2012年8月14日星期二

韓國食買玩之旅---Vol 1

繼上個月會展大型簽書會成功,旋即加碼舉行著作分享會,話咁快...就是今個星期三睌喇,誠邀大家來臨啊!
分享會假於觀塘 apm 商場地面,有我及Winnie同大家分享美容心得,當然唔少得加入問答遊戲送出護膚禮品環節啦!

想聽心得+遊戲+簽書,***記住在現場先買著作 ---Yoko《醫學美容儀器天書》 及 Yoko & Winnie《瘦身美肌秘芨2》,至霸頭排坐低呀!「免費入場,無須登記。」

上次去唔到書展的,讀者們請把握機會:除了即將星期三睌有我及Winnie同大家聚會外,9月1日(Sat)仲會有「Yoko Tsang × 拉斐特---及婚前護膚講座容後公布

專家扮靚瘦身實錄分享會

日期:2012815,星期三
時間:下午7時至8
地點:觀塘apm夜書市
講者:Yoko Tsang 及 Winnie Leung
----------------------

4日3夜 呀......
呢個 trip 非常lucky,每日都陽光普照,到走當日至落雨咋!

我們一行8人,2位無入鏡 ,今次團友組合以往從未試過,
是我做搞手的,就係咁擦出火花,搞出好多笑料,回味......

放低行李,第一站梗係佢。

睇見人頭湧湧就興奮,好多小店、擋攤,買買買呀!

哈哈!餃子大到似奄烈,皮好脆勁多肉汁,yummy!

糖餅是即燒即製的,留意婆婆腳下的小火爐,
再用竹簽挑成公仔圖案。試左係好脆但係好甜!

我從來唔鍾意食太多汁的食物,因為是致肥惡魔,
但呢盤野估唔到有一樣係我會讚,似腐皮狀魚蛋仲要包住條香腸,好有咬口味道good啊!

在明洞有好多食店,真係好難揀間間都好吸引咁,
結果千揀萬揀是最喜歡的燒烤及牛餐。

來到韓國,一定要食牛(除非你是素食者),真係特別出色呀!
燒汁牛肋骨,汁蜜味調較得好,肉非常嫩,好味過香港好多啊!

行程的某一日有韓國朋友帶路,凌晨時分去了這裏,四周燈火通明,原來是條食街。
有一間食店人龍超誇張,門口取票位竟然展示要等35張檯,
即有成百人等緊位,當時已經是凌晨一點幾!

我們最紋揀選了呢間專食帶子的店鋪。

鐵板燒套餐,有帶子、蝦、牛、菇、香腸等,
以芽菜伴著,牛油及煙肉起鑊,好豐富仲好香添!

我大胃王食完鐵板燒加碗飯都唔飽肚,
朋友們捧著肚子陪我轉陣隔離店再拼過,夠義氣啊!
到達海鮮專賣店,缸內蝦非常生猛,看眼睛就能辨知,來到檯面仲會彈跳,咁樣食法係好新鮮但好似特別殘忍,店主教先剝蝦身殼,就食最fresh,而不是先折斷蝦頭才剝殼。

 
再來另一煮法:鹽焆,原來更鮮甜,蝦頭膏全部是鮮橙色的,好甘香呀!

魷魚係缸內游呀游,好活躍,刺身上碟是切成幼條狀,
比片狀更易咬,好爽口,點少少豉油味道已經very good!

再來另一煮法:清蒸,新鮮的食材用最簡單煮法,已經最能襯托出食物的原始鮮味;呢款清蒸魷魚賣相雖然不討好,卻好食到難忘至極!內裏竟然是墨綠色的,從來也沒試過呢,原來是膏及內臟,味道似足食蟹膏,甘香且甜。

為美食,我甘願膽固醇及卡路里標升,
寧願多做運動及儀器救忘!
—————————————————————————————————
本週《MORE》專欄精采內容:
眼紋終於有救!
眼睛有紋,比死更難受!這個長年最難解決的問題,終於有解救方法了,怎樣救?詳情請留意今期《MORE》雜誌內我的專欄


















沒有留言:

發佈留言

注意:只有此網誌的成員可以留言。