2012年1月31日星期二

團購末日 無甚可購?!

曾經,我也在在這裏分享過,團購活動是網絡商貿的明日之星、天之驕子.....


重溫請click:I like「快閃團購網」!http://yokotsang.blogspot.com/2010/08/i-like.html

籍住收集網絡各用家的購買力,然後向商戶爭取比零售價低至批發價的價錢,做到三贏:即係買賣雙方加團購中介三者,一同獲利!
三贏模式看似三贏,但穩守道德底線的,必定是中介的團購網站!例如團購網站在斟介賣方時,他們所爭取的優惠,是否真的比市場價格更勝一籌?


以我過去的觀察,真的極筍極受歡迎的團購產品,以戲票為首!團購價$30一張戲飛,以common sense的經驗,都知道比市場價格平一大截,因為普羅市民的知識、熟悉程度及購買經驗都知道團購戲飛的價格比正價平!

好,當團購產品是一件大眾非經常接觸,以及欠缺相關購買經驗的物品,它所標示的團購價,又是否真係比市場價格平?尤其係當價格資訊混亂、不透明的產品遇上團購網,一般市民又怎樣判定團購價格的真確?

就以盜用我肖像相片的某團購網為例,早兩日我看到他們有一個團購價$68購買個人訂造年曆,五人成團,就可以向某印刷商購買一個連12月份及個人度身訂造、由自己提供圖片的年曆。哈哈哈,睇完真係笑了!恰巧我今年就係造了一個咁樣的年曆,就係幫襯號稱全港最平的印刷商,售價就係$68!這例子說明,這類一年才會買一次,根本不熟悉行情的人,可能會因為相信團購網真的為用家爭取比市場更低的價格而購買!可惜事與願違。

又例如團購網的另一招數係同美容院合作,爭取一個極平的減肥、護理、按摩療程,合共總值幾千的療程,居然可以$138搞掂!首先我並非質疑價格是否合理,我反而想問大家,有幾多位好似我以美容院為第二個家的人,會熟悉所有療程在不同地方的所有價格?一個美白保濕facial,應該值幾錢?facial唔同戲飛,唔係大家都熟知的商品,你可以問一個普通男人,一張戲飛要幾錢,答案誤差少於十蚊;但你問一個普通男人,做一個facial要幾錢,誤差一定多過十蚊,甚至好幾百蚊吧!

於是乎,團購網的防線,係非常容易失手於不良的美容院;又或者,團購網只權充一個中介角色,買賣雙方不關己事,總之收足佣金,就再冇手尾跟!總之作到個原價大一大,團購價就只係原價5%,即係0.5折,就滿足團購宗旨,到頭來,就係苦了購買者,又或者,製造一個惡夢給消費者就,因為團購網正正送羊入虎口,面像美容院的硬式銷售,又點抵抗呢?

唉,如此感慨,就係因為盜用我肖像圖片的團購網及美容院的姊妹店,就係上述「經典個案」!
我上網起一起那美容院底蘊,以及根據曾留言給我的讀者資料中(在此特別感激你們的支持及幫忙!),呢間美容院的眾多投訴個案上晒新聞,就在上年10月尾刊登,最新受害人女士,居然被屈花費近二百萬買減肥療程,幸而結果自殺不事件中某形象健康正面的代言也被無辜牽連,被拖落水騙人之嫌
咁我想問,團購網又知唔知呢間美容院惡名遠昭呢?係咪自己放棄了嚴謹監察的角色?為錢就可以不顧消費者利益?


因為另一宗親身經歷,係我朋友的一間餐廳,與團購網合作一個優惠,一隻燒雞加一杯汽水再加沙律同甜品,坐落銅鑼灣地段,團購價只係$49。呢個抵到爛的餐,商戶期望客人再點其他菜式?冇可能吧!食得晒冇剩已經偷笑啦!本來傾好晒,最多只賣200名額,埋單一計,一共賣出1100份!咁仲唔三贏?你以為啦,餐廳只有一個焗爐,每次可以燒四隻雞,每次燒40分鐘完成,結果計一計,餐廳日日坐滿客兼人人食燒雞,都要開爐半年先賣得晒,但係有效期只得三個月!團購網賺晒錢,就掉低一個爛攤子俾買賣雙方,即係有人冇雞食,問你服未?

