這只是我家中一少部份的面膜，若然堆起一座面膜山會何其壯觀呢？！
我奉行「面膜餐單」，家用面膜一星期敷足六日(有一日去咗玩，夜歸懶敷或者去美容院敷咗) ，其餘日子真係敷少一日都唔安樂----更生、收毛孔、保濕、美白、抗皺、抗氧化、抗敏……缺一不可啊！
Round 1
收毛孔你最掂
間唔時我都會忍唔住出手擠個鼻，不是為清黑頭喎(咁深入嘅靠針清王及steam機會較pro) ，其實目的是迫出油脂，大家知唔知點解有此需要？因為全臉嘅油脂腺分佈最旺盛是鼻位，所以大熱天時加上汗水，泛黄的油脂特別多，即使早晚用一般的潔面產品亦不能徹底去除多餘油脂，我為了保持潔淨、清爽感覺和防止鼻位膚色特別暗啞，就會用以下最簡便方法：
以微濕的紙巾包裹手指配合輕輕壓力，已能迫出過盛脂浮出表皮層(一星期一次便可)。緊記別用指甲直接擠鼻子皮膚，務必用紙巾，一來較乾淨二來不會刮損表皮，這個步驟之後接著就輪到主角出場---
Clinique pore mininizer refining mask
這時，由於鼻子因受壓而呈微紅，毛孔也打開了，趁機敷上具特別效用的面膜：此收毛孔面膜是陶土質地，先抽出油脂污垢深入潔淨，並隨即作出修補緊緻毛孔。最喜歡的是敷後泛微紅情況會立即消失，完全clam down，張開了的毛孔回復原狀，敷15分鐘便可。
塗抹後約3分鐘已乾透，會感覺到很繃緊，最初的時間是供成分滲透發揮深層清潔效能，繼而收細毛孔，用後皮膚會很乾爽，長時期使用，油脂調控理想。價錢也很抵用呢--- $195 / 100m l
除 Dermagram 外，Clinique 也是我姐姐5隻手指數得晒，極敏感肌膚合用的牌子之一。
———————————————————–———————————————————————————————————–
本週《MORE》專欄精采內容：
護膚界神之水滴
滴一滴，保住靚樣，神一樣的美容液，一滴保美，究竟係乜？敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。