2012年9月20日星期四

再闖東大門


我發覺,自己已經愛上韓國!
上一次的韓國之旅,好的地方好的嚮導還有最好的朋友,食買玩都滿分!
比較可惜的是,上一次東大門大部份時裝店都因事小休,讓我無法盡情購物。
今次就唔同啦,原班人馬再加多幾位好姊妹,選址新酒店JW Marriott,貪佢鄰近東大門的24小時商場,買到拎唔到都可以先擺回酒店,再繼續購物。
而令我更興奮的,當然係可以同埋一班為食兵團出發!做得我的好朋友,全部都可以犧牲自己的身型,放膽盡情喪食,所以今次回港後,會介紹更多韓國美食俾大家!
食完,梗係諗下點扮靚啦,同我喪食的好處係一定有辦法瘦得番,咁你就點解我身邊的朋友都可以肆無忌憚咁喪食唔停。今次去韓國都會繼續搜刮當地最新最in減肥化妝護膚品,買買買買買買買買買呀!買到上晒癮用唔晒,以我咁照顧各位的讀者的性格,當然會預埋大家一份,免費送俾大家添啦!
唯一驚的,係韓國剛受颱風侵襲,只怕搭飛機時會遇上不穩定氣流,同埋打風之後帶來的雨水,希望我可以有一個陽光之旅!
因為韓國,所以近期都非常留意韓國的潮流,今期人氣最盛的,當然係「江南Style」!
乜野係江南Style?江南係韓國的潮流區域,最in的地方聚集最in的人,俾人讚係「江南Style」等如話你有型有品味有個性。不過我講緊的《江南Style》,係目前全韓國甚至全球最hit的新歌,由韓國詼諧肥仔歌星PSY主唱,一句「OPPA Gangnam Style」歌詞加上搞笑的「騎馬舞」,令到呢首只不過在今年7月15日推出的MV,在Youtube上已經有超過2億1千萬瀏覽次數!(Lady Gaga首Bad Romance在2009年11月23日推出,至今有4億8千萬瀏覽次數)咁短時間有咁高瀏覽量,我自己都每日一睇一聽,咁次去到韓國,真係可以希望在韓國聽多一次,感受下當地的潮流氣息!
呢首MV睇完之後,真係會令你悶出鳥來的生活或工作,立即精神爽利:

PSY其貌不揚,不過行詼諧歌星路線,真係可以殺出一條血路!佢勁在畢業於美國波士頓大學音樂系,江南Style曲詞都係由佢包辦,CNN都要介紹佢、Morning Buzz Live訪問佢,佢仲可以用流利英文教主持人點樣玩騎馬舞!真正的國際化,OPPA Gangnam Style!(中譯:哥哥是江南Style!)
韓國,我來了!
——————————————————————————-
本週《MORE》專欄精采內容:
微針射頻二合 黄金點增生膠原質
「微針與射頻技術二合一」,亦即是一次治療可獲得兩者功效,當親眼目睹皮膚大躍進實例,加上一位抗衰老權威醫生細說論點,我終於體驗了。詳情請留意今期《MORE》雜誌內我的專欄




沒有留言:

發佈留言

注意:只有此網誌的成員可以留言。