何解？穴位埋線減肥法就係我在上年大戰四方陣時聽到的，結果令我做足11個月研究。
上星期幾個女人仔去Cova食個tea，就得到號稱3日減8磅的「中國古法秘傳拔罐減肥法」呢單驚人消息！
話說我有位美容界好友O，聽朋友的朋友的朋友說，在國內有位女技師，只需做簡單的穴位拔罐，再配合該技師度身訂造的飲食餐單，3日即減8磅！莫講話我，相信各位讀者都好想試，之但係朋友O正值大肚，無緣測試，結果搵阿媽頂上，身高153cm體重143磅，結果真係3日減8磅，體重剛剛135磅，事後身上全冇拔罐火印，全程無痛，仲3日都食得飽！嘩，在場人士全部聽到「O晒嘴」囉！
上圖係我去中環萬全堂做「走火罐」的圖片，並非「穴位拔罐」的示範，只係我覺得，兩者的方法應該差不多。
好友O就學我研究穴位埋線一樣，居然北上探討，發覺該位女技師只係三十來歲，並非中醫，其穴位拔罐減肥法是祖宗秘傳，並不外傳；所配合的餐單亦正常，可以食豬牛雞肉，無針無痛無傷口，毋須服藥，所有東西都正常到極點。而拔罐療程一共15次，頭3次必須連做3日，之後12次的相隔日子因人而異，但勁在頭3次保證可以減到5-8磅。點解敢保證？例如我咁瘦去做，就點都減唔到5-8磅的，原來技師會因應對方的BMI去減，只有BMI指數不合格的人才可以做，搞到我想親身體驗寫報告都唔得。
好在，我試唔到唔代表大家試唔到，好友O居然請到高人技師來港「獻技三日」，雖則我求極都冇得試，硬係要我食閉門羹，而高人技師來港三日只會為10人減肥。坦白講，我真係好想試下係乜祖傳秘技可以咁有減肥功效，好友O則見我死心不息，
竟然決定將呢10人名額全部留畀我的blog讀者！
而且把炮到講明，如果呢10位讀者任何一位不能在三日內減到5磅，立即原銀奉還！
條件係呢10位減肥人士必需經過面試，判定為合資格減肥人士，即可參加，以及要拍下before同after相片（唔使上鏡，只影身形及局部位置），作為我日後研究成效的參考圖片，在blog中分享。放心，假如10位減肥人士全部失敗，或者大部份不成功，我不會在這裏再推介給大家的，而各位不能3日減去5-8磅的人士都可以獲得退款！以下參加資料及細節務必留意：
接受報名日期：2011年4月15日（星期五）中午12點起
拔罐減肥日期：2011年4月22, 23及24日
報名方法：在星期五中午12時起，請致電2893 8828報名。（12點前致電無效）
報名資格：如果只為修身塑型、BMI合格人士，4月22-24日期間唔得閒、不在港的人，請不用報名。今次專為肥胖人士而設，報名成功人士將先接受面試，最後揀選符合資格的10位減肥人士，在指定三日進行穴位拔罐減肥。
費用及退款條件：穴位拔罐減肥非免費，每次$1,200，三次合共$3,600。面試免費，被挑選為合資格人士，需先付$3,600，假如在4月22-24日失約、失縱、或做唔齊三次穴位拔罐減肥，所付費用全部沒收，不作發還。假如做足3次穴位拔罐，跟足指示，然後在第4日（即4月25日）作最後磅重（磅重日失約、失縱，都不獲退款喔！）都不能在3次穴位拔罐減去5磅，立即全數退回$3,600。
全部療程費用：假如10位減肥人士都非常滿意其成效，之後12次的後續療程，同樣都係$1,200一次，即係全個療程的費用為$14,400（12次）+$3,600（頭3次）=$18,000。
事先申報，這個穴位拔罐減肥法，我自己都未做過，詳情係點？我自己都唔知，所以有關過情係點，經過及點滴，恕我不能在這裏講解。況且我真係好想試，既係秘傳又咁神奇，坦白講，如果唔係好友O拍心口保證不成功原銀奉還，我一定不會在此介紹我未試過的東西。
又有朋友大膽假設，如果有參加者在最後磅重前，刻意食到好飽，令自己不達標而退款，點算？哈哈，我認為有心減肥者，邊會傻到最後為退錢而整番肥自己呀，所以我不擔心這情況！
我只係認為，可以幫到有需要的人，呢5-8磅，真係非常重要，何況若然成功，即代表我們合力發掘到一項新的減肥方法給其他有需要人士，使命感極大！
———————————————————————————————————–
本週《MORE》專欄精采內容：
穴位埋線 減肥報告（下）
所有關於穴位埋線減肥的成果，都會完完整整地在這篇專欄中刊出，究竟我減到幾多？中間發生的故事點滴又係點？敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。