2012年8月28日星期二

孕後紥骨減肥?


剛剛的星期六是好友Jojo生日,男左女右共十人於長餐枱分座,姊妹們的話題總離不開美容!

靚媽Carmen劈頭問我:「見到妳喺more專欄寫超聲刀機瘦面,係咪堅呀?我想做喎,塊面好鬼鬆.....我以前對眼尾係戚啊,依家就dup 囉,一定要搞搞佢!」
有位女性朋友搭訕:「而家就做呢D儀器......唔使啩?」
旋即被衆女圍插:「咪顛啦!唔通摷晒皮、dup到老虎狗至執咩?到時實仲惡搞!」
我不欲在此再大費周章,想知我見解請重溫:強勢機王 拉面皮回春 <壓軸篇>

席間,最爆是以下呢單料!

剛生咗B六個月的靚媽Carmen向我訴苦:「大鑊......Pat Pat 超dup呀!我直頭可以夾住幾支筆,marker 都得添,唔信即席示範俾你哋睇吖(苦笑)!」
我回答:「運動加做機,可以好快挺番啫!」
靚媽Carmen:「我有朋友做『孕後紥骨減肥』,你覺得work嘛?」
「紥骨減肥?」衆女嘩然繼而爆笑。

細問下得知大約情況---- 是生完BB後即時可做的treatment,這是上門專人服務的,價錢亦相當和味呀,每次收費$1,000。
利用特製透氣彈性繃帶包紮腰部至盤骨,紮足全日八個鐘呀!最好生B後日日做喎,直至一個月後才減少次數。嘩!計落條數好甘呀!
原理是生育後肌肉及皮膚鬆弛、盤骨橫向撐開,即時給予包紮綑縛就可立即改變體形回復原狀。
靚媽Carmen謂她有位朋友做了三個月,即刻瘦番晒,要腰有腰,要蘿有蘿;但會感覺不舒服,行動也不方便。
顯然是紥繃帶法,卻被起朵「紥骨」,即刻聽來好有gimmick呀!Haha.....讚!
我無試過亦無身邊人試過,不予置評;若然大家做過不妨留言分享啦!

從表面證供看來,「紥骨」疑似木乃伊紥身減肥法的一種,透過紥、壓、縛方法,令脂肪粒子被繃帶紮著暫時移位,絕非能永久性減少脂肪呢!
欲想真的有瘦身效果,其實可以先塗減肥產品按摩溫熱才加繃帶「紮」住,或穿特別物料衣物施「壓」、又或用腰封「縛」腰。浸透了具收緊及排毒配方精華液,經包紮後,皮下的脂肪組織毒素便可經毛孔或淋巴排走。
包紮時力量應加強,紥得緊密才能迫使曲線更優美,但須注意也不能包得過緊,以免影響正常的血液循環。

————————————————————————————————————————————-
本週《MORE》專欄精采內容:
紅遍口碑王 台星齊撐老字號面膜
有一個台灣出品的面膜,我會用「外形不討好」來形容,卻能憑藉名符其實超凡實力取勝,得以在網絡世界及美容節目上爆紅,甚至乎深得台灣演藝界衆星、神級彩妝老師等歡心,對產品讚口不絕……詳情請留意今期《MORE》雜誌內我的專欄




沒有留言:

發佈留言

注意:只有此網誌的成員可以留言。