2011年10月31日星期一

報名從速喇!「Burberry Beauty × Yoko Tsang 美妝秘技分享會」

心情好興奮啊!
下星期會舉行史無前例分享會,即將同大家再次見面……
繼多個護膚新品分享會、醫學美容分享會後,今次係乜嘢搞作?
終於到我的拿手秘技出場,就係教大家化靚妝----- 將畢生功力傳授,重點是「隱惡揚善」,即分突出五官輪廓、巧妙掩飾瑕疵心得等等。
哈哈,近來很久沒見面的朋友都好俾面話我容光煥發兼靚咗,因為皮膚食多得護膚品嘛,仲有至緊要係化妝技巧愈來愈高超呢!今次可以同大家分享化妝心得實在太高興了。

我每次與各大品牌 crossover 分享會,大家都踴躍報名参加,現場仲非常投入,feedback 是好玩又學到知識,bingo….. 正正是我所希望達到之目的,衷心感謝您們的支持!
相信今次分享會必定惹來爭崩頭,因為……..
登登登…..是都會女性必冧的時尚化妝大牌子 --- Burberry Beauty
上年抵港即掀起全城熱話,傳媒爭相報導,我能夠成為首位獲邀合作的 guest speaker,真是無限光榮,我的 readers 也自當能受惠呢! 
Burberry Beauty × Yoko Tsang美妝秘技分享會」
過程中大家可以自行試盡Burberry Beauty全部妝品,皇牌閃令base、透薄粉底、遮瑕工具、出色眼影、柔滑胭脂、潤澤唇妝……
Step by step 跟我化個靚妝,完成後在 Burberry Beauty 型格 backdrop 有專人幫大家留倩影添!
仲有,足以令大家開心到震的精采禮物送出
a) 當日,每位參加者可獲贈 Burberry Beauty 仍未作公開發售的唇蜜(Natural Lip Gloss)一支 價值$220,將會是全港首批率先試用的女士啊!
b) 最新出爐珍藏版迷你香水一瓶 價值$108,不止樽身靚仔,仲有內涵,香味清新得來很持久。
c) 免費個人化妝服務,價值 $400 (可隨時到 Burberry Beauty 專櫃享用)。
多謝品牌對我的 readers 如此厚意呀……thanks soooo much

現場買產品仲有限量版送,絕無僅有,只限當日咋:
當日即場買滿 $1,200 (妝品、香水、身體護理產品都包括在內),即回贈 $528 量版產品,嘩….等同半買半送呀!
限量版產品包括:
a) 就是我最喜愛的碎粉掃,這是品牌從不作公開發售的寶物,我早在《MORE》專欄內提及過,全靠佢至可以輕易將底妝 keep 得透薄又持久,可惜你有多多錢都買唔到嘅,唯獨今次的參加者才有機會擁有,我知成本都要四百多元呀!
b) 此外,是價值$108的迷你版唇膏,我見過真身非常可愛,似女士們尾指般嘅size,去party放入clutch bagfit
(想要齊以上著數,提醒大家出席前快D問定朋友姨媽姑姐有乜想買,夾分加大單價喇!)
----
今次參加機會實屬難能可貴,即睇以下細節,報名從速:
 Burberry Beauty × Yoko Tsang美妝秘技分享會」
地點 銅鑼灣祟光百貨 16 樓 SOGO CLUB
日期 2011118(星期二)
時間 晚上7時至9
(收工趕來驚餓親大家,開始前參加者可先享用三文治、各式小食、飲品等)
名額只限 22
費用 $250/位
***每位參加者可獲贈禮品總值 $728
***當日即場消費滿 $1,200,即可獲回贈 $528 限量版產品

你都想成為其中一位幸運兒?參加辦法如下:
- 請於 10 31日至111在我的《More Blog》 ---http://vipblog.orientalsunday.hk/yokot/?p=5079 留言想參加「Burberry Beauty × Yoko Tsang美妝秘技分享會」之原因,即有機會選中獲邀出席。
- 得獎者將獲官方發出之電郵通知,分享會當日必須帶同獲邀參加之電郵通知列印本,以供核實。

*** Burberry Beauty 保留是次活動之最終決定權。


————————————————————————————————————————
本週《MORE》專欄精采內容:

香氣魔力 神奇美肌瘦身功效
大自然植物具有很奧妙的力量!結合美容神經學及嗅覺治療法,可以激發歡偷、放鬆心靈、深層滋養、殺菌淨化、增進血行、排毒瘦身……效果意想不到!
精挑細選幾款各具妙效的心水推介產品給大家試用,詳情請留意今期《MORE》雜誌內我的專欄。

2011年10月28日星期五

優秀的blogger?

