2011年3月4日星期五

我的御用「卸妝水王」Uriage

很興幸,身為女性,可以化妝大執輪廓瑕疵,盡管男性也可,但總不免會受到世俗眼光歧視吧;但那邊廂,又很羨慕男士們返家後,無須抱著累透的身軀,以僅餘精力來去掉粉底、眼影、唇膏以及最討厭的頑固睫毛液。世事就係咁矛盾!
深知,卸妝不夠徹底,化妝品殘留臉上,輕則泛黃暗啞,重則堵塞毛孔發、炎爆瘡,再搽幾多貴價護膚品也是徒然呢!
我的護膚格言:「識化妝,更要識卸妝!」我周不時化到咁行,如果唔識用温婉手法徹底卸妝,肯定皮鬆又爆瘡呀!

如今,卸妝油、卸妝水、卸妝乳、卸妝霜充斥市面,應該點揀?我會對號入座。
 對付防水睫毛液必用水溝油狀,偏愛 Clinique Take the day off makeup remover,簡而言之-溶得快又徹底!
嬌嫩唇部只會用卸妝乳輕抹,我常用是 Dermagram因為此部位皮層絕對要善待,否則愈捽愈深色,嫩紅素都幫你唔到咯!
至於面部,還是最愛卸妝水。皆因質感清爽零油分,包保用完唔會引致粉刺同暗粒,夠晒溫和不易引起過敏,特別適合敏感性肌膚、油性肌膚、混合性肌膚,而我正是後者。

坊間咁多不同牌子嘅卸妝水,基本上我都試過,最貴的是 La Prairie cellular cleansing water150ml 要成 700蚊,活細胞梗好,但每泵一下心都赤埋;極平價人氣王 Bioderma 也算不錯,看水貨充斥市面便知熱賣度爆燈。

壓軸出場呢支係我至愛「卸妝水王」,我特別推介俾大家當然是上上之選-價錢抵用兼且功效攞滿分,品牌 made in France名字叫 Uriage(音:U/ V /Arhe) Make-up Remover Water Micellar PNM保濕潔面卸妝水
一支集齊多效功能:卸妝、潔面、護膚免沖三合一,將複雜之程序化繁為簡。不含酒精,不含防腐劑,不刺激肌膚、經醫學測試,適合敏感肌膚使用。
$208 / 250ml-----請留意尾段條款細則,我為大家争取了獨家優惠價】

大家可能對 Uriage 無乜認知(實幹形無大肆宣傳),其實法國屬醫學防敏領導品牌,佢哋嘅皇牌之一 Thermal water 噴面礦物泉水來頭確係猛。事緣我開季會睇時裝雜誌 Gap Press,有次無意間睇到 Giorgio Armani fashion show 後台花絮相,得知國際級專業化妝師人人都有支 Uriage Thermal Water旁身。
而我最愛用的 Uriage 保濕潔面卸妝水其一主要護膚成份,就係取自 Thermal water 礦物温泉水,叻在為皮脂築起隱形保護膜,高效保濕兼鎖水;仲加入紅石榴精華有爽膚及軟化肌膚功能,臨床測試可以收細毛孔添

嗱,修護功效在各方面也win win win,咁卸妝乾淨程度又係點?即睇測試:
眼線+眼影- 輕力拭抹已能徹底卸掉,差不多成條眼線形狀移形換影,證明其蘊含的潔膚因子確係 work
 唇膏- 按十秒後,不脫色唇膏都可輕易卸走九成,兼且用後唔乾,勁!
粉底- 一抹即可完全卸走,用後非常清爽,沒有黏立感,也沒有繃緊感。
睫毛液- 根本無諗過靠佢(早說過要用水溝油配方) 。

懂得揀選市面上最好的卸妝產品,都要用得其法- 雖則呢支卸妝水話係「免沖配方」簡便設計,仍建議如下:
我每次外出回家,無論是否有化妝,都堅守「雙重潔面法」,確保真正的乾乾淨淨,以防肌膚作反,方法如下:
Step 1先以化妝棉沾上足夠的卸妝水拭淨,直至棉上沒有絲毫粉底污垢顏色為止。
Step 2之後再視乎天氣濕度配合不用性質潔面產品-乾燥天會用洗面奶、潮濕天則用洗面啫喱或乳霜。
咁至夠安心嘛!

獨家優惠 限量60
我咁鍾意呢支 Uriage「卸妝水王」,當然也希望大家一試,争取了獨家優惠價:
Uriage Make-up Remover Water Micellar PNM
原價 $208 /250ml無條件7-$145.6
條款細則:
1)      優惠期由 34日至6日止
2)      只限於以下3間指定屈臣氏門市購買
3)      每間分店各 20 (60),先到先得、售完即止
銅鑼灣京華中心屈臣氏

旺角彌敦道655號胡社生行地下及C1屈臣氏
沙田新城市廣場屈臣氏
Uriage 查詢電話:2774 8333
4)      ***必須例印此文章,並於付款時出示以下Barcode,方可享有折扣優惠。
 Uriage保留最終優惠決定權


——————————————————————————————————————–——————-
本週《MORE》專欄精采容:率先試 隱形微針換膚術

今次我要作介紹的的新療法,是既擁有MTS的美容功效,又杜絕了其危險性,名堂是「矽藻微米骨針煥膚療程」。骨針?初初得悉時,也非常譁然!原來自18世紀以來,骨針是歐洲視為治療皮膚問題的傳統秘方。
詳情請留意今期《MORE》專欄。




沒有留言:

發佈留言

注意:只有此網誌的成員可以留言。