2011年2月28日星期一

估你唔到 咁多人讚!

將自己鍾意嘅嘢推介俾人,結果人哋都鍾意埋,再反過來感激我,真係好好 feel

上星期六節目又係同班朋友食飯兼錠飛標,今次去了從未踏足過的一間尖沙咀酒吧,雖則人人劈洒,但我依然不理會別人奇視眼光,我有我飲熱水、食爆谷。當時有位膚色白皙 sweet sweet 樣子 lady 行埋我身邊打招呼,她說是我嘅 blog 讀者,長期都有追住睇,仲成日留言俾我,對話中又真係講得出好多我寫過的內容,呢個感覺好特別,似「一見如故」!【多謝支持呀-Carol

她說自己皮膚一向都是敏感底,自從睇咗我勁讚的 6 大防敏保證 Dermagram 護膚品,便由一件潔面產品開始試用,至及後買齊全套。「Dermagram 真係好好用呀,我以前皮膚成日敏感,會生暗粒又易紅,自從試用佢全 set products 之後真係好咗好多,價錢又唔貴!我仲做埋你推介佢哋嘅保濕 facial 添!」唔講,仲以為佢係品牌代言人呀!
我聽到佢嘅盛讃,真係好開心,哈哈......雖然錢就無份袋,但證明我推介產品獲別人都認同嘛!呢份滿足感,不枉用上咁多時間日寫夜寫呢個 blog
若然玩到零晨至返家,我必定會用呢支 cleansing milk 潔膚卸妝一take過,貪方便又乾淨,最緊要唔立呀!已經用到第三支喇!(草本平衡潔面乳 $190  / 150ml)


世事蹺妙!剛剛早幾日,就連我家姐都無啦啦開口講 Dermagram 支洗面奶,問我「當中究竟有咩成分呢?奇在用咗一輪,暗粒都少晒,皮膚仲軟滑咗,又唔似一般洗面奶,用完之後會好似仲立過未洗之前,滋潤恰到好處。」家姐都係擁有一般人「飄忽無定向敏感肌」,好多牌子護膚品一搽就瀨嘢,爆瘡、痕癢;其實都係我害佢啦,成日要佢借塊面幫忙做唔同牌子嘅測試,哈!而我真係無諗過,呢支洗面奶除咗溫和潔淨外,竟然可以壓制住難搞的敏感情況。

另外仲有一單。上個月日本 media trip後,我繼續 stay behind 血拼減價戰,本是孤身作戰,幸而朋友 請假陪行,她任職電子傳媒分子,對美容也素有研究,一齊同行最啱 key!於東京那幾天,新聞報導當地「大乾燥」,濕度竟然只得單位數字%,好在,我一早預備好包羅萬有皮膚保濕急救品隨行,當然無有怕,同行朋友 嗰幾晚就係靠我貢獻嘅護膚品救乾燥肌,她因為未試過 Dermagram 呢個牌子,而又見我周不時在 blog 推介,所以揀晒佢 產品 trial
我教佢先用孖寶做個面膜打底,那就是將「健膚精華」與「水潤修護面膜」混合,1 比 2 溝勻敷面,待 15 分鐘皮膚慢慢吸收後,tissue off 唔使洗;再搽上 Ultra claming night cream,原理是雙效為皮膚泵水繼而修服細胞。
Step 1 雙效面膜打底
Dermagram 紓敏水潤面膜 $240 / 50g
質地是豐盈乳液狀,含德國洋甘菊、紅海藻,加埋鎖水磁石技術,迅速注水、改善粗糙。
Dermagram 紓敏健膚精華素 $330 / 30ml
塗上後會有冰涼感覺,含有極罕珍貴的北半球白樺樹精華,降紅最顯著,深層保濕減淡乾紋。
Step 2 雙重保水
Dermagram 紓敏修護晚霜 $350 / 45g
介乎 gel cream 般易吸收,不黏稠,是阿爾卑斯山有機蜜思特花精華及甘草次酸微分子,鎮靜過敏及缺水情況、徹夜保濕更生肌膚。

第二朝朋友 話我知:「好似好有效喎,蘋果肌位乾紋唔見咗;房內開了暖氣都無扯乾皮膚,證明保濕力夠,我瞓得嗰幾個鐘,皮膚竟然仲有彈性 feel 得到,返香港真係要買呀!」
結果,返到香港幾日後,朋友 真係 whats app -已經買咗呢三支產品喇!
呢刻知道,咩叫「好嘢多人讚」!

