2011年3月31日星期四

無罪惡感好味推介!(下)

噚日推介咗幾款「無罪惡感好味」輕食之選,唔知大家啱唔啱口味呢?還是鬥氣衝去買魔鬼薯片歎呢?
唔知點解,我成日食完 lunch ,隔兩三個鐘又有空肚感,是消化力能人所不能?!相信絕大部份 OL,正餐胃口未必及我,但小食胃口特別大,所以在控制攝取卡路里上要嚴守規條,以下是滿足心癮的飽肚之選推介!
低卡飽肚美味之選—
意大利雲吞+周打粟米湯?
修身餐單竟然咁瘋狂?係呀,不過是低卡版,份量與味道當然不及正常版本。
它們是 Orbis 的花臣健康纖體食品,一包意大利雲吞只得 4隻,仲要係超迷你版,驟眼看仲以為係「食玩」,本來是加熱水浸 4 分鐘即食,但味道實在太淡(我買的已經是香濃咖喱味了),所以我會將雲吞仔加入周打粟米湯,同樣是 Orbis出品,兩者加入 200ml 熱水攪勻就可享用。
雲吞皮是意想不到的滑溜,內裏夾雜少量洋葱、紅籮蔔、薯仔;粟米湯添加了膠原蛋白及膳食纖維,味道似忌廉周打魚湯多D,兩者全素上陣,卡路里合共是 216,非常豐富的自製好味意式 tea set!


若一年前我已經有食 Fancl 呢款健康發芽米湯飯,並唔係當做 lunch,而係 tea time,事關食幾啖似陣風無咗,但同時間飲大杯水又可以發脹夠頂肚喎!好味得嚟至緊要係方便,加熱水攪拌即食,只得 84 超低卡路里,食碗魚蛋米都唔止啦!
我覺得舊有的和風味不及最新呢款雞味咁香濃--- 雞湯配以雞肉、日本水菜及生薑等成分。 (一盒三包 約$110) 雖則價錢唔平,間中食冇所謂啦!

這是多謝昨天網民留言提供的,Pen:「桂格即沖燕麥有咖啡,紅豆,每包約100 卡路里,甜甜哋好味,而且熱飲較有飽肚感。」
營養豐富,含食用纖维、水溶性纖维、維生素A、B1及B2、且高鈣和高鐵。我家姐試過以上呢款紅豆味,覺得香得來有D假,還是喜歡純牛奶味囉!

燕麥有助控制體重外,主要還是有降膽固醇功效,我媽咪遵從醫生吩咐,日日要食少量;我唔鍾意甜食,所以會加入魚湯,千奇咪覺得怪怪的,其實似煲軟咗薏米,好夾且非常好味的!


大胃王絕配!
能夠擁有呢支珍貴嘅台灣百年「泉發蜂蜜陣醋」,真要多謝《MORE》 blog 鄰居 Winnie,她知道我每次去台灣都會 hand carry 返港,所以特登送兩支到我府上,我知訂單排晒長龍呀......非常感激!
其實我以前有飲開蘋果醋,但因為那牌子添加太多糖分,所以久而久之停用了,轉而飲用天然蜂蜜陣醋!而自從知道台灣古小偉老師都大力推祟泉發天然蜂蜜及其蜂蜜美容產品,所以呢幾年我踏足台灣都會上倉呢!當中最愛當然是蜂蜜陣醋,因為個人偏好酸味食物,加上食量驚人,飲醋健康的消脂消滯就最好不過了,富含酵素、胺基酸與維生素,能降血脂、去毒素,健美纖形靠晒佢!($180 / Bitchy Store 銅鑼灣 Red Mall 20-22 號店)

———————————————————————————————————–
本週《MORE》專欄精采容:
守住年齡的秘密
任由你如何努力在臉上做「保養維修」,手和頸部都一樣會披露你的真實年齡,一向疏於照料的雙手,換來倒刺、脫皮、乾紋、泛黃等問題;被忽視照料的頸部則浮現鬆弛、皺紋、暗啞等情況,令人看來老態畢現。
請留意今期《MORE》雜誌專欄,有我與大家分享的全方位手部及頸部進階保護妙法。

2011年3月30日星期三

無罪惡感好味推介!