Nuffnang是一間「網絡廣告供應商」,身份和Google的AdSense相若,就是在高瀏覽量的網頁,提供網絡廣告,和網主瓜分獲得的廣告費。據說,Nuffnang出手比AdSense更闊卓,這都是我在Google搜尋Nuffnang所得來的評語。
昨天一早,我收到一封來自Nuffnang的email,讓我從睡眼惺松中猛然驚醒:我將會12月16日,獲邀參加於吉隆坡舉辦的「2011亞太區博客大獎」頒獎典禮!
而我並非在旁的一位觀眾,而係亞太區500位獲提名參選的blogger之一!
現在還不是開心的時候,首先,我也不認為自己最終能夠獲得任何殊榮,畢竟要從500位提名人中脫穎而出,我也沒有多大信心。這次提名對我來說只是一支強心針,肯定了我過去年半以來的努力並沒有白費。
曾經有讀者send email問我,她也開始投身美容blogger行列,但怎樣寫一些美容評論blog文才好睇?當時我給她的答案是:
每嘗試一項新事情,都必會有輕微壓力,怕自己做得唔好、捱罵,我也是這樣走過來,當然明白你。
寫評論是否中肯到肉,很多時要有經驗及個人的正確價值觀,寫出來便不會令人覺得造作。
寫作方向的事情,寫得多,看看反應,就會慢慢成形成風格,不用多想,寫多點就是。
當從事寫作後,你就再不是一個普通讀者,把自己當成「行家」,看看同一件產品,其他行家的寫法為何會和自己不同,是他人的角度更好,還是自己想得不夠透徹?
加油!
良性競爭是各位blogger進步的誘因,Nuffnang正在製作更多的誘因來讓博客世界變得更好,各位博客也要努力,就以這個大獎為目標,以成為被提名的優秀博客為榮。


最新消息:原來各位都有機會成為現場觀眾之一,同我一齊去吉隆坡參加呢項盛事!仲係由Nuffnang一手包辦機票同食宿添!只要去以下網址:http://awards.nuffnang.com/2011/win-exclusive-invites/ 參加由Nuffnage舉辦的徵文比賽就呢個外出旅遊兼參加盛事的機會!



————————————————————————————————————————
本週《MORE》專欄精采內容:
奧斯卡殿堂級Magic Facial
每年奧斯卡頒獎典禮,衆多角逐獎項的巨星、主持及頒獎嘉賓都會做呢個牌子的人手facial,才隨即上妝出席,證明具備超凡魅力!詳情請留意今期《MORE》雜誌內我的專欄。


2011年10月27日星期四

秀髮廣告曝光!


 小時候夢想竟可成真!
最新廣告登場:
這是 《Cosmopolitan》最新11月號,我早前被邀拍攝的 sell 靚髮廣告終於見街喇!
大家製作相當認真呢!
-
拍攝 skin care products print adv 早有前科,今次跨進 hair treatment 界令我更興奮,因為完成我小時候夢想.......不是講拍廣告,而是擁有好滑呀、好滑呀......如絲柔髮質。


「得唔到愈想擁有」,乃人之常情,講嘅係秀髮!
皆因自小爸爸賜我天生髮質鬈曲,表層尚可,底層失控,極難處理,又乾又鬆散;中學時期返學,永遠梳不離校服裙袋,因為頭髮太唔聽話呀;縱使當時極在乎卻無乎,非常羨慕天生直髮人。


我與姐姐都是負離子直髮受害者,記得N年前,起初幾次做完效果驚為天人,可惜希望由天堂跌落地獄,由喜變惡,愈做愈傷心,髮質激乾、炸咗、姐姐甚至試過根部一part頭髮折斷埋,原來負離子等同自殘行徑(衷心希望日後會有新改良科技)。


