2011年5月31日星期二

護眼工程實驗《第二擊》!

大家還記得嗎?早於413我在blog上分享了文章:護眼工程實驗《第一擊》!當時告知全方位護眼法正在進行實驗階段,事隔個半月決定解開謎團及報告一下最新近況。

當時提及受某知名瑞士品牌委派我做測試,而我本着務必有滿意成效始會作推介,終於試足幾個月,現在可以開估了!
它就是Glycel,大家或許已在多本雜誌上看到我為這品牌拍攝的速退眼部問題分享,說實話,以個人名義努力得來美容專家稱號,深深體會到得來不易,若非好產品,任由開價六位數字也絕不會打爛自己齋砵呀!

究竟Glyceleye care產品有乜嘢吸引力?
首先要講番我 N 年前中學年代,好記得媽咪都係 GLYCEL 護膚品擁躉,點解仲會記得?因為當年佢笑笑口話我知 cream 內有燕窩好矜貴喎,警誡我咪偷嚟搽手(哈哈,我細過成日攞佢嘅面霜搽手),我仲反問點解見唔到一條條嘅?對此品牌印象如此深刻就是這原因,也估不到,多年後是我反過來成為媽咪的美容顧問,教她定時定候敷GLYCEL燕窩膠原緊緻眼膜
由於媽咪都讚有效、加上堅係瑞士製造(絕非如現今大部分產品取材與製造地方不同,故弄玄虛) ,我承認好感是有的,但仍需試用始知底蘊!
萬能眼膜!
絕不誇張!我試用過的眼部護膚產品相信為數過百款,是龍是蟲,當然瞞不過我法眼啦!眼部四周肌膚特別薄弱,護眼產品的成分及製造過程必須先通過我X ray眼,值得信賴才進一步試上眼嘛!
Glycel 燕窩膠原緊緻修護眼膜 (6支燕窩精華液、6對膠原蛋白眼膜$1,800 / 盒 【銅鑼灣時代廣場地庫B247號店】
(6月份仲有其他護眼套裝做緊半價優惠,共6件products只須六百幾蚊,大家可一試威力啊!)


GLYCEL呢款eye mask,是雙劍合壁組合---燕窩精華配搭100%膠原蛋白眼膜,活細胞加緊緻,如此得我歡心,因為它是成功的實驗品,可以急救捱夜後熊貓眼,敷後營養迅速滲入底層,立即充滿潤澤感,衰老的乾紋與皺紋很快消失,肌膚變得好細緻,還有點提拉、繃緊的感覺。
連敷兩盒殘眼有救狀態大勇,效果amazing!若然這新品早出一年,我婚前一個月必日日敷(大日子---貴一點也值得)!
大家可清楚看到眼膜的網狀凹凸面層,令貼服度大增,且可覆蓋及顴骨位,令蘋果肌都倍添亮澤。

除了質地、效果超愛之外,還要一讚眼膜的滲透功效,仿如使用了超聲波導入儀器般的滲透力,那歸功於眼膜的網狀凹凸面層,貼服鞏固的黏於皮膚上,將精華填補於紋理間,趕赴重要約會前上妝法寶! 
使用方法:先將少量燕窩精華液搽於眼底,再將盛餘的精華液沾在膠原眼膜上,然後貼於眼部,使用20分鐘後,按摩1-2分鐘。
慳家方法:每敷一次也會有剩餘精華,我會留待朝早塗上眼,再加沾上礦泉水的卸妝棉自製眼膜敷3分鐘。

防曬美目!
陽光令肌膚老化已經係common sense!除面部要搽防曬外,相信大家經常忽略更脆弱的眼部肌膚。
Dermalogica total eye care SPF15 $488 尖沙咀海港城海運大厦3LCX
除防曬保護及調色外,含舒緩植物精華,可減輕眼部浮腫。


對於這Dermalogica眼霜,我有80分的喜愛指數!
一) 因為是眼部產品中少有的SPF15防曬度,可以保護肌膚,質地透薄唔立,唔怕引致油脂粒;
二) 含温和果酸可軟化眼部皮膚,促進細胞更生,並幫助去走老化角質層,減退暗啞
三) 微粉紅色調,雖則沒實質遮瑕力,但素顏時其微閃反射效果仍能tune 均勻一點眼部暗啞膚色。
至於扣減20分原因是其物理性防曬,容易有擦紙膠粒出現,較難推勻,要細心拍打;我建議素顏時單塗,帶點光澤均色便可,但若然再上遮瑕膏容易有不均情況。
———————————————————–
本週《MORE》專欄精采內容:Beauty Secrets點解捱夜皮膚都靚
時代女性將睡眠視作奢侈品,然而,休息不足又點樣keep住靚樣先?我有SOS法寶,敬請留意今期《MORE》雜誌內我的專欄。



2011年5月30日星期一

姊妹淘急救護膚聖物揭秘

上星期六八點半,我訂定位搵間可以睇電視的餐廳,叫定侍應將電視校準J2台,就係睇我有份做嘉賓的《姊妹淘》,和主持莊思敏、NelNel及其他嘉賓分享美容心得。
假如你錯過了,可以去tvb.com重溫「第八集姊妹淘」(只會放六十日),或者永久一點,去土豆網,已經有人將段片放上網啦:
有幸獲邀,固然高興,還被兩位主持尊稱為「美容專欄女王」,實在不敢當。我和莊思敏認識接近十年,皮膚真係靚足十年,她甚至比我更早投入美容blog行列,在圈內亦非常有名,難得有機會在節目上和她切磋,機會難逢!

