2011年7月6日星期三

意圖欺騙你的味覺,等你以為好好味呀!

港土茶記是著名私房菜廚師徐所主理的港式茶餐廳,標榜以最新新鮮的材料、不含味精、沒有基因改造食材,以及用有機材料去泡製食物的一間茶餐廳。
挾著名廚的名氣,港土茶記一開就有大量傳媒大編幅捧場介紹,令我覺得應該是花了心機的誠意餐廳。
然而寄望愈大,失望也愈大,除了餐廳的設計包裝令我非常滿意之外,食品方面,實在有極大進步空間。
第一道菜叫「犀飛利叉燒」,有幾犀利?犀利在個名係音譯法文「sous vide」,解做低溫慢煮,每件叉燒都以十二小時低溫慢煮方式烹調,低溫即係唔多熱啦,燒味唔熱都唔緊要,只要白飯夠熱都可以翻熱舊叉燒,然而最敗筆係白飯都係低溫!白飯唔使犀利,夠熱已經足夠。說實話,慢煮叉燒令到肉質好鬆輕但冇咬口,睇過《食神》都知,失敗。
牛腩煲係今個星期新menu追加的食物,menu上只寫上「牛腩腐竹」四個字,到待應上菜時,腐竹不見了,變晒做蘿蔔。我係為了腐竹而點呢味菜,冇晒腐竹夾硬轉做蘿蔔都冇問題,但待應基本上要先通知我吧?好彩蘿蔔有揀過,冇渣,唔失敗。
鹽焗雞最大特點係雞肉好似紙咁薄,或者應該係比面油紙更薄,揀雞揀到皮下冇雞油,的確唔錯。而根據menu的簡約原則,呢味鹽焗雞個名可以再改得再簡單D,叫「鹹雞」就得,咁你明有幾好味啦。 
本來我執筆時都怕,怕係咪我口味太奄尖,過份要求對方呢?上openrice.com一睇,又唔係喎,一間新餐廳,話晒由名廚主理,竟然得3笑臉8個OK但12個喊?原來係我諗多了,大家把口係公正的。

——————————————————————————————————————————————————
本週《MORE》專欄精采內容:

沒有留言:

發佈留言

注意:只有此網誌的成員可以留言。