或缺,分別是山羊毛胭脂掃尼龍眼影掃貂毛眼影掃和眼唇化妝掃全部made in Japan,毛質超soft呀!$450

同場加映!
這個是「非賣品」心口針---小魔法師 Mon shu girl很珍貴啊!
有誰擁有它,即管呀!
只得一個.......(敬請10月28日,隨後安排送到你府上)

—————————————————————————
本週《MORE》專欄精采內容:
轉季 提升妝容的秘技
時值初秋轉季間,皮膚狀態最容易不穩,尤其在化妝時候特別多問題浮現,如乾燥脫皮難上妝、面色暗啞如灰水、幼紋皺紋愈遮愈現。如何解救?情請留意今期《MORE》雜誌內我的專欄。

2012年10月22日星期一

舌尖上的台北(2)平價台灣國宴

讓大家久等的「舌尖上的台北系列」,終於有第二回!我對於吃的執著,不下於我對美容的堅持。難得來到台北,我通常都會找一些沒有被香港旅遊雜誌或傳媒介紹過的餐廳,一嚐最正宗的台灣美食。
繼上一次去「二空眷村菜」後(詳情可重溫:台灣美食之二 萬元牛肉麵+台式平民眷村美食), 我又再獲食神眷顧,獲地道台灣朋友推介去一間台灣小館,但卻擁有前台灣總統御廚坐鎮的「湘鼎坊」!
話晒叫前總統御廚主理,會是富麗堂煌的裝修嗎?也不是,普通到你唔信:
店面就在橫巷內的不起眼角落!窗內用手寫出由前總統御廚主理的字樣及曾經有那些傳媒介紹過的紀錄!
但係我見到有蘋果日報同壹週刊介紹喎,仲唔係香港傳媒介紹過?唔係架,係台灣蘋果同壹週刊,香港讀者係冇緣睇到!
到底食乜好?台灣友人推介一定要食「養生菇土雞鍋」,甚麼是養生菇?經試食後,可以這樣解讀:具有養生療效並加些菇類植物再加隻台灣養的土雞煮成的湯,咁大家就易明一點!入口是非常重藥材味的雞湯,如果你並不喜愛藥味湯,這不是你杯茶,但我對這類滋補食療一向偏愛,用埋新鮮老雞煮,香港一定食唔到。都係媽咪夠眼光,一睇就知係重四至五斤的老雞先煲到,但肉質一D都唔鞋,我自己仲食了好幾件雞添!
另一個一定要點的是砂鍋魚頭煲,又係貨真價實的「小菜」!因為一上桌係見到一隻非常大的炸魚頭,至少有兩斤半,鋪面的炸枝竹又係高水準,一路滾一路淋湯,將湯底餵入魚頭。炸完的魚頭一點腥味都沒有,連我唔鍾意食魚的老公都肯放入口,「厭魚症」都醫得好,就知真係好好味。
比較怪異的推介係炸德國咸豬手,莫講話大家,連我當時聽到都打個突,去台灣食豬手,唔夠台灣喎!不過好友推介得,我一定信,結果真係喜出望外,單係睇相,你都未必可以在香港搵到相近的貨色,炸到皮脆肉嫩的豬手,真係第一次食到。好多時都係炸到皮 火農 肉乾,豬手變豬肉乾,我唔食油炸唔食肥膩都食左幾件呀。
 另一味特式小菜叫「彭家豆腐」,點解叫彭家豆腐?其實同來自潮州的普寧豆腐相近,但彭家豆腐來自南京,特點是非常嫩滑,和玉子豆腐接近,但比玉子豆腐更滑,卻沒有蛋味,係正宗的豆腐味,在香港我自己就從未遇過這一道菜。
 上述是比較有特色的小菜,其餘炸大腸、蒜苗炒咸豬肉、五更腸旺、塔香海瓜子都非常出色。但最令你意外的,是一行七人不停喪食暢飲,埋單只不過新台幣$2,900,即約HK$800,實在合理得非常過份,但食到御廚級數菜式,真係非常值得!雖然店面環境實在非常普通,但也有台灣人的認真整潔,比香港不少餐廳更乾淨,可以放心去食!

 地址?影埋咭片畀你睇,仲有簡單地圖,非常方便大家架!
—————————————————————————
本週《MORE》專欄精采內容:
轉季 提升妝容的秘技 
時值初秋轉季間,皮膚狀態最容易不穩,尤其在化妝時候特別多問題浮現,如乾燥脫皮難上妝、面色暗啞如灰水、幼紋皺紋愈遮愈現。如何解救?情請留意今期《MORE》雜誌內我的專欄。




2012年10月19日星期五

送韓國手信 Vol 2

謝大家噚日參加「韓國手信」遊戲啊!
真的有點意想不到,收到很多極之詳細的答案,勁呀!
我的原意,是希為大家朝九晚七的刻板帶來一絲,原來仲可以從答案中領略生活小貼士添!

今日繼續玩,再送出6款由天然素材提煉的韓國品牌紙面膜。
規矩照舊,有興趣獲贈面膜的,敬請留言,謝謝!


豐富水溶性維生素AB、E及蛋質,可令皮膚嫩滑及有去角質抑制油脂作用古時人們以天然自家洗米水美顏,現今我就不鼓吹喇,因為混有雜質污物,反而容易致敏,還是經提煉後方可使用啊!

Q7) 碗100g路里

蘆薈
蘆薈在遠古已被作為美容、護髮和治療皮膚疾病的天然之物,皆因含有豐富的多醣、蛋白質、氨基酸、維生素、活性酶及微量元素,能滋潤保護皮膚,甚至起天然溫和殺菌消炎作用。
Q8) 蘆薈

橄欖
橄欖--由橄欖果或橄欖葉提煉出精華含有豐富的脂溶性維生素A、D、E、F及K,是皮膚容易吸收成分;提供滋養保濕高度抗氧化,更能發揮天然防紫外線妙效。
Q9) 橄欖

金奇異果
金奇異果是低熱量高營養,富含膳食纖維,幫助暢通腸道,排走毒素;
是高度抗氧化生果,豐富維生素C能夠促進肌膚健康,增加光澤
此外有維生素A、E、鉀、鎂、氨基酸及天然肌醇等,能有效修復受損肌膚
Q10) 金奇異果與綠奇異果,哪營養價值較高呢?

新西蘭金邊劍麻
新西蘭金邊劍麻植物經萃取後,在美容上有舒緩保濕功效,軟化角質,減淡乾紋及提肌膚
Q11) 敷紙配合什麼步驟,能提升美肌效果呢?(得獎者將獲贈片)

*敬請大家在這文章留言,想要邊款就答該條問題啦!

喜歡的話,每人答多過一條都可以呀!截止日期10月21日晚上12時正,結果會於下星期公佈,禮物將送到得獎者府上。

—————————————————————————
本週《MORE》專欄精采內容:
小心!醫學美容的華麗背後
上星期,我被邀請出席一個非常重要的跨國性美容會議講座,雲集美國、英國、法國、新加坡、台灣及香港美容界頂尖權威醫生,透露全球醫學及美容外科最新資訊。當中內容焦點集中在幹細胞及脂肪填充、嶄新瘦身塑型技術、止腋下多汗症及臭狐新方法、微整型注射及整容趨勢,實在獲益良多啊!結果,令我決定立即與大家回顧的,並非什麼驚天動地嶄新美容技術,而是世界各地駭人的美容界醫療事故,藉此警惕愛靚唔愛命的人士,小心風險。詳情請留意今期《MORE》雜誌內我的專欄。