節目之後,我的微博充滿大家的問題,全部有關節目中提及的「急救肌膚聖物」,因為大家都好想知我所提及過的產品是甚麼,因為電視台不准提及產品名稱及品牌,既然大家咁想知,一次過在這裏公開就最適合不過!

急症一  大眼袋點算好?
很多人問去眼袋用的3M冰墊邊度有得賣,其實各大藥房均有代售,價錢我都唔記得,好耐之前已經買落,用到今時今日都仲得,非常之襟。冷敷方法在盒面上有詳細說明,而我在節目中提及的「冷熱交替法」,就要買兩個3M冰墊先做到。
或者熱敷時改用熱毛巾都有同樣效果,唔一定買兩塊的!
記住,將太冷或太熱的物件敷上面都會刺激皮膚,最好隔住個套去敷喎,隨冰墊贈送的。

急症二  唇紋甩皮要注意
在節目中教大家用砂糖加凡士林幫咀唇做最天然的去皮質減紋法,之後教大家塗的玫瑰花精華油,係Melvita的有機玫瑰油,在時代廣場地庫Melvita專門店有售。


急症三  拒絕暗瘡到訪
最多人問的,就係最多人受困擾的暗瘡問題,今次所講的,係主要對付萬一突然出一兩粒暗瘡的極速解決方法,假如你係成面暗瘡,呢樣產品未必幫到你。呢件產品,我早在上年已經在 blog 中提及過:對付暗瘡的壓箱秘技! 大家可以click入去重溫。
唔click都得,佢咪就係我稱之為一日消腫精華  Dermalogica Special Clearing Booster」$528 / 30ml(尖沙咀海運大廈三樓LCX)

壓軸急症  急救皮膚暗啞
成個節目的重頭戲,當然就係黃金護膚!莊思敏、NelNel都試過,仲將過程放晒上微博。

單係睇下負責示範的女藝員君妍的面色,連我當時在場睇見都嚇了一跳,真係成個人唔同晒,NelNel其中一句被刪剪的對白係:「君妍,你頭先個樣真係唔出得街,宜家先可以出街咋!」在場所有人都非常認同,黃金護膚的威力,的確可以將暗啞膚色改變,即時容光煥發,唔信?立即睇前後對比圖:
黃金面膜可以在中環9°Beauty買到,細片裝售$1,279/片,大片裝售$1,589/片,地址:中環威靈頓街27號地鋪(鏞記對面),查詢電話:2810 8120。


仲記得當晚節目出街時,已經收到幾位要好朋友的電話,她們都乖乖的安坐家中收看,真係要非常非常感激她們的支持,你們不若而同說:「我上電視的妝是否太濃?」哈哈,事後翻看的確太濃,不過放心,下次唔會咁濃架啦,因為大家稍後又可以再在同一個節目見到我嘛!


———————————————————–
本週《MORE》專欄精采內容:Beauty Secrets點解捱夜皮膚都靚
時代女性將睡眠視作奢侈品,然而,休息不足又點樣keep住靚樣先?我有SOS法寶,敬請留意今期《MORE》雜誌內我的專欄。

2011年5月27日星期五

日本大阪之行戰利品--- 配飾篇

噚日 blog 文尾段提及,今次日本之行購物時間並非很充裕(實情只得一整天),所以戰利品不多,加上¥貴,又冇減價,又加上是身在大阪非東京,選擇不多合眼緣自然少。
話雖如此,當然也發揮我愛購物、愛發掘的本性...買買買,通常到日本,最愛其別緻配飾,今次也不例外唷!


呢絛 scarf 放平足有一個人咁長,一對手臂加埋咁闊,是今個春夏 must have item!當我見到是最喜愛的豹紋與voyage pattern combination,唔使諗啦,唔買我實後悔呀!(約HK$400)


滕織袋熱潮由上年春夏延至今個春夏,結果終於入到手,因為呢個袋嘅 sharp lady D,唔似一般滕籃太可愛了(自問唔係行 kawaii 路線,carry 唔起);至於蝴蝶絲巾是我自行配搭縛上的。(約HK$800,購自0101 mall)


去到機場都唔放過買嘢!呢個 Burberry 袋喜歡的是黑白幾何 pattern 夠 classic,加上是尼龍料相當輕身,挽帶夠長可以側孭,約 A3 咁大size,價錢竟然平過個銀包 (店內最平的银包是HK$2,700),而呢個袋只係 HK$2,400,仲有紅、白、紫、黑淨色無格紋可選。


