2011年3月21日星期一

我喜愛的潔面產品!

個多星期前,我寫了一篇有關抗衰老美肌飲品抵港---加洲紅石榴,反應估不到咁利害,引來衆多留言,非常不好意思是售賣點全部列出了,卻令部份人士撲個空,原來是運輸上出現問題,有幸的或許會買到(PR Stephanie—U are the lucky one ar) 有關方面已答覆 月尾會齊貨上架。重温文章: 肌齡逆轉飲料 http://vipblog.orientalsunday.hk/yokot/?p=3183


抗氧化果王紅石榴認真利害呀!大家都為你而著迷,希望皮膚質素時光倒流!

趁你氣勢如洪,就等我再介紹多一種由石榴衍生出來的美顏產品它是我兩年前至今都咁推崇的潔面泡沫……


此 foam cleanser 的淨化毛孔污垢效果真係 very good,仲有超強修護功效,至 buy 係一物二用嘅特點,一個價錢,兩大收益呀! 
Estee Lauder Nutritious 亮肌活膚淨化潔面泡沫($210 / 125ml)

早上:泡沫去污

早上:經過一整晚,臉上油脂會浮現,此時用作潔膚泡沫便足夠;用法是塗於微濕面上配合輕柔按摩,溶解油脂及污垢,然後以暖水清洗淨,再用冷水輕拍。潔淨效果很好,但用後絕不會有繃緊感,個人認為特別適合中性至油性肌膚。

晚上:面膜淨化

晚上:外出了一整天,沙塵混合油脂,容易堵塞毛孔,要防止黑頭粉刺,就要靠佢化身深層淨化面膜;先塗於乾爽肌膚上輕輕按摩 (如有化妝要先卸妝)然後待 分鐘才以暖水清洗淨,目的是讓有效成分抽出不潔物質。完成咗呢個程序,皮膚真係乾淨好多,仿似敷咗 clay mask 嘅效果,即係顯著吸走油脂、粉刺即時少咗。


有咩成分同功效咁得我心?

1) 抗氧化物石榴油精華,早已說過是抗衰老功臣;加上原米精華中和游離基,夾擊引致老化的不潔物,洗面都可以預防衰老呀!

2) 保濕使者透明質酸、甘草精華,洗完面唔會繃繃緊,仲好軟滑添!

3) 當然唔少得重點淨化成分---「磁質土」,睇個名就估到好似磁石咁吸走肌膚內的殘留污物,敷完呢個 mask,膚色即時均勻醒神!


大家請別看輕一支潔面產品,劣質的可以一下子令你的肌膚乾爭爭,甚至變得敏感;優質的可以扭轉局勢,成為修護肌膚的主因,幫助往後吸收護膚品營養啊!

———————————————————————————————————–
本週《MORE》專欄精采容:
氧氣美女

「氧氣美女」——彷彿活在純氧環境中,嬌嫩的肌膚從未遭受紫外線和灰塵侵襲,不單止靚,仲時刻給人充滿活力的正能量感覺。
想知道氧氣如何令肌膚美麗且充滿能量? 詳情請留意今期我的《MORE》專欄。

沒有留言:

發佈留言

注意:只有此網誌的成員可以留言。