昨天收到網民 Carmen 在我 blog 文「106 磅仲可以點減?!」內的留言,她問得非常妙:「有冇方法令自己戒零食?除左用意志力。 我一直都戒唔到!」
哈哈!女士們就是這樣,男人唔壞女人唔愛?!明知無結果都舂個頭埋去……
我有見解,想答得詳盡一點,決定在此與大家分享。
其實成日心思思想吃零食,是心癮一種,而無形的「心癮」確是難以對付,教授級都常言欲剷除「心癮」,這點可真要靠自己的意志力,難難難!
其實,我覺得意志力是可以鍛鍊的!以我自己為例,中學時最愛吃街邊炸到乒乓波咁大的魚蛋及喝冰凍的支裝忌廉、大學時每次上莊開會,起碼八款薯片在枱面列陣,食到停唔到口,成班人一齊傾計隊薯片特別過癮,my favourite 係 pizza芝士味呀!
結果,自投身工作後,以上壞零食(無益又高卡路里)不再誘惑到我,因為我用咗以下方法,成功戒甩咗:
1)     忌買!尤其是在超市閒逛時,千奇咪帶這些壞零食返家補倉,想食嗰時冇貨,以我性格係唔會專登換衫落街買嘛!
2)     為食心癮起,最佳又最直接的應對方法是「揀飲擇食」,買定好零食取代壞零食位置,塞滿 office、屋企個食物櫃。而且吃後產生飽足感,可減少吸入過多的熱量添!

好零食即低卡路里、少糖、少鹽、高纖,大家咪以為咁健康就一定難食喎,以下是我認為「無罪惡感好味」推介:

輕食滿足之選---
日本 SOYJOY 大豆水果營養棒,每條只有130卡的熱量,我覺得味道似瑞士糖、口感是硬身餅乾,食一啖飲一啖水,真係好鬼飽肚呀!是由天然水果及大豆烘培而成,富含蛋白質、大豆異黃酮,以及豐富的膳食纖維,可促進腸胃蠕動,0%反式脂肪及防腐劑,食得放心!惟一唔夠好,就係貴咗D囉! ( 有7種味道 / 約$25一條 / 莎莎有售)

食乾製生果好處多!我鍾意 Sun-Maid 加州無籽葡萄乾,100% 天然而且營養價值高,含有非常豐富的鐵質,對於成日唔夠血易頭暈一族很有幫助。另含有葡萄糖可以補充體力,有助消除疲勞,最啱工作時偷食幾粒叉叉電呀,卻由於葡萄本身糖分高,也不宜狂吃太多呢!(各超市有售)

蒟蒻果凍高纖低熱量,以此品牌為例一粒才25卡路里;其主要成分是葡甘露聚糖,由葡萄糖及甘露糖結合的多醣類,屬水溶性纖維,能幫助腸胃蠕動,促進腸內廢物排走;要注意蒟蒻果凍雖則低卡路里,但添加糖份頗多,所以入口至咁甜美可口,同樣不宜狂吃呢!(I like 芒果味蒻蒟 $17-25包 / 零食小店、citisuper有售)

新鮮水果當然最 good 啦!車厘茄和柑桔---- 呢兩款我叫做「一口水果」,方便掟入口,隨時隨地都可以食,是健康極低脂之選。
車厘茄纖維極豐富,且含有維他命C可抗衰老、抗氧化,味道酸甜可紓緩膩滯感;要知道連莖的有機車厘茄維他命C含量比起沒莖的非有機車厘茄高出一倍,所以貴一點也值得呢!

近來在生果店見到勁多柑桔賣(台灣有機的也只是$24/磅,好抵食!)就連食店飯後果都有佢份!柑桔果實全身都是寶,其皮、肉、絡、核是正統中藥,有理氣健胃、止咳平喘的作用;其果實富含的果膠能降血壓,其皮則具有強化血管壁作用,其肉則富含維生素C可美白肌膚。大家緊記洗淨後連皮食呀!

