2011年2月2日星期三

新年新髮型 日系 big hit 瀏海!

今次日本之行,發覺當地靚女多咗,同行傳媒朋友也認同是她們較香港女性願意花心思、花時間,對裝扮一絲不苟!外表平庸都變耀眼!
記得某節目解構日本女性-每天願意犧牲兩個鐘睡眠時間,換取人工式細緻打扮模樣,心態是「人扮我唔扮咪實比下去?!」無錯,我認同,人人化行妝 set 行頭,素顏亂髮排埋去,必被標纖病到無嚟精神!
日本街頭最 hit 髮型指標,除了是 volumn 大波浪長曲髮,就是圖示前蔭瀏海,當中絕對有技巧,非蓋隻碗是但剪......齊蔭闊度以兩邊眼尾為限,靈魂是髮側兩邊層次遮顴骨

心血來潮!返港後,促使我都想轉變吓髮型。昨天去中環揾御用髮型師 Teddy,早前巳經講過他剪髮的功力(請重溫http://vipblog.orientalsunday.hk/yokot/?p=2561 ,跟佢由 Chin G 轉陣到呢度……
由以往的威靈頓街行去現在的安蘭街口,最緊要係近我屋企!
新年新氣象,想剪番個至 hit 瀏海!我同 Teddy 講要似日本 big hit style,即係 80% 重點瘦面+20% 青春可人。他正小心奕奕為我揀出合適厚度髮絲作前蔭,準備手起剪落。呢個 step 非常重要,決定整個髮型神髓
我因為之前做咗AQVA巴西角質素頭髮修護」(上期MORE專欄內有介紹,查詢:Hair R 2882 7270),所以髮絲至可以咁柔順貼服,聽我話任由舞出喜愛髮型咋
大功告成,分成3個層次,中間瀏海短及眉、兩側長及耳、後幅略修飛起髮絲。呢個造型能令女性看來有年齡逆轉的喜悅,然而只限冬季限定作,皆因我怕天氣熱,頭髮焆住額頭會誘使出粒粒。
上星期喺日本髮型係咁,前蔭長度足以梳後托起做出 volumn!今個星期最新髮型如下......
呢個仿麖皮蝴蝶結頭箍是遊日戰利品,襯番個新髮型!(購於涉谷109商場地庫,約 HK $140)
仲買多咗個 Voyage 絲巾款頭箍,至啱冬天襯黑色大褸,日本潮誌最愛用佢做 fashion styling蝴蝶結藏有鐵線可屈曲,亦可拆下來。在香港也能找到類近款式,但大部份要靠自己縛成 headband,較難 handle。(購於原宿竹下通飾物小店,約 HK $80)



***若然大家也想試試星級髮型師 Teddy Ng 功架,不妨直接聯絡他!
提及是 Yoko's blog readers 可享獨家 friend 抵價:
Normal price-$880
Special price $550
Mobile: 9260 7878
———————————————————–—————————————
本週《MORE》專欄精采容:
迷上增大眼 植睫毛術
身為女性,也不得不佩服大家的天性!
為咗靚,甘願奉上無限金錢與時間,當中最令女性不能自拔的貪靚手作是——植眼睫毛、gel甲、電熨染髮,一做可以三、五、七個鐘,一觸即發無得斷尾……迷上癮!
今次想講的是女生頭號貪靚玩意——植眼睫毛,請留意今期《MORE》專欄。



沒有留言:

發佈留言

注意:只有此網誌的成員可以留言。