團購網的差劣經營手法,係近年傳媒經常探討的事情,我覺得最經典的個案,就係上年情人節,團購情人花束但貨不對辦,甚至送貨甩底的經典個案!可惜,今年又有同樣銷售手法,咁,又有幾多人學精呢?但又有幾多人又再落入陷阱?


大概只能講句,良莠不齊的團購網,就係害死團購意義的兇手!
——————————————————————————————————
本週《MORE》專欄精采內容:
定妝碎粉 挑剔竅門
上星期我推介了西班牙電視台指定選用的「高清粉底」新貴,今回講解至合拍的定妝碎粉 Finishing Powder
詳情請留意今期《MORE》雜誌內我的專欄。

2012年1月30日星期一

睇片分享 妙用修護精華油

冬天 must have 護膚品是什麼?
我會答梗唔少得一支面部專用修護精華油,諗諗計,可以有百搭個用途,真正解救敏感乾燥且痕癢難耐的肌膚。

之但係,坊間面部精華油標價十幾蚊支,同幾百蚊支有咩分別?差足一個價位喎。主因在於提煉成分係優質定劣質,如平價產品一般加入劣質礦物油,有機會block毛孔、甚至乎致敏添!
而我揀嘅係瑞士製造,提煉自全天然有機成分:包括橄欖油、可可巴油、椰子油,及羅馬洋甘菊精油等,溫和低致敏,發揮深層滋養修護功效;不單止敏感肌膚合用,經測試證明就連嬰兒嬌嫩皮膚亦適合使用;賣二百幾蚊支也不為過,30ml容量夠晒一個冬季。

精華油不一定是油膩的,大家別被這個「油」字嚇怕啊,挑選質地薄身易滲透的,不但潤而不膩,更可發揮獨有鎖水屏障,調整肌膚應有的水油平衡狀態。



一支精華油,其實可以有好百搭嘅用途,包括面部護理、唇部更生、身體滋潤、
手部抗皺…..一兩滴 mix&match 令護膚功效極緻發揮,我專登拍埋短片示範俾大家睇,
即刻去片:


新品推介:
Dermagram Balancing Solution Soothing Oil 平衡修護精華油   $250/30ml
全天然物滋養分,易敏肌膚同埋BB都用得呀!

(中環港鐵站E13店、旺角新世紀廣場2樓235店、鑽石山荷里活廣場2樓279B店)
——————————————————————————————————

本週《MORE》專欄精采內容:
定妝碎粉 挑剔竅門
上星期我推介了西班牙電視台指定選用的「高清粉底」新貴,今回講解至合拍的定妝碎粉Finishing Powder詳情請留意今期《MORE》雜誌內我的專欄。

2012年1月28日星期六

嚴正聲明!強烈譴責某團購網站盜取本人相片作商業活動

這個農曆年,我就是被這事情,弄得我美好的假期,蒙上陰影。


本來,這類團購網站與美容院的商業推廣,是平常不過,亦非常流行。但這類團購網站,只是單方地接收美容院所提供的一切資訊及圖片,而不查清圖片及資料來源的真確,對消費者的保障可想而知。


對,某些美容院可能沒有相關授權圖片,或自家拍攝之圖片配合宣傳,便會依賴互聯網的方便,搜尋一些圖片以達到公司宣傳目的;,在搜尋資料來源時,都應該知道圖片出處,以及圖片內含的資訊和相關文字內容。


今次盜用我本人肖像圖片去宣傳商業活動已經有問題,還要其推廣的美容療程,和我在《MORE》雜誌內及網上講解的服務是不吻合。即係搵一張「類似」的圖片去形容另一項服務,對消費者又是否公平呢?
此外,就連相片中的背景也被執相動過手腳,及被該美容院擅自將店名加在圖片中!

