2011年1月31日星期一

東京戰利品 Vol 1-手袋篇

一星期的日本之旅終於完結,東京果然是一個不會讓人失望的地方,就算目前當地經濟仍然低迷,總是有它魅力的一面,更重要是始終具備領導潮流的能力,或簡單的講,香港人的潮流仍然被日本牽著走!

例如在包包方面,日本同香港一樣,通街 Chanel,冇辦法,這個世界上很難找一個又 lady 又elegant 的包包可以代替 Chanel。Chanel 以外,呢期日本女士的選擇居然是 Balenciaga 的 Motorcycle!

而我早於七年前 Balenciaga 在港流行之時,亦湊熱鬧大大少少的買了 4 個,當時超巨大袋身和長長的流鬚,不覺笨重,只覺飄逸。後來就是 Chloe 的 大鎖頭 Paddington,和往後的 Chanel Classic 和 2.55 了。

Balenciaga 在日本有幾 hit?我諗只要係型女style都會手挽一個,而日本的潮流文化更興「致敬」,好的設計就會有「參考作品」,並非假冒,而係加入自己的意念再發揚光大,潮上加潮!
如早年向Chanel 致敬的 Delyle,風頭一時無倆,Angelababy 都係 fans 之一。

而我今次就買了日本109系 DURAS 的致敬作:
愛佢不是盡然的 copycat,料靚加有改良,最重要係個袋只係¥9,980,即一千銀港幣都唔使,盡情用到殘都唔心痛!還幫它配上在0101 本館買到的 YSL 情人節限量 boxset-黑色兔公仔 ,佢頸部掛住印有品牌字樣心形logo牌仔,好浮誇呀!這連monogram 毛巾 的boxset,價錢實在超值,下篇 blog 至講!
這袋得來不易!話說我是在山形縣火車站 shopping mall 見到這手袋的,是春季 new arrival,一見鍾情,但由於當日時間緊迫,加上心諗稍後回東京在109專門店買都未遲,亦可能有更多選揀。點知就後悔啦,行了兩間 DURAS 都無呢個款!好在記得當日在山形縣見到這售賣多個品牌手袋的店名叫 LUTECE,立即上網搵分店,原來只得目黑有一間,隨即趕往,現場又找不著,我仍不死心,叫此分店從山形縣運個袋到東京,終於買到 (山形縣至目黑-火車車程足足是3小時)!
我仲專登買多條絲巾做蝴蝶結裝飾,呢期日本爆熱呀,行十間舖九間手袋display都鍾意咁樣!
就係咁.......撞色夠fancy,蝴蝶結絲巾裝飾,妹仔大過主人婆!

袋當然唔只買一個!
仲俾我發掘到一個 fakeprint Birkin+Chanel混合體,結合 Birkin 的外形設計、Chanel 2.55意念 print,非常過癮,這是日本 local brand Chille anap 2011春季新貨,冇折添!但只係賣¥5,980,六百都唔使,仲諗咩?! 
有全黑及黑白色揀,我當然選後者啦,反正是平玩,梗係要搶眼一點。

內籠設計都好認真,有內裡布、分大小間隔,仲有拉鏈唔怕手袋中門大開!

Shop list:
LUTECE 東京目黑站 ATRE 商場3/F
Chille anap 涉谷區神宮前3-22-8




—————————————————————————————————
本週《MORE》專欄精采內容:
迷上增大眼 植睫毛術

最近植上的新假睫毛,可以用專用的睫毛液塗上,是最新的假睫技術,想知有幾勁?
詳情請留意今期《MORE》專欄。



2011年1月28日星期五

東京絕妙小食

終於離開冰天雪地的山形縣,一切工作亦已完成,現正身處都係咁凍但至少冇落雪的東京,呢四日一於買盡佢食爆佢!

