第一個要講的是「31SMS」，針對Whatsapp不能send訊息往非Whatsapp用家的缺點，好似我未轉用iPhone 4前，朋友都投訴我冇裝Whatsapp，有料爆都唔想send個收費SMS俾我；假如裝了31SMS，只要登記之後，就算對方冇裝31SMS，只要有對方手機號碼及區號，對方一樣收到！完全針對Whatsapp的弱點去打，仲要免費下載，咁梗係唔執輸立即試啦！
用後感：究竟係我唔識用定係個app有問題，我從phone book找人發短訊、在電話號碼前加+852或00852，對方都係收唔到我的短訊；假如對方都有裝31SMS，就可以收到啦，不過短訊並非push，而係要自己入去「拉下更新」！每次發完短訊後，仲會彈app！每個短訊下面仲有廣告，不過全部係聖經內容，究竟係幫人傳教定係發短訊呢？
第二個app係由韓國developer設計的「Kakao Talk」，排名在Top Free十大，多了Whatsapp冇的group chat功能，其實Whatsapp都幾乎取代了MSN，或者坦白講，我都冇用MSN好耐了！既然可以group chat，算係一個iPhone app的大特點！
安裝完之後，就有一大段韓文，除了證明自己係「韓國製造」，我真係唔知佢講乜？
用後感：冇錯，佢真係一個MSN，即係你要add人先可以同對方chat，而對方當然要有Kakao Talk先可以互通。Whatsapp點解咁成功？就係因為佢唔使我add人，自動從我phone book內搵晒邊個邊個有用Whatsapp，一揀即通，唔見即係對方冇裝咁解，呢方面Kakao Talk就唔夠Whatsapp好用啦！
即係咁，Whatsapp真係冇懈可擊，尤其係佢誇平台設計，除iPhone外，Blackberry、Android同Nokia手機都可以用到Whatsapp，基本上有手機就溝通得到。單係上年，估計Whatsapp的下載次數已經過千萬次，以售價US$0.99計，已經做了過千萬美金營業額，識得做一個好app，真係會發達！
———————————————————–—————————————
本週《MORE》專欄精采內容：全球至新 Keep Fit 儀器在減肥的世界裏，做少少能夠減多多已經算是可喜可賀，然而做少少減肥機未必可以減多多脂肪，做少少運動就減多多脂肪就係今期專欄的主角：imoove！想知呢部全球最新的fitness club新寵兒點樣大減脂肪，就要留意今期《MORE》專欄。
沒有留言:
發佈留言
注意：只有此網誌的成員可以留言。