2012年8月8日星期三

免費試用 Sleeping foundation

Sleeping mask 聽得多亦試得多,大家知唔知有 Sleeping foundation
即係竟然可以瞓過夜,無須卸妝嘅修護粉底? 
珍珠都無咁真呀!

故事出處在日本 ---
傳统日本婦女不願素顏示人,因由兩個字「禮儀」,甚至乎很多丈夫在婚後都從未見過素顏的妻子,皆因日本女性堅持「尊重」丈夫,只願給丈夫見到最靚一面。
有無其他辦法?有……
一位日本朋友告知,有些不願素顏的女性,會堅持等待丈夫先入睡,然後才卸妝,更須要在丈夫起床前就化好妝添!

以上故事當然特別,但我接受唔到囉!
一,心諗婚都結埋有咩未見過,素顏都有清新脫俗一面啫!
二,粉底即使有強效修護,都有色素嘛,點可以唔卸妝呢!
我嘅總結:「唔卸妝瞓唔安!」

以上故事,謎底揭盎--- 
究竟誰是該 Sleeping foundation 始祖?
答案:日本上市集團Enary......
Enary Moisture Cream Foundation  $520/30g (共3色:Pink /Natural /Ocher

既然標榜修護成效強到唔卸妝都得,當然首要拆解成份啦!
我一直是此品牌另一產品追捧者----Enary lotion甲殼水 (化妝水及爽膚水二合一),也曾重點介紹過俾大家,具修復再生、去除暗粒、紓敏抗菌的特性。
而此粉底液原來也含有豐富甲殼素成分,我上網搜尋,始知Enary在日本的皇牌產品原來係呢個粉底霜,仲經常賣斷市添 (我是指P18最淺色調)
大前提,是由於加了甲殼素的粉底液等同有强效護膚功效,甚至連敏感肌膚都一樣適合長時間使用,而且粉底是納米粒子製造,透氣度高,所以對於非常著重妝容的日本女士,簡直如獲至寶!事關好多日本女性都必須長時間化妝,須要化妝品等同護膚品不傷害皮膚,甚至要求是有益肌膚,所以這個粉底霜打著 moisture 及 recovery 字眼及實效而在日本銷量驚人!
呢樽 Enary Moisture Cream FoundationP18---Pink),擰開樽蓋色澤看來較杏及灰,好在我俾個機會佢,在Harvey Nichols counter用手背試色,原來夠淺,對於我偏白的膚色最適合,而且偏粉紅色調已經合乎我標準;我不喜歡偏黄調,亦最怕標榜最淺色的01號粉底液,顏色卻偏偏深得出奇,即係無款啱我啫!

再來是質地,一試上手背已知水分充盈,是很滑很易推開的;我覺得遮瑕度只屬中等,印痕瑕疵的未必滿意,愛貼薄底妝的則必愛上。

不過,質感好還好,這個粉底液也不算易用,是 cream texture不算薄身,故此竅門是只需很少很少分量就夠,否則好容易用多了而變得厚重,所以初用者緊記取極少量,用手指先塗額頭,再逐少沾取塗兩邊面,然後拖去鼻及下巴位,最後用附送粉撲輕輕按壓以吸走多餘粉底液。

在上粉底技巧方面,自覺是不錯的,我深信,如果有好的技術,遇上一般的化妝品,都可以化腐朽為神奇;如果技巧一般甚至拙劣,就必需買最好的化妝品來搭救!
我的皮膚不易找到 perfect match,經常搽粉後反而有乾紋和現毛孔,所以每當遇上絕佳的粉底液,我都覺得猶如中六合彩一樣咁高興呀!
------
大家係咪即刻有衝動撲去Harvey Nichols買呢盒粉底霜
咪住…… 停一停諗一諗...... 試啱先啦!
為咗大家著想,
買粉底至怕唔啱色,或者唔啱自己膚質,浪費金錢又唔環保。
試喺手或腮位根本試唔準,我亦深明此道,因為我都係用家!
所以爭取了 free sample 

大家只要到以下地點,說明是Yoko’s blog讀者,就可以免費索取Enary Moisture Cream Foundation試用裝一包喇!
*每人只限一份,現場敬請登記姓名及電郵。
截止日期:2012年9月底

 Enary 
中環置地廣場Harvey Nichols 
3695 3125
—————————————————————————————————
本週《MORE》專欄精采內容:
家用至尊 全能冰火美容儀
四合一美容儀組合夠新意,除了發熱,更可以製冷;同時照燈,最突破性是噴霧功能,可將精華液自行注入繼而霧化….. 生產商是韓國專門研究消除疲勞的磁石健康用品大廠詳情請留意今期《MORE》雜誌內我的專欄

1 則留言:

  1. hi yoko, do you think it's safe to buy japaneese skincare products? do u worry about radiation impacting the water quality of the products?

    thanks..

    回覆刪除

注意:只有此網誌的成員可以留言。