我自認是鞋痴,點會忍到唔掃賃呢!呢對高踭鞋是今季勁 hit 的麻布,淺色又易襯衫,最冧是蝴蝶結夾裝飾,令到鞋款可以目行玩轉 look ,帶給新鮮感!(約HK$400,購自0101 mall)


呢對鞋款看來唔算特別,能令我買下來的原因是至愛日牌子之一 CECIL McBEE,涉谷109 mall紅牌,加上 woven 手工非常細膩,金色窩釘添型格;我在此店搵到一條勁靚白色 lace 長裙,同佢一絕呀!搵日有興緻時 可set 長曲髮載帽襯埋呢套 outlook 轉形像扮日系 girly!(約HK$700)

———————————————————–
本週《MORE》專欄精采內容:Best of the best BB Cream
我發現吸引到最多女士們爭相回應的問題之一是:「請問各SIS係用邊隻BB cream ?邊隻較好用呢?」想知我會點評選,敬請留意今期《MORE》雜誌內我的專欄。


2011年5月24日星期二

直闖日本小京都 金箔の根金澤市

經過接近11小時旅程,我終於到達日本!
去日本要11小時,我事前也不能置信,由我在星期一早上8點在機場集合,再到達酒店check in,剛好晚上8點(日本快香港一小時)。當然,今次的目的地既非東京、也非大阪,而係金澤市!
我也覺得有點crazy,因為我曾經試過黃金護膚品的關係,其中的關鍵城市是「金箔之都」金澤市,於是決定來到金澤,探訪一下日本黃金護膚品的發源地,看看這個地方有沒有甚麼啟發我在美容護膚的muse。
點知大鑊啦,由香港到大阪,再從大阪機場轉火車到金澤,真係非常漫長的旅程。
好在一到達金澤,這個被稱為「小京都」的城市,果然充滿驚喜,看到非常多的金箔產品,含有金箔的美容護膚品也非常多,品牌也有幾種,睇到我相當興奮。
到達的重點當然係食!
由於太累,只去了酒店附近的餐館,來了一間叫「四分一」的居酒屋,嘩,好好味的,試了很多在東京都未試過的菜式。
這條叫「Nobikuro」的燒魚,是金澤的特產,成條魚連魚皮魚鱨魚骨都燒到卜卜脆,香港固然冇,我在東京也未見過,今次一嚐,正點!(¥1,500)
陶板燒牛肉,牛肉並非和牛,只是普通牛肉,但肉質鮮美得很,厚切,但只需燒五成熟,已經可以入口,鮮嫩而肉味濃,忍唔住點了兩碟。(¥950)
一成四人,埋單¥19,110,差唔多兩千,幾貴,但在日本算正常。
好了,明天一早就會去金箔博物館,看看有沒有令我驚喜的新發現!
在日本居然可以早早入眠,更興奮!
-----------------------------------------------------------

本週《MORE》專欄精采容:
Best of the best BB Cream

我發現吸引到最多女士們爭相回應的問題之一是:「請問各SIS係用邊隻BB cream ?邊隻較好用呢?」想知我會點評選,請留意今期《MORE》雜誌內我的專欄

2011年5月23日星期一

出外旅遊帶乜護膚品好?

大家朝早起身睇到這篇blog時,我已經身在機場,準備去日本。
今次日本之旅,將會去一個我從未去過的地方,而點解會去呢個地方呢?
我明日就會在blog中開估。
執筆之際正係晚上四點,好多行裝都未執完,但就預先執好我的跟身護膚品,曾經有讀者問過我,旅行應該帶乜護膚品好,如果你都有同樣疑問,不妨睇下我個「餐單」:
今次的護膚 package以BVLGARI skin care 為主,眼霜面霜精華一個旅行裝搞掂晒。
黑色YSL又係一支最近試了成個星期的好野!叫Beauty Sleep,夜用搽面,第二朝成個人唔同晒,再下一期《MORE》專欄將有詳細講解。
ULTIMA II精華素係萬一當地太乾的有備無患,細細支易攜帶唔阻碇。
洗面就用IPSA,Biotherm支BB Cream有防曬效用(星期一專欄內會講點解咁正),Dermalogica就係眼部防曬。
GUINOT卸妝油,萬一行程太緊個人太累,卸妝加潔面一次過就好快好方便。
最後係右上角KINKA黃金Gold Trial Set,去得旅行都唔願咁早上床,一定要用好野急救肌膚,黃金就最適合啦!
好啦,唔講咁多,要埋位執行李,明晚,再同大家日本直擊!
——————————————————————————————————————————————————
本週《MORE》專欄精采容:
Best of the best BB Cream

我發現吸引到最多女士們爭相回應的問題之一是:「請問各SIS係用邊隻BB cream ?邊隻較好用呢?」想知我會點評選,請留意今期《MORE》雜誌內我的專欄