2011年11月17日星期四

變身料理 Guess Guess Guess!

大家有無睇《變身男女chok chok chok》呀?誰是男、誰是女,真係估佢唔到!
上星期六我都參予咗一幕<變身料理 猜猜猜>真人show!
得到有「廚魔」之稱 Alvin 的 PR 邀請,我應邀到其煮食大本營,即位於灣仔的 "Bo Innovation" 品嚐分子料理,呢度嘅米芝蓮1星級分子料理已經唔係第一次食,但今次可一次過試食6道最新款式,機會的確千載難逢!
點解難得?皆因自餐廳摘星後,已經唔再招呼本地傳媒在店內訪問(只會接受電話訪問咋)!

分子料理係以味覺挑戰視覺的終極藝術,以千變萬化的意識形態 gimmick ,令你食其味而非其物!(好高深啊.....呵呵)
「廚魔」Alvin 利害之處莫過於用創意保留住食物的原味,道理同變魔術真係差唔多。就連Now TV 的時尚生活頻道 Li TV 都睇中「廚魔」,孖住炮製精采節目,實行帶大家踏上終極味覺之旅!
特別在唔止睇到,仲可以食到,我身後呢部廚魔巴士就係關鍵,佢會擇日遊走香港各區,讓你親身品嚐Alvin心血之作。假如有一日,你有幸見到廚魔巴士,千奇唔好錯過,要衝上車試食啊!
大家不妨看圖估吓係咩食物?
事不宜遲,入正題!
第一道料理:虎蝦加熱化氮的cocktail,貼士:有泰國Bloody Mary之稱。
答案:之唔係冬蔭公,這個chemical reaction不但刺激我視覺,飲落口真係成個喉嚨充斥住辣辣的火燒感;更一反冬蔭公傳統,這是冷盤來的。
第二道料理:皮薄 juicy,小心爆漿(貼士:上海名點)。
答案:皮薄湯多非小籠飽莫屬吧!超薄如啫喱般的外皮,入口即穿,裡面的湯跟小籠飽的味道一模一樣,但係無肉嘅,體貼位係丸子雖小,但都搭條紅色薑絲,不失傳統風味

第三道就食甜品?!當然唔係啦,呢個非一般的梳乎里係鹹品,仲係海中美味生物添!
答案:相信無人估到,是星州辣蟹呀!平時食梳乎里裡面都係空氣的,呢一個底部充滿蟹肉,質感好實在,有誠意勁足料!
未食又噴煙?今次唔玩熱化氮轉玩香薰!到底搞咩東東呢?
第四道料理登場,Alvin 解釋要香薰伴菜,全因要你嗅覺失常,皆因「臭豆」出場;呢款臭豆伴蝦的味道並唔係人人可以受落,邊聞香薰邊食會易入口啲喎!真的嗎?我試吓下次食臭豆腐時,聞住香薰先!

第五道:甜品?雪糕筒?無可能咁正路呢!
果然......係椰漿飯扮雪糕至真!裏面有脆魚仔兼少少辣味,將飯變身雪糕 pancake,真條估佢唔到!

最後一道料理:貼士---- 台灣出晒名飲品,唔知點解喺香港無時無刻要排隊至買到。
餐飲甜品就係珍珠奶茶!一粒係女士見到都冧嘅大珍珠,伴住烏龍茶味的小珍珠,萬般不捨地敲破大珠,很大期望品嚐裡面的cream,可惜甜到膩!
今次有幸率先品嚐創新的分子料理,真的很高興!
充分感受到 Alvin 的無限創意,叻在將街頭美食成功演化為fine dinning(仲要係高級那種!)
又再一次證明我大胃王唔係浪得虛名,分子料理醫唔飽我個肚,之後再同好友M到附近的至愛「蝦麵店」食返夠本!
若大家有興趣多了解「廚魔」的魔法,記得留意住 Now TV516台的Li TV(Life Inspired)喇!

————————————————————————————————————————
本週《MORE》專欄精采內容:
隱藏超級無敵黑眼圈秘技
黑眼圈易請難送!成因分先天和後天。4個步驟結合我心思熟慮及反覆測試,想知怎樣隱藏超級無敵黑眼圈秘技?詳情請留意今期《MORE》雜誌內我的專欄。

沒有留言:

發佈留言

注意:只有此網誌的成員可以留言。