明天再續,我的好味低卡飽肚之選......
———————————————————————————————————–
本週《MORE》專欄精采容:守住年齡的秘密

任由你如何努力在臉上做「保養維修」,手和頸部都一樣會披露你的真實年齡,一向疏於照料的雙手,換來倒刺、脫皮、乾紋、泛黃等問題;被忽視照料的頸部則浮現鬆弛、皺紋、暗啞等情況,令人看來老態畢現。

請留意今期《MORE》雜誌專欄,有我與大家分享的全方位手部及頸部進階保護妙法。

2011年3月29日星期二

我的埋線日記

很順利,一切都很順利!
我體內已經有4條羊腸線埋在我身上4個穴位!
就在上星期五,所有事情都很順利,醫師為我把脈後,認為我的身體已經適合針灸埋線,一切就如我的劇本所想,施針然後埋線,過程順暢得和普通針灸一樣。


然後,我施施然趕赴下一場婚宴,見證我朋友的證婚儀式,一直站著個多小時。
聽做過的朋友(包括我家姐)說,埋線後的穴位,好像被一些物件壓著的感覺,如果埋在腿部的話,雙腿會酸軟得冇法企直,活像失去活動能力一樣。
而我同樣在雙腿埋線,但我依然健步如飛,一切活動自如。
我的食量和平時相若,星期五六兩晚都要出席婚宴,大魚大肉後,照樣再食宵夜,嘻,好像控制不了我的過人食量喎。
在兩晚的婚宴中,我和朋友的話匣子都是針灸埋線,因為她們都是我的忠實讀者,見面第一句已經不和我say hi,而係「埋線埋成點?」有些大半年沒見過的朋友,則分享她自己的私密埋線紀錄,又知道多幾位朋友原來都有做埋線。
但當她們追問是哪位醫師幫我做埋線,hohoho,我也遵守醫師的承諾,半句也沒有透露是何方神聖為我埋線。
但她們所提供的資訊,都是非常一般的埋線,沒有一些我從未聽過的;反而網友們最犀利,有一位叫 Florence 的讀者,說她的朋友做過面部埋線去減瘦塊面,嘩,咁鬼激,我聽到未聽過,連諗都冇諗過添,聽落好似應該有效,但又覺得好鬼恐怖喎,我就梗係立即致電醫師,問下埋線埋落面是否可行。
可惜醫師公事繁忙,暫未接聽我的電話,不過如此好題材,我當然唔可以錯過,這條問題我不會在此回答,留待醫師給我答覆,再在我的專欄內分享。雖然要Florence及其他有興趣知道答案的人稍等,但寫專欄真的很費煞心思,在此真的要多謝Florence給我靈感!
好吧,最多人想知幾時有得睇我埋線的情況及醫師的資料及收費:答案是下星期一的《more》就有得睇!
敬請留意。

———————————————————————————————————–
本週《MORE》專欄精采容:守住年齡的秘密
任由你如何努力在臉上做「保養維修」,手和頸部都一樣會披露你的真實年齡,一向疏於照料的雙手,換來倒刺、脫皮、乾紋、泛黃等問題;被忽視照料的頸部則浮現鬆弛、皺紋、暗啞等情況,令人看來老態畢現。


請留意今期《MORE》雜誌專欄,有我與大家分享的全方位手部及頸部進階保護妙法。
微博:http://t.sina.com.cn/yokot/
http://vipblog.orientalsunday.hk/yokot/http://yokotsang.blogspot.com/

2011年3月28日星期一

微整形新武器 Sculptra

相信大家對微整型注射美容不再陌生,男男女女隨口都識講---邊個邊個肯定打咗透明質酸隆鼻啦!邊個邊個硬膠面咁,梗係肉毒桿菌重手得濟!
那新興幾個月的 'Sculptra' 是甚麼呢?由於我收到愈來愈多 email 查問有關注射 Sculptra 之事,倒不如在此一次過講解。

Sculptra 是歐洲新型注射劑(3D聚左旋乳酸),於上年尾即 201年 月先抵台灣,若 11 月才抵港,而我認識已是早於年多前的事,因為香港某位醫生診所早已有,只不過是當時仍未普及,也不便公開呢!