Dermagram 醫學活膚專門店

中環港鐵站E13(近置地廣場出口)                   電話:2537 2636
銅鑼灣駱克道地舖&1(Sogo後面近景隆街)    電話:2893 9878
旺角新世紀廣場2235                                  電話:2318 0968
鑽石山荷里活廣場2279B                           電話:2404 0630
屯門市廣場111031-1032                       電話:2404 0630

——————————————————————————————————————–-------------------
本週《MORE》專欄精采容:

率先試 隱形微針換膚術
今次我要作介紹的的新療法,是既擁有MTS的美容功效,又杜絕了其危險性,名堂是「矽藻微米骨針煥膚療程」。骨針?初初得悉時,也非常譁然!原來自18世紀以來,骨針是歐洲視為治療皮膚問題的傳統秘方。
詳情請留意今期《MORE》專欄。

2011年2月25日星期五

獨家送 30 支 O’slee 美白精華 + 拍片驗證

自命是美白悍衛者!由細到大都深信「一白遮三醜」,即使日系109涉谷朱古力妹曾經大熱,亦從來無諗過要跟風仿效。還記得當年幾個美容大牌都出咗 tan look cream,一搽即黑,送到我手都無福消受!

啱啱上個月去嘅日本trip,最大得著係同當地翻譯小姐狂傾計,我把握時機索料,最想知是日本女性有什麼獨門美白秘方。原來佢哋踩單車返工嘅時侯,會做足全套「董太」裝備,穿上防曬長袖手套、戴防UV面罩只露出雙眼,甚至一手揸車、一手揸遮,如此模樣在日本見怪不怪,若然在香港相信有機會 youtube 見喇;此外,最重要是她們抵禦紫外線的意識很強,一年四季都塗上防曬液作保護,也從不間斷配合美白精華液做打底,才覆蓋保濕或抗皺霜。
 我唔想曬黑,所以都要用遮擋紫外線呀!
就係咁,改變咗我一向夏天才著重美白嘅常規!

其實踏入一月初,我已經努力測試多個美容品牌搶閘推出的 whitening series,容後會再與大家分享,但論平靚正之選,有一款即時跑出,決定率先作推介!呢支係 O’slee 出咗幾個月嘅新品-極緻亮白高效抗氧精華,我叫佢做 'Magic White',真係估佢唔到百零蚊嘅價錢,咁快會感受到神奇美白威力。
超值體驗價 $128 /40ml (萬寧有售)
用咗近一個月,睇到鼻翼兩邊因用手劑黑頭導致角質層增厚及暗啞情況大大改善,整體面色無咁黃;因為價錢抵,我仲用嚟搽埋頸項同埋雙手,希望每吋肌膚都可以白淨D
呢支 'Magic White' 除咗有高效抗氧化的專利植物成分,及含有傅明酸抑制黑色素活性,仲有天然木瓜酵素去除角質層黑色素,一個月時限,全方位力求白、白、白呀!

由於加入了大量透明質酸保濕成分,質地比一般精華液潤,所以沒有如一般美白產品用後偏乾的問題。每次劑三泵,足全面用,避開眼部幼嫩肌膚,之後再搽乳霜鎖緊精華養分。
***窩心提示,敏感肌請先塗在手腕位置測試反應。

其實,大家知唔知道令皮膚變黃、變暗啞的主要兇手係乜嘢呢?就是「氧化物」而愈來愈多研究發現,在皮膚擦上抗氧化物可以減輕陽光及自由基的氧化性侵害,也就是抗衰老重要一環,想保持肌齡年輕,內在配合-平日要多吃高抗氧化食物,如深綠色蔬菜、大豆製成品、蔬果如藍莓和提子;外在配合-想力保白皙肌膚就要對症下藥,即是使用有效「對抗氧化」之護膚產品!

