2011年1月11日星期二

睇相親歴 (上)

今日唔講美容、唔講 fashion,亦唔講食評,轉個話題:女性最愛求神問卜!
唔知大家迷唔迷信呢?
求神問卦、風水玄學、塔羅牌,我都試過……揀新屋一定必先睇風水,確保旺財旺丁至入住,曾經瞓正病位,我及貓咪即係體弱多病,試擺葫蘆陣竟然鎮得住;事業上有超重大決定,會到黃大仙求籤問卜,真係非常靈驗,可有明確正路指引,而我媽咪當年求到支籤話廿一歲有喜,咪係我家姐囉!
所以某程度上我覺得有事問亦無妨,當然非沉淪迷信,凡事靠自己努力至重要!
做雜誌年代,自告奮勇接收蘇民峰師傅專欄,就是希望每星期與他交談學嘢,真是很有得著,除玄學面相外,仲可以吸收他在股票、樓市上的眼光,兼且學習應對如此口齒伶俐的高人。我有朋友的公司每年也找蘇師傅睇風水,係準又幫到手,不過認真貴!

較早前經PR朋友介紹,認識了一位新派風水玄學師(黃立棣Philip),他較與別不同,nice到爆燈、非常健談、office 裝修有型格,所以經常亮相為很多雜誌、on-line做訪問、撰寫專欄等,當然亦都係因為充滿信心至敢公開做預測或受訪啦!黄師傅謂平常除家宅風水外,最多人找他為嫁娶擇日及卜卦問愛情,可見原來情世間難明事都係最多人問津!
我見到黃師傅office牆上貼滿受訪報導、專欄文章,他更會為wedding website、DB 88 website等網民解答疑難,非常active呀!

我是上年7月認識Philip,第一次正式會面是八字清談,大範圍咁講我一生,我覺得都有9成準,回想起來特別是事業方面分析預測至準繩、愛情都不俗,係健康爭D(有點出入) ,至令我暗讃是他無見過我家姐,只靠我提供出生時間、姓名,他計算出來的性格、工作性質、愛情狀況又好貼切喎;另外,當時我問到樓市點睇,他謂急買也應等到2011立春後,因為年尾會有一波(唔通就係測中政府出招?!) 結果幾時是入市最佳時刻,暫仍未可引證他的功力呢!
因為Philipnice唔計較,佢會盡能力解答問題,所以幾次都傾到overtime咗好多好多,但係無額外附加費。窩心貼士:若搵黄師傅前諗定多D問題呀!有賺……. 哈哈!

***睇相呢回事,除了講求師傅有幾多料子、亦講求人夾人緣,凡事請三思而後行
 師傅會因應大家嘅生肖,臨別時送贈合適配對動吻,是木製掛飾,外形可愛!
其後,我與幾位好友-結婚團姊妹們也相約與Philip會面,過程請待續……
(八字清談 $1,000、卜卦問事 $300)
香港銅鑼灣新會道6-10號京城大廈141410
Tel: 9185 5798
———————————————————–—————————————
本週《MORE》專欄精采內容: 
一物多用 變身妙法!
得一想二,絕不為過!尤其在扮靚這一環,一件護膚品,不一定只得一個用
途,多諗便可多變,創出多功效美肌體驗。
一個價錢兩種
享受,切合環保兼慳錢理念!想知我的推介是甚麼?就要留意今期的專欄內容啦!



沒有留言:

發佈留言

注意:只有此網誌的成員可以留言。