若 個月前,某位行家向我訴苦,很不喜歡自己仿如骷髏骨的面頰,想知是否應該全面打透明質酸,我便建議她一試 Sculptra經兩次注射治療後,她很開心的告知我:「真係明顯好咗好多,面頰無咁凹仲好飽滿咁,最正係身邊同事都無人察覺,唔使向人交代!」

從以上對話,相信大家會好有興趣知道更多此微整型注射,即刻講解!
Sculptra 3D 聚左旋乳酸號稱「液態拉皮」,以注射式懸浮液微整型刺激自體膠原蛋白增生,同時有填充、緊緻、拉提、回春多重效果。

Q1:甚麼是3D聚左旋乳酸?
3D聚左旋乳酸(Sculptra)是一種安全性高的注射劑,在歐洲的產品名為 NewFill,是屬於生物相容性(即可被身體吸收)的素材,在醫學界使用已經超過三十年,注射前並不需要做皮膚測試。Sculptra 是經過美國 FDA 認可的合法皮膚填充注射劑。


Q2:Sculptra 能針對臉上甚麼問題?
正所謂似骷髏骨的面龐!臉頰、蘋果肌和太陽穴凹陷、臉部皮膚鬆弛下垂,因歲月流失膠原蛋白導致顯現的法令紋、木偶紋,不建議治療的部位包括額頭、鼻子、嘴唇、上眼窩凹陷部位。

Q3:原理是怎樣?
注射主要在骨膜上層,以及真皮深層及皮下組織層,從而刺激肌膚的纖維母細胞,增加膠原纖維和彈性纖維的製造,所以可以改善紋理、填補凹陷、以及有緊緻拉提的效果,文獻報告指治療效果可以持續長達兩年(以共三次注射計算)。

Q4:一次注射立即變靚?
No ar!注射後變靚效果並非立即顯現而是逐漸出現,因為刺激自體的膠原和彈性纖維的增生需要一段時間,通常在治療一個月後可以看到初步效果,至 個月後則會更加明顯;好處即係不易被人一眼發現做咗微整型,缺點就係成果慢囉!

Q5:需要多少次的治療?
一般人療程通常需要三次的治療,每次相隔約一個月,但由於每人的體質、老化程度,加上皮膚製造膠原蛋白的能力各異,所以治療的次數也可能有所不同。

台灣很多 beauty blogger已親身注射引證,效果比起 Sculptra官方提供之注射前後對比照片更具說服力和震撼力,即睇:
以下相片來源:台灣 blogger Aya 
http://ababqoo.pixnet.net/blog/post/32587766


Sculptra官方提供之對比相片:

我的行家朋友,注射後臉上呈現些微瘀色(要待一星期才散) ,因為過程觸及了微絲血管、而部份人或許會有紅腫情況(通常一至兩天便回復),情況因人而異。而所須注射劑量及次數也人人不同,肌膚問題嚴重的,或須一次注射兩瓶。

緊記,醫生的注射技術非常重要,因為 Sculptra 3D聚左旋乳酸是屬於稀釋後的懸浮液,和一般注射填充劑的凝膠(快固定)有所不同,要掌握液體在臉上的平均分佈,真要小心揀選富此微整型注射經驗之 Dr!
注意:任何微整型注射也有機會發生副作用,事前請向醫生仔細查詢及自行考慮清楚。

———————————————————————————————————–
本週《MORE》專欄精采容:
守住年齡的秘密
任由你如何努力在臉上做「保養維修」,手和頸部都一樣會披露你的真實年齡,一向疏於照料的雙手,換來倒刺、脫皮、乾紋、泛黃等問題;被忽視照料的頸部則浮現鬆弛、皺紋、暗啞等情況,令人看來老態畢現。

請留意今期《MORE》雜誌專欄,有我與大家分享的全方位手部及頸部進階保護妙法。


2011年3月25日星期五

我的褪斑之道!

