天生色素沉澱真係好惡搞，不過，皇天不負有心人，我已經開始接觸一部超高科技儀器，使用嘅技術係超乎想像(賣個關子先)，最重要是竟然可以幫到我醫呢個不治之症---黑眼圈，大家千奇唔好心急，留言俾我都唔會公開秘密住呀！請耐心等待我好消息啦！
喺而家革命尚未成功嘅時候，我唯有面對現實繼續用遮瑕產品掩飾。
開 blog 以來同大家分享過好多款黑眼圈遮瑕產品，今日又講喇，並唔係新登場而是2009年推出至今，舊係無相干的，至緊要好用！可能你哋都用緊或用過呢！
它就是 Sofina
Primavista 妝品系列，標榜滋潤緊貼，皮膚又乾又有紋的至啱用。
其粉底液都相當唔錯，但我至想強力推介是其明眸精華遮瑕液......
Sofina Primavista Essence
Concealer明眸精華遮瑕液 $190
(銅鑼灣Sogo有售)
備有防曬15度阻隔紫外線侵害，特別適合炎夏使用。
只得1隻粉肉色，恰巧fit晒我膚色，即皮膚白皙至中調適用，與健康深膚色無緣。
質感極水潤透薄，是自然的遮瑕效果，遮蓋色素度約85%，
若想黑眼圈100%暫時消失，sorry……佢無能為力。
用法：於眼底點四點，然後用指尖輕印開，再用棉撲輕按壓至完全貼服均勻。
點解得我歡心？
1) 重點是有眼紋至啱用，因為含有「彈性貼服聚合物」成分，這設計是專為解決眼部頻密眨眼動作，令遮瑕液不易起摺，保持皮膚平滑狀態。
2) 夠濕潤，眼底皮膚沒油脂腺特別容易乾燥，此遮瑕液含有多種抗衰老滋潤成分，如洋甘菊精華、日本羅漢柏精華等，還有促進血液循環的生薑精華，再撲上碎粉都唔會乾。
3) 粉肉色同膚色好match，不會太白也不會太暗沉。
4) 唔浮粉，好貼服。
示範：
測試實證：唉！自己知自己事，血液循環唔好加上化妝多搞到下眼線位色素沉澱，好在有辦法，
就是塗上遮瑕液後，能自然地掩飾暗啞及細紋。
就是塗上遮瑕液後，能自然地掩飾暗啞及細紋。
唯一唔明係遮瑕液點解會得一隻色呢？
別告訴我，又是什麼「自動調節肌色功能」，坊間有BB Cream因為只得一隻色，竟然起咁嘅名堂樣，根本無可能囉，我唔信李嘉欣同李珊珊天南地北膚色都啱用！
同揚加映
講開 Sofina......呢支 Sofina Alblanc 遮瑕筆已經成絕唱，唔知點解唔再生產呢？真係好好用呀，可以做鼻樑highlight，是on top搽在粉底上，即時彷彿高咗直咗；仲可以搽少少喺眼底及眉骨打亮肌膚，即時亮麗咗，輪廓sharp咗。
可惜刻下已經無得買喇，呢支我要慳住用呀！
——————————————————————————————————————-
本週《MORE》專欄精采內容：
對付暗瘡的壓箱秘技
暗瘡生生不息絕對是一種折磨！若然護理不周，情況就會變得惡劣，發炎導致留下難以磨滅印痕，結果仲惡搞。預防性抗痘及針對性減痘措施缺一不可，經驗之談—-非常有效的心水產品。詳情請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。