現在,對髮質受損的我必然不會再做!
好在,出現咗救星......
年初,我在《MORE》專欄內也曾分享過嶄新的超級直髮方法,仲可以令受損髮絲起死回生,文章起題「天生鬈曲、禾稈草頭髮救星」,回響超勁,我推介嗰間 hair salon 老板同stylist真係當咗我係救星就真,連續幾個月生意日日做到無停手。
拍廣告前一星期,我去咗中環做呢個 hair care treatment,真材實料呀!
-
講番今次廣告,自問確係最佳人選!
因為呢個令髮質靚到變瀑布的 treatment 及洗護系列,就係我《MORE》介紹過極冧兼 fit 晒我的類似護理,更勁是,今次廣告中推介的來自美國最新科研版本,天然修護成分更強,持久順效果更佳。
很多 readers 在分享會見過我後,也問及如何令頭髮靚到似妳狀態?100%真心回答---咪就係呢類 hair treatment 囉!
幫我嘅 hair stylist 非常有台型,勁似日本 model,哈哈!
-
Treatment 原理是以多效天然成分精華及專利聚合物包住每根髮絲,增加懸垂性、順滑感、貼服度,並注入角質素,即近似皮膚、頭髮的蛋白質,全面改善受損髮絲,達致頭髮重生般美態;鬆散問題可以完全改善,頭髮外觀及觸感都極致柔順滑溜;即使是曲髮也可當作改善鬆散護理,當然會減低了捲曲度,卻能增加光澤和滑溜感,即係有辣有唔辣。
我每做一次 keep 足兩個月都咁靚,效果實在太神奇了,love it sooooo much!
Yoko's readers special offer:
首次試做價 $1,500
有興趣可致電 LUBUDS 查詢優惠詳情:3983-0130
----------------------------------------------------------------------------------------------

Behind the scene:
拍攝地點是品牌集團的 office,有桌球玩、籃球打,相信喺呢度工作特別起勁!
Office 裏面仲有旋轉樓梯添,誇張!
當時有 N 對眼,喺樓梯頂睇住我拍攝情況。
References 貼晒喺玻璃窗度,結果影足6個鐘......呢刻完成,走得,bye bye!
————————————————————————————————————————
本週《MORE》專欄精采內容:
奧斯卡殿堂級Magic Facial
每年奧斯卡頒獎典禮,衆多角逐獎項的巨星、主持及頒獎嘉賓都會做呢個牌子的人手facial,才隨即上妝出席,證明具備超凡魅力!詳情請留意今期《MORE》雜誌內我的專欄。

2011年10月26日星期三

免費名額:一次執靚塊面!

口碑遠勝廣告?!
假如有一個 facial treatment---「十個女性八個都話做過」、乜.com.com美容部落能輕易 search 到 bloggers 們盛意推介仲要高度讚揚、就連我在 BVLGARI 分享會都有幾位 readers 同我講呢個 treatment 點樣幫到佢哋……嘩,無收代言人費都代言人上身咁。
大家仲使諗因由?梗係好嘢至多人讚啦!
謎底揭盎:是 Reenex CPS 更生活膚療程」
假如你妳您是漏網之魚,仲未試過CPS威力,唔緊要,right time now……. 無條件有得免費做呀!(在此blog文尾尾,會有條link俾大家登記啊!)

「美容先鋒」呢個朵我受得起啊!就以這個 CPS treatment 來說,我是全港第一批有幸親身體驗,講緊的已經是約4年半前,當時我是在 Neo Derm Group office(Reenex是旗下醫學美容中心)定期做的,被邀請的傳媒美容人就似在診症室般輪流醫皮膚,一間房分批都塞滿人,每次幾分鐘的 treatment 都足以令我們開心(皮膚立即又白又滑) 又安心(為皮膚定時大掃除的震奮)

 CPS 更生活膚療程」是什麼?
即是醫學換膚技術,可能有人得悉是「換膚」,就會萌生以下幾個疑問,就讓我一一解答啦:
Q1) 會唔會太刺激,敏感肌膚受唔起呢?
坊間的換膚護理成分有別,不能一概而論。但針對這個 CPS 更生活膚療程」而言,會配合一個步驟,就是中和水基酸濃度,以獨有專利緩和因子的液體,調和水基酸的滲透速度,所以是非常安全,連敏感肌膚亦適用;加上專業治療師會因應每人皮膚狀況,以儀器作出評估,挑選合適的活膚濃度指標,如20(皮膚薄弱或易敏)30(角質層厚粗糙及暗瘡肌)

Q2) 換膚皮膚會否愈做愈薄?
No no,皮膚更生周期是28天,這段時期表皮角質層會因乾燥、環境壓力等增厚,所以每個月做一次換膚療程可幫助褪走堆積的老化死皮、暢通毛孔,不但不會令皮膚變薄,兼可幫助更生過程。

Q3) 換膚對於皮膚其實有乜功效呢?
換膚液中配合不同成分自不然具不同功效的!我認知 peel 最新科技是去皺,日後會同大家作重點介紹;而這 CPS peel 護理功效夠百搭,能改善過盛油脂分泌、粗大毛孔、痘痘、印痕、粉刺和暗粒問題,簡直係大包圍,相信大家難免總有以上皮膚困擾啊!

