潔齒粉...... 我試過啦！
海鹽....... 都試過喎！
點都估唔到，一粒糖都可以呢！奇妙！
今日有新嘢介紹大家--- 即睇潔齒新趨勢：
外型乜咁似RIO 糖，不過非鐵盒裝，而是用上可循環再造紙盒裝，符合環保意念，讚！
提醒大家，千奇咪真係以為係「糖」而吞落肚喎，雖然用上全天然零化學成分，但實質用途非讓你我品嚐，而是......
其實呢盒係Lush 最新玩味出品「潔齒粒」，成分純天然絕不含防腐劑，以後在刷牙過程少不免吞入都唔驚喇！($45／ 一盒 9g)
一共有6款，我揀的是「DIRTY潔齒粒 」，因為我目標明確直接，就係想保持口氣清新(含有薄荷成分)及牙齒潔白(含有他他粉)。
大家估到點用嗎？等我做示範：
Step 1：整粒放入口
Step 2：在口中咬碎
Step 3：將牙刷濕水，然後做潔齒動作兩分鐘
Step 4：用清水漱口
疑團解說：
Q) 會苦嗎？
不苦，我覺得似薄荷味，比Colgate淡味D。
Q) 起泡嗎？
會，估不到起泡潔淨效果與一般產品相若；最重要是沒添加化學起泡劑。
Q) 使用困難嗎？
好方便，但「潔齒粒」頗實凈不易咬碎，我覺得用大牙最易咬。
除咗家用，我決定以後帶埋佢出街，飯後隨時用得著，至多唔靠牙刷，凈係加水漱口。
出trip唔使多講，必備，勁方便！
LUSH 銅鑼灣皇室堡一樓125A 號店
———————————————————————————————————————————————
本週《MORE》專欄精采內容：
至強去雀斑醫學美容報告
投靠醫學美容儀器徹底打斑最見效，之但係坊間型號千萬種，點揀至安全又有效？我搜集資料與真實例子多時，今回終於可以同大家分享報告了。詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。