近幾個月天氨熱又立，收到極多email問及有關胸口及背脊生暗瘡，可以點搞呢？
我家姐多年來也受同樣的困擾，搽乜暗瘡膏都唔多掂，直至配合以下兩個方法，唔使三個月就出奇地無晒事喇。我當然樂於公開俾大家知啦！
方法一：
浸浴
兩個月前家姐搬新屋，廁所無咗浴缸，佢都即刻嗱嗱聲買咗「快閃spa」，即係吹氣嗰款直立式膠筒，就係為咗要浸浴。皆因佢由細到大伴隨的胸口及背脊暗瘡，全靠持續浸浴大大改善，起初是隔日浸，每次15分鐘，加入浴鹽及奶粉，目的消炎及軟滑肌膚，keep住兩星期，身體上暗粒已減退一半。隨後每星期一次便可。
道理很簡單，温水浸浴有助毛孔張開，污垢油脂得以排走，加上促進血液循環，皮膚新陳代謝好，膚質自然好。
相中人並唔係我亦唔係家姐，是示範快閃spa的model，我家姐是用家，佢話無浴缸惟有靠佢，雖則平衡好又幾舒適，但去水位設在離地高幾吋，搞到底部的水去唔到，要反轉傾倒，每次用完收拾都幾煩喎。
道理很簡單，温水浸浴有助毛孔張開，污垢油脂得以排走，加上促進血液循環，皮膚新陳代謝好，膚質自然好。
方法二：
敷peeling mask
背部或胸口生暗粒，重點對付方案是定期敷具換膚療效(含酸性)的產品，以往我推介姐姐用Neo Strata gel plus AHA15，自從試過新抵港的法國No 1煥膚品牌DermaCeutic Mask 15淨化更生換膚面膜，效果更顯著，同樣安全且絕不傷害肌膚，每星期兩次塗上身體暗瘡患處靜待兩分半鐘，是礦物泥與甘醇酸成分吸走多餘油脂及粉剌，帶走肌膚表層積聚已久的老化角質，使用約一個月，我姐姐謂暗粒得以平復，往後keep住用，仲可以有效抑制，依家一個月至出現三四粒(已經感恩了)。
使用方法：
先用爽膚水輕抹患處，以潔凈肌膚。
然後薄薄塗上DermaCeutic Mask 15，呈灰色泥狀，覆蓋待兩分半鐘，隨後以濕棉抹淨便可。嚴重者建議每星期兩次，普通情況則每星期一次便足夠。
———————————————————————————————————–
本週《MORE》專欄精采內容：
率先披露 循環再用絕讚面膜
我在五月尾去了日本一趟，直抵橫濱太平洋會展中心參觀「第5回化妝品產業技術展 CITE Japan 2011」，世界各地有接近900個美容品牌參與，當中有兩件新品能令我雙眼發光，敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。