著作拍攝封面花絮篇

剛剛過去的星期六及日忙到不得了！現在才鬆一口氣.....我今日早上起程飛去北京睇世界級花式溜冰及睇抗皺美容新品，希望可以盡情relax啊！


出一本著作須要下的功夫真的很多，何況今年書展我是一口氣推出兩本，真係「有壓力」。
前兩個月交晒稿，但後期仲有好多嘢要跟進，前兩日做唔停手：
星期六
1:30 到世貿化妝set頭
3:30 到達婚展博覽會
4:00-4:45 美容講座分享心得
5:30 到達影樓
5:30-6:45 化妝set頭換衫
6:45-10:00 為兩本著作拍攝封面
食埋晚飯，返到屋企累到散咗！

率先帶大家睇拍攝著作封面花絮：

今次有TVB 「變身男女Chok Chok Chok」髮型總監Ritz幫手，賜我頭髮超級柔順光澤，原來要令頭髮捲曲得來有彈性要好有技巧，

對他而言任何造型也是強項呀！

當日幫我打造兩款不同妝容----清新及型格，

是出自著名電視台化妝師Soie，我有重要工作必定指定與她合作。

身邊朋友及PR們也認同出來效果比以前更好，要揾一位與自己好夾的化妝師真的不易，

我幸運地揾到嚟！

感激Ritz在剛過去的星期六幫我whole day工作！

星期日
為著作全力最後衝刺---
距離書展尚有五星期，我的新書亦進入最後階段，準備送進印刷廠。

所謂最後階段，就是一些校對的工作，以及最終的編排決定。

昨天我要一次過校對200頁，人都顛！並為我的化妝師、髮型師、時裝設計師撰寫統籌behind the scene版面，還有最重要的禮物安排！仲有more及晴報專欄交稿影相......

今次個人著作面世，給我的讀者隨書禮物驚喜，將會是超誇張---總值廿萬美容產品，保證大家開心到飛起，緊記拉埋朋友前往書展搶購，手快有手慢無呀！

隨書附送的禮物詳情，稍後再為大家公佈。

而我呢刻的工作，就是要執拾行李，oh...已經是凌晨4時，星期一朝早，我就要直飛北京了，瞓得5粒鐘咋！如是者，留言暫未能全部一一答覆，請耐心等待至我出trip返來吧！

汲取了上次去上海的經驗，在國內上網真不簡單，單是facebook已經無能為力，寫blog也要睇下酒店的WiFi生唔生性。

所以，我未來三天可能暫停博客更新，但我當然會如常更新我的微博啦！

——————————————————————————————————————-

本週《MORE》專欄精采內容：

敷面膜駐顏有術

粗略估計，我曾經試用過的面膜相信為數幾百款，優質還是劣質，逃不出我法眼和臉龐。得出理論是，敷面膜都講求天時地利人和，何時何地如何使用面膜，能令功效加倍？詳情請留意今期《MORE》雜誌內我的專欄。

facebook：香港美容專欄作家 Yoko Tsang
微博：http://t.sina.com.cn/yokot/
http://yokotsang.blogspot.com