有乜戰利品暫時唔講住,反正唔會空手而回,下星期一返港後慢慢詳談。來到東京,當然要食食食啦!一離開位於新橋的酒店,就見到早前蘇民峰師傅推介的咖喱烏冬店「古奈屋」,蘇師傅把口刁到冇人有,佢推介得當然唔錯。

立即點是日推介「天使的蝦天婦羅」,講到隻蝦從自然環境中生長,品質最高兼希少喎。
隻蝦果然夠晒味,連鎖式經營但屬香港頂級天婦羅餐廳的質素。咖喱湯汁唔稠,而且冇咖喱辣味,仲可以講得上係鮮甜,去到日本必食!
古奈屋分店周圍都係,連台灣都有分店,去唔到日本,去到台灣都可以試下。
門口有晒精選推介,唔識日文,行出門口指俾侍應睇就得!

去到日本shopping的指定動作,當然係去新宿伊勢丹,全日本最潮的buyer們都被伊勢丹百貨收歸旗下,加上要去Isetan Mens幫老公入貨,呢一站絕對唔可以走雞!點知一出六樓電梯,竟然發現一條人龍出現在Godiva,有人排隊,肯定有好東西! 
原來伊勢丹Godiva搞緊朱古力festival迎接情人節,仲擺晒所有朱古力味道任人試食,幫襯買朱古力仲可獲駐店朱古力師傅在盒面上簽名留念,朱古力師傅個簽名都有人要,真誇張!人龍所排的並唔係等試食,而係買Godiva × サロン•デュ•ショコラ限定朱古力軟雪糕。
有朱古力同云呢拿味,每杯要$45,絕對唔平!好在入口真係非常軟滑,7-11或麥當勞軟雪糕同佢差十倍!朱古力味仲非常濃沃,最正係筒邊薄脆朱古力,真係冇諗過朱古力碎可以咁樣加落筒上,可惜呢個奇特體驗,1分鐘就「體驗」完,再體驗就唔該再俾$45!

—————————————————————————————————
本週《MORE》專欄精采內容:
天生鬈曲、禾稈草頭髮救星
長髮伴我超過二十年,幾個女人一埋堆,常常議論我的長髮,看來漂亮迷人,皆因落足心機去打理。唉,實情一切有苦自己知,多得爸爸賜我天生髮質鬈,唯有靠後天去打救,想知我點救,就要留意今期《MORE》專欄。

2011年1月27日星期四

山形凍到震

如果唔係有「chok聲」湯寶珍在《紅葉瀛風》介紹山形縣,我諗我事前一定唔知有呢個地方,事關要搵風雪淒滄的,十成十會諗去北海道。今次來到山形縣,一樣咁大雪,仲要係零下四度添!
睇下我背後的白雪,就知係幾咁凍!仲未感受到有幾凍?咁就要睇埋以下呢兩張相,事關我們一行人正坐纜車登上藏王山頂,愈高就愈凍,結果凍到部相機壞了!影完呢張纜車相,以加多張影出車外的雪景,就再影唔到任何雪山相,要落山後,暖番部相機先可以回復正常操作,凍到壞相機,勁!
睇相就真係幾浪漫,但浪漫的代價就係捱凍。
而我從導遊口中得知,最凍的時候,一棵樹係會「雪」到好似下圖一樣,全部變晒做雪條!
上山的目的並非睇雪,而係參觀當地的清酒廠,睇下Sake點樣製成,仲會送張證書證明「到此一遊」!
釀酒師會用一條大木棍攪勻酒渣,我試過拎起支木棍,原來好重!
一場來到,負責人當然想我想下啦,可惜我唔飲酒,唯有影張相扮飲!仲話呢隻酒擁有初戀的味道,少少酸,像初戀一樣非常深刻。
就係呢隻男山清酒好有初戀味!雖然我唔飲,不過都買了做手信啦!

—————————————————————————————————

本週《MORE》專欄精采內容:
天生鬈曲、禾稈草頭髮救星
長髮伴我超過二十年,幾個女人一埋堆,常常議論我的長髮,看來漂亮迷人,皆因落足心機去打理。唉,實情一切有苦自己知,多得爸爸賜我天生髮質鬈,唯有靠後天去打救,想知我點救,就要留意今期《MORE》專欄。

2011年1月26日星期三

治敏食療 鴨腳木蜜

今日旅居於山形