O’slee呢支科研產品標榜高效抗氧化,點先至可以證明真有其效?
即睇我嘅測試片段,就知有幾咁神奇:





獨家送禮!

好嘢梗想大家齊齊試,依家你哋仲有機會免費體驗添!
特此送出 30 支 O’slee 美白精華給我的 blog readers
條款細則如下:
1. 請於225日早上11時起將姓名及聯絡電話email至 info@dotdotbeauty.com
2.
電郵請註明是Yoko's Blog reader 索取  O'slee 極緻亮白抗氧高效精華 40ml
3.
30位來電郵者,將可免費獲贈 O'slee 極緻亮白抗氧高效精華 40ml 一支,數量有限,送完即止。
4.
得獎者會以電郵回覆有關領取禮品詳情。
***O'slee 保留最終優惠決定權


——————————————————————————————————————–-------------------
本週《MORE》專欄精采容:
踢走背部暗瘡 家居浸浴作戰



暗粒暗瘡是女性死敵,就算天生擁有完美肌膚,都難免被工作壓力、夜瞓,又或是突如其來的暗瘡侵襲。但我認為最不能原諒的,係你永遠發覺唔到它的存在,一但發現如臨大敵的背部暗瘡!


有咩辦法對付?
詳情請留意今期《MORE》專欄。

2011年2月24日星期四

用iPhone「講」SMS

如果稱善用科技的人為「科技達人」,咁我好肯定自己係科技「不達之人」,至少一切電子溝通方式我都不擅長。例如這個 blog,我也摸透了一段時間才適應,但其實仲係有些不明,例如 blog 尾的「本週專欄精采推介」,那些字體時大時細,排列又不整齊,我都唔知點解決,鬼咁肉酸就真係激死我唔少細胞。
覆email就更加大鑊,每日排山倒海咁湧現,有時會用電腦覆,有時出街會用iPhone或iPad,總之覆到幾混亂,經常miss了部份讀者的email都矇然不知,有時實在對不起大家的熱情。
不過用了iPhone 4後,就真係發覺iPhone其實有好多新科技玩意兒,例如最新的「TalkBox Voice Messenger」 :
如果裝了的話,就會收到以上的通知,話你知有「message」。
而呢個message並非普通text message,而係一個「voice message」。
只有一按上圖的「藍色」對話方塊,就可以聽到對方的語音訊息,即係將SMS變成話音,嘩,簡直方便我呢D淨係識手寫輸入,仲要寫得非常慢的人。
只要按實下方的「Hold to Talk」就可以錄低你想講的message,錄完就會自動send俾對方。
不過加入聯絡人方面,就冇Whatsapp咁方便,可以真接從phone book搵到聯絡人,用家最好連接facebook,搵出facebook friend list內有裝TalkBox的朋友,否則要自己輸入朋友的username或登記email,呢一點似MSN,比較不便。
但諗深一層,你會肯send把聲音俾對方當SMS的人,都一定係親朋密友先會咁做啦,原來又幾溫馨咁喎!


——————————————————————————————————————–-------------------
本週《MORE》專欄精采容:
踢走背部暗瘡 家居浸浴作戰



暗粒暗瘡是女性死敵,就算天生擁有完美肌膚,都難免被工作壓力、夜瞓,又或是突如其來的暗瘡侵襲。但我認為最不能原諒的,係你永遠發覺唔到它的存在,一但發現如臨大敵的背部暗瘡!

有咩辦法對付?




詳情請留意今期《MORE》專欄。
http://yokotsang.blogspot.com/