有理由相信,雀斑是男女公敵,令面容扣分——看來膚色不均、膚質不佳,請別自嘲為可愛特徵!與其要靠遮瑕膏批盪,倒不如切實做足防禦措施;若然已浮面現形,靠坊間衆多科技也有助擊退之。
防患未然:
1)      老生常談,外出要塗防曬避免長時間被陽光直接照射面部,SPF30PA+++是可靠之選,夾擊UVAUVB,防雀斑兼防老化
2)      多食含豐富維生素C的新鮮黃綠色蔬菜,以及水果如奇異果、橘子、柚子等,可保肌膚白皙;當中尤以檸檬具高度去色素療效,每100g檸檬汁中含高達50mg維生素C,而檸檬酸能去斑、防止色素沉著,內服外塗均有效果。我也曾在blog文內提及過,每星期會飲3杯自製檸檬薏米水(懶得自製可到「翠華餐廳」直接享用)
3)      此外,富含維生素E的食物如豆類、核果、捲心菜、牛奶和芝麻等,也有助排走體內黑色素。
光學去斑:
1)      AHABHA化學酸性煥發新肌,踢走雀斑?可惜對付的只是皮膚表層褪色,對於真皮層隱藏的黑色素絲毫沒幫助,皮膚敏感的更絕對不宜。
2)      以醫學儀器去斑?坊間主要機種型號為Q-switch laserAccoladeC6等 (除非 keep 住做,但又不能喎),成果確係快但不持久,以我一位舊同事為例,她揀選了邀進式機種,做了兩次療程即時清走了9成曬斑,如此快見效,條件是忍痛、泛紅、結焦,一星期無面見人,她往後為肌膚做足保護,每日塗上防曬產品,可惜工作關係不能逃避日光追踪,無奈地一個月後色素巳經再次逐漸甫現,快樂一瞬即逝!
我一向認同醫學美容的威力,但於舊同事的個案而言,深信她是欠缺配合外塗去斑產品,沒有做好長遠持久戰的準備!

興幸地,我保護功夫做到足,所以從外觀看來無色斑困擾,一直以來也很放心,殊不知幾個月前多得科技的有力指證,我才懂得亡羊補牢對付底層隱藏已久的「鬼祟色斑」!
就是 SK-II 呢部 BIS 儀器,以不同頻率燈光照射皮膚,作出評分,照一照肌膚面層色斑、底層色素、皺紋等無所循形。大家有無膽量來終極一照,面對現實呢?
(此為免費服務---設於九龍灣、沙田、屯門SK-II Concept Store)
結果成績最好是皺紋評級,有98高分,開心到彈起,不枉我努力護膚!那邊廂無情的印證——原來面層無斑,唔代表底層無斑,鐵一般的事實,我會點搞呢?
外塗去斑:
坊間外塗去斑產品數之不盡,應該點揀?簡而言之,安全、有效囉!
我自從幾個月前知道底層肌膚有隱藏已久的「鬼祟色斑」,即刻進行大作戰消滅佢,就是勤力試用近日廣告熱賣嘅以下呢支 SK-II 最新產品
Whitening Spots Specialist  科研超淨斑精華 $680 / 30ml
四大成分及功效:掌葉樹精萃淡化斑點、甘晢酸阻截黑色素、Pitera®倍效美白淨斑、De-Melano P3CTM獲厚生省認證超卓美白成份,結合起來就是擁有由皮膚面層打擊至底層 倍隱藏色斑威力
使用方法:我每晚會取出一支管分量的淨斑精華塗勻全臉,再重覆重點塗於色斑藏身之部位,並配合按摩助滲透。又或是塗上不同效用的精華後,再 on top 覆蓋在 apple zone 隱藏色斑位置。
請大家睇吓我嘅成績表,使用此產品前後之對照,證明付出是有回報的:
隱藏色斑(Brown spots)    
左圖(使用產品前)   日期:10/11/2010   評分:83
右圖(使用產品後)   日期:17/12/2010   評分:89
證明外塗有效之美白產品,真的可減淡底層色斑!

美白降紅(Red areas)
左圖(使用產品前)   日期:10/11/2010   評分:76
右圖(使用產品後)   日期:17/12/2010   評分:83
主打斑點之同時,仲可以有降紅美白功效呢!

效果咁神奇,大家係咪好想試呢?
免費體驗:
做完免費 BIS 皮膚分析,就會有呢支新產品的 3天體驗裝送呀!
設於九龍灣、沙田、屯門SK-II Concept Store
———————————————————————————————————–
本週《MORE》專欄精采容:氧氣美女
「氧氣美女」——彷彿活在純氧環境中,嬌嫩的肌膚從未遭受紫外線和灰塵侵襲,不單止靚,仲時刻給人充滿活力的正能量感覺。想知道氧氣如何令肌膚美麗且充滿能量? 詳情請留意今期我的《MORE》專欄。