本來,團購網站「相信」美容院的圖片來源是合法,亦是無可口非。 但問題出在,當我發現相片被盜用後,已經立即在上星期日凌晨,向該網購發出電郵投訴本人相片被盜用,亦同一時間,在該網站的官方facebook fan page留言,指出問題所在,並只要求對方將相片立即刪除,事件平息


可惜,對方既沒有作出任何電郵回應,而且更立即刪除我在其facebook留言!網站依舊使用我的肖像圖片作商業宣傳!我只有嘆句無可奈何。


好了,唯有在大年初一勞煩我的律師好友,徵詢他的法律意見。結果,在大年初一 致電這位好友,居然不是拜年,我也萬分不好意思,但這亦是我唯一可以做的事情。


以下是經過律師嚴謹的法律意見後,建議我必須要做的事情,就是將律師信在blog中刊出:
而該網站所盜用的圖片,除了是我本人在個人網誌刊出具有版權的圖片外,更曾在東方新地MORE》刊登過,日期是2011 年11月7日。對於對方的無視、以及毫無回應的方式,我只有深表遺憾。
在此,本人發出嚴正聲明,該網站與及該美容院所提供的服務及商業推廣,本人並無直接或間接參與;其所提供的服務亦非本人推介,如果消費者因而蒙受任何損失,本人並冇任何責任。甚至,這項商業推廣對本人聲譽所造成的損失、及對消費者的誤導,我保留一切法律追究及索償權利。

聲明到此為止。

經一事長一智,如果大家日後遇到上述問題,想知如何應,我也就在這此提供分享
首先,要找一份具有法律效用的報章,刊登一段聲明啟事。而我,就揀了星島日報
去該報的服務中心,填好表格及撰寫聲明內容,刊登一天,以正視聽。收費是$300一日。
之後,就可以憑該聲明,找一間律師行,徵詢意見後,發一封律師信給對方。過程及結果,就是你和律師雙方之間的安排。
看似簡單,其實費神,我就是一個好例子。如果大家有看我的Facebook page(香港美容專欄作家 Yoko Tsang),或過去幾篇blog,就知道絕不好玩。但正如我的律師所言,事情必以正視聽,以及讓各界知道,自己的一番努力被盜用,後果絕不兒戲,甚至因一時之便,而蒙受損失。





2012年1月27日星期五

對付黑眼圈產品!

長年累月與黑眼圈結伴嘅同道中人,你係咪已經試咗N個方法對付,但到頭來都絕望呢?

我當然明白黑眼圈帶來嘅苦況啦,即使眼妝化到幾靚都無用,焦點俾佢搶晒,而高超遮瑕技術卻只是掩耳盜鈴!我都係大苦主,所以在blog文中多次提及分享對抗先天性黑眼圈的種種方法;幸好近年間經努力不斷做醫學美容儀器促進循環和細胞更生,加上中醫師上年終於一解我多年來的鼻敏感苦況,依家黑眼圈問題只屬小苦主。

說實話,我從來不奢求零色素眼圈,只求有逐步改善已經心滿意足了!

對付黑眼圈,除咗以上提及的做儀器和根治鼻敏感,還有大衆普及方法,意指搽護眼產品。
或許有人猜疑外塗產品具效用嗎?我深信是有一定成效的。以反教材為例:含水銀的護膚品、化妝品,經外塗也可引致中毒,那就證明搽在皮膚上都可以經毛孔滲入表皮層、進入真皮層、甚至深入至肌肉組織和血液。正面一點來看,外塗成分配方可信的護膚品,不就能輔助解決皮膚上的問題嗎?!

今次我想推介大家一試以下這件護眼小法寶,就是IPSA新出主打----亮眼精近排我喺雜誌見到佢大賣廣告,而新年假期間我在沙田新城市廣場逛IPSA專門店時,sales姐姐亦向我力推此產品,其實我已經用咗好一段子了;最吸引我是它以深層次拆解黑眼圈情況---- 標榜專門針對泛藍及啡眼圈問題

IPSA生肌亮眼精華 $48020g

究竟咩係藍、啡眼圈?即眼圈呈現色調是偏灰藍或是啡黑,原來這是有前因才有後果的。
啡黑眼圈可說是咎由自取,因為導致成因是自己照顧不周,例如是化妝品未經徹底卸除,色素日積月累沉積在皮膚上;此外,沒有足夠的滋潤保養,令眼部皮膚乾燥欠彈性,也是引致黑色素沉澱原因。
灰藍眼圈致命因素則關乎身體機能欠佳,若然睡眠不足、欠缺運動或血氣差,容易導致血液循環不良;也有可能是加上普偏人都患有的鼻敏感,會令眼部四周微循環更差,漸漸積聚瘀血,暗淡的灰藍眼圈也就不留情面跑出來。

無論你眼圈属於邊種color,呢支產品一take過大包圍幫你努力改善。
塗用任何產品前,應先了解成分及效用:
海洋膠原及智能鎖水分子屏障,擔當卓越保濕、增彈性及修復功效,加上鎖水分子,做到先pump uplock住,改善及預防乾燥。
維他命E誘導體,能深入皮下層,促進血液循環,幫助消除眼圈積聚的瘀血,提升亮度。
維他命C誘導體,比一般維C多了一重滲透配方,令皮膚更易吸收,打擊黑色素,給予美白亮澤,
其最大賣點,也是我一試就知設計得極---樹脂按摩器。
這不是隨eye serum附送的小工具,而是該產品連著的部分,類似的設計早就大有品牌在,如圓珠狀、冰涼搪瓷、鐵呀膠呀物料都有。之但係呢個以天然樹脂製造的又幾新鮮喎,不屬高科技卻羸得我試用後信賴,按摩器樹脂不像鐵那麼硬又不像膠那麼軟,介乎中間,所以當在眼周打圈按摩時感覺很舒適又能給予足夠力度,而且弧度可貼合眼窩,對應不同穴位,使用時得心應手。


去眼圈按摩法:
沾取約兩粒米分量塗於眼部四周才開始進行按摩啊!
先按圖示穴位,然後於眉尾下方打圈輕掃至眼尾部。(每邊覆3次)

由眼尾至眼頭輕掃。(每邊覆6次)

以按摩頭順序按壓圖示之5個眼部穴位,每個位置停留3秒

質地分析;
這眼部精華素質感有別一般,不是水滴滴,而是恰似稀薄乳液狀,即時提供高保濕效能而沒半點膩,討好!質感柔滑而推,適合配按摩動作。
由於這是精華素,所以on top須再塗上眼霜鎖緊水分營養。

對抗眼圈效用如何?每人情況、生活習慣等有別,我只會說花費心力長篇大論寫blog分析,證明對我見效才建議大家一試呢!無話包生仔呀!
————————————————————————————————
本週《MORE》專欄精采內容:
反地心吸力高清粉底新貴
近日遇到粉底新貴,好用程度我個人俾足十個讀!想知係邊隻粉底就要留意今期《MORE》雜誌內我的專欄。

2012年1月26日星期四

新年好開始!

是日初四,是大部份人的開工日子。
儘管坊間各運程書都說是日破日,不宜開工,甚至沖龍,不過開工歸開工,除非一早請定假,順延一日,甚至下星期一開工就最適合不過。
而我呢?
新年開壞了!經歷了不是太理想的年初一二三,幸好初三赤口也有令我振奮的好開始:
我早前為壹週刊做的訪問,就在昨日見街了,內容是講我如何利用智能手機的app去幫助減肥。
想知多一點,可以買本支持下,不過$20一本,係冇$12本東方新地咁抵睇!(嘻嘻,在這裏提其他雜誌,梗係要讚下自己最撐個本東地啦!)
如果你係屬於無奈要上班的「苦主」,食lunch時可以買本番office解解悶,入面仲有其他減肥app 推介喔。
執筆之際,已經是凌晨五點幾,我很少這麼晚睡,但冇辦法,今日一朝早九點便要和我的律師商討一些事務,被這些鎖碎事折磨至這個地步,身心皆疲!
我要趕住入眠,爭取休息,黑眼圈,希望可以放過我吧!
————————————————————————————————
本週《MORE》專欄精采內容:反地心吸力高清粉底新貴近日遇到粉底新貴,好用程度我個人俾足十個讀!想知係邊隻粉底就要留意今期《MORE》雜誌內我的專欄。

2012年1月23日星期一

龍年進步,更上一層樓!

今日大年初一,先恭祝大家龍年行龍運,運遍全年,年年有餘!
在我的心底裏,真係有諗過,初八才正式執筆開工。不過,我又點捨得將呢度丟空一星期呢?
原定尋晚執筆,不過有一項更重要的任務居然仲未完成,唯有放底支筆,乖乖入利是!
 親朋好友見到我,記得行前同我講句恭賀說話喔!
我自己雖然對刑生相剋的事情唔係記得咁仔細,不過剛剛閱報得知,初一原來係破日,不宜拜年,避免嗌交!又初四係兇日,不宜開工,應迴避至初八吉日開工喎!係咪迷信,因人而異,不過我自己又學到新習俗,原來買桃花都有特別講究,桃花枝必需頂上天花板,愈頂得多頂得長就為之吉利,喻意「大剪紅桃」!換言之,買桃花唔一定係指想行桃花運,大展雄圖一樣得呀!
 至於大年初一點過呢?我老公一定揀入大球場睇賀歲盃,係佢由細睇到大的指定活動!我入唔入場呢?佢年年都有買我張飛,不過我唔一定入場,何況今朝起身咁凍,入大球場咪凍過雪櫃?嘻嘻,我估我都係留番屋企居多咯!

————————————————————————————————
本週《MORE》專欄精采內容:
反地心吸力高清粉底新貴
近日遇到粉底新貴,好用程度我個人俾足十個讀!想知係邊隻粉底就要留意今期《MORE》雜誌內我的專欄。

2012年1月19日星期四

必試---超水準越式乳豬

近幾個月,我每星期梗有兩晚喺中環,因為去慣的hair salonbeauty salon都坐陣此區,所以真係唔知晚飯再食D乜好!又係飯堂名人坊、大班樓、鏞記、九記牛腩、蛇王芬穴壽司、盛八、IFC Isola、利苑?唔睇meau都知想食乜,無晒驚喜!
噚日終於試咗開了幾個月的越南食店,坐落蘭桂坊小街---榮華里。

我的越南餐廳 Moi Vietnam Cuisine,以這條小街若干食店來說,佢裝修算好靚仔。
店內裝修頗型格;午市是特色越南菜,入夜則變身酒吧,當然都可以order食物。
噚日Dinner,我哋彷似咗場,因為無食客坐室內,全部去晒......
人流集中店外露天茶座,因為可以吸煙嘛!

我專登寫呢篇食評,係要推介大家試試以下呢度幾道超出色撚手菜,足以令我日後重返回味;今次一行3人叫了8款食物,以下3種至值得讓味覺再享受,講真......別的只是平平凡凡。

No 1招牌菜---越式乳豬
乳豬皮燒得非常非常鬆化,一咬脆到散晒,肉質又嫩滑,最最最緊要無豬臊味,點埋微辣酸汁,將肉味提升。超正!要帶媽咪爸爸嚟試吓先。

No 2:酥炸春卷
春卷皮夠薄,炸得香口鬆化,爽身不油膩,內裏素菜絲清甜木耳爽口肉惹味。
最怕坊間食店用千年油炸厚皮包春卷,又硬又有陣油味。

No 3:燒豬頸肉
豬頸肉邊位經微燒後少少脆口,醬汁鹹中滲出蜜糖甜味,包裹著嫩滑肉質,絕對唔乾身正中下懷,食到我停唔到口!若然喜歡燒得香脆一點的話,相信這不是你杯茶。

中環蘭桂坊榮華里16號地下
電話 : 2523 0886
————————————————————————————————
本週《MORE》專欄精采內容:
非入侵性 防衰老新成分
隨著年齡增長人體膠原蛋白流失、某些細胞壞死後無法獲得修復,種種原因導致衰老現象,出現皺紋、鬆弛、色斑等,古時有長生不老仙丹,今時有抗衰老產品新貴。詳情請留意今期《MORE》雜誌內我的專欄。