2012年1月26日星期四

新年好開始!

是日初四,是大部份人的開工日子。
儘管坊間各運程書都說是日破日,不宜開工,甚至沖龍,不過開工歸開工,除非一早請定假,順延一日,甚至下星期一開工就最適合不過。
而我呢?
新年開壞了!經歷了不是太理想的年初一二三,幸好初三赤口也有令我振奮的好開始:
我早前為壹週刊做的訪問,就在昨日見街了,內容是講我如何利用智能手機的app去幫助減肥。
想知多一點,可以買本支持下,不過$20一本,係冇$12本東方新地咁抵睇!(嘻嘻,在這裏提其他雜誌,梗係要讚下自己最撐個本東地啦!)
如果你係屬於無奈要上班的「苦主」,食lunch時可以買本番office解解悶,入面仲有其他減肥app 推介喔。
執筆之際,已經是凌晨五點幾,我很少這麼晚睡,但冇辦法,今日一朝早九點便要和我的律師商討一些事務,被這些鎖碎事折磨至這個地步,身心皆疲!
我要趕住入眠,爭取休息,黑眼圈,希望可以放過我吧!
————————————————————————————————
本週《MORE》專欄精采內容:反地心吸力高清粉底新貴近日遇到粉底新貴,好用程度我個人俾足十個讀!想知係邊隻粉底就要留意今期《MORE》雜誌內我的專欄。

沒有留言:

發佈留言

注意:只有此網誌的成員可以留言。