2011年10月11日星期二

決定開波做運動---Pilates

噚日篇 blog 破咗收視紀錄,多謝大家興趣爆燈,報名反應超熱烈!
由於名額只得 25 位,手背係肉手心又係肉,若然揀唔中你也別失望,你們 email 入咗 waiting list,下次咁筍聚會定當優先考慮呀!
今日最後召集,未行動的快快報名喇:

--
入正題......
寫 blog 呢刻係星期二凌晨,心情好緊張又興奮,因為今日有重要約會,係約咗好好好耐無做過嘅「運動」,仲要係人生無接觸過嘅 Pilates
呢次 Pilates 並唔係現今大多數在軟墊上練習嗰種咁「輕can」,而係要配合多部大型機械,有 trainer 從旁 lead 住我,確保安全下至做得。

點解咁緊張?
因為我自問無做運動超耐……記得兩年前踩過單車(為咗同班friends邊踩邊掃街食嘢咋);
三年前做過一次高溫瑜伽(純粹試堂玩吓,係好like標晒汗,但其實大半堂就軟弱無力);
至緊要個point係,筋骨無鬆咁耐(歎按摩應該唔算啩),一嚟就挑戰高難度Pilatescrazy

我嘅人生突然決定加入運動元素,因為近幾個月蹲低起身見頭暈、膚色夠白卻沒健康氣息、有精力欠氣力又易累……種種跡象唔使問蘇民峰都知解決方法啦------咪就係定期做運動促進番氣血循環囉!

點解我揀 PilatesHollywood actors 極迷戀潮與運動嘛,似外國女 models 、明星般肌肉型織瘦結實線條都幾型吖!仲話可以逐步舒緩頸背頭手痛症,相信很多人也有這些問題困難,我就係想體驗完話俾大家知有無得著。

如是者,好耐無出埸嘅運動裝喺櫃底抓番出嚟,哈哈.......我覺得好靚呀,做運動時一定更投入同埋開心。
加埋行步路都可以加速帶動全下身肌肉的New Balance健步鞋,配合運動就更加係錦上添花啦!(已經用洗潔精擦咗鞋底添,先準踩入Pilates間房呀!)

————————————————————————————————————————
本週《MORE》專欄精采內容:

歐美韓注射美容變靚新招
現今注射式美容成分日新月異,由透明質酸、肉毒桿菌素至血清、聚左乳酸、幹細胞等愈趨廣泛,今期談論焦點不在用料成分,而是結集抵港不久的歐美及韓國最新注射法。
詳情請留意今期《MORE》雜誌內我的專欄。

沒有留言:

發佈留言

注意:只有此網誌的成員可以留言。