詳細講解Q&A後,相信大家好心急想知做呢個treatment有咩感覺,係咪先死而後生?點樣一次足以令皮膚瞬間大翻生?
先帶大家睇吓我做 facial 嘅 center,是 Reenex 新基地,太誇張喇,仲以為置身科幻片場景,坐擁 Time Square 353637樓,以旋轉樓梯貫穿,望晒全銅鑼灣同跑馬地靚景,美侖美換到暈;所以上星期我借咗呢個場地拍攝TVB J2《姊妹淘》,做外景講解秋冬護膚寶物,稍後再通知大家留意節目啦!

Treatment 前,是做皮膚分析,這部" skin evidence "儀器會不留情面踢爆大家的皮膚骨膠原流失殘酷實況。我嘅結果係點……
我面頰同額頭嘅膠原狀態,被治療師讚保養得好好,
看三角紋理排列緊密又整齊可知,yeah!之不過......
Oh,鼻位就唔掂喇,3D圖顯示像小山丘似的,
代表骨膠原流失嚴重且死皮堆積,一定要加緊搶修喇!
戴上呢條 headband ,似足周星馳扮傻角色,治療師話十個人戴上,九個都笑咗出嚟!
佢話我算係演繹得好正常喇喎(讚緊我?!)其實目的是防止酸性液體流出。
我的肌膚被評為搽上兩分鐘便可,隨即配合中和液,抹凈後,照照鏡,yeah......太耐無做呢個 treatment,真係好 miss 呢種感覺,皮膚瞬間白凈到似A4紙咁、好滑呀(大聲過湯唯)、鼻位粉刺浮晒出嚟,毛孔呼吸好暢通!
老化角質、暗粒得以一鋪清袋,當然要把握時機,隨即搽上多效維他命 serum(治療師特別為我加足料),
再厚敷保濕 mask 雙重營養滲透至肌底層。
成個 treatment 只須半小時,效果即時閃亮,
最正係一次見效,同埋唔使密密做,fit 晒 OL 們「快靚正」美肌宗旨。

Yoko's blog讀者無條件免費試做!

想免費體驗「CPS更生活膚療程」  完成後獲贈 Bioderma 皇牌卸妝水100ml (價值$79)
----------------------------------------------------------------------------------------------------------------------
後記......兩星期後進補:
骨膠原多少,決定肌膚紋理彈性細滑度,故此非常重要。
上文提及過我鼻位膠原流失嚴重且死皮堆積,當然要諗計搞搞佢,隔咗兩星期我就做埋HGF激活細胞增生療程」添,將高濃度人體生長因子精華迫入肌膚,刺激膠原自生
今次用的這部儀器,同我上年12月介紹過的「Bling Bling煥膚術」有所不同,它是 upgrade版。
過程是先利用精華液配合吸啜方法帶走老化角質及污垢,鼻及下巴位粉刺重災區會用機頭來回磨擦,看原先清轍的水變得污瀆了,代表過盛油脂及污垢被褪出來,可喜可賀!
此時肌膚 ready 在最好吸收狀態,到主角出場......
110 種高濃度人體生長因子+active4 精華液,激活細胞,刺激表皮層與真皮層骨膠原;
滲透在皮膚時會有點「吉吉哋」的,但沒有泛紅,治療師細心幫我重點做鼻及紋理部位,
目標 pump up 肌膚及收細毛孔。
最後就是敷上厚厚的精華素(又是特製加料版)+保濕面膜,
加強成分穩定性和效果持久度。


要知道皮膚骨膠原自生須付出心血歷程,絕非一朝一夕;至少做完呢兩個 treatment,我嘅皮膚顯著亮澤咗、光滑咗,又彈咗,上粉非常貼服,好好迎接 Fri 的拍片工作及即將來臨的多個美肌分享會。

————————————————————————————————————————
本週《MORE》專欄精采內容:
奧斯卡殿堂級Magic Facial
每年奧斯卡頒獎典禮,衆多角逐獎項的巨星、主持及頒獎嘉賓都會做呢個牌子的人手facial,才隨即上妝出席,證明具備超凡魅力!詳情請留意今期《MORE》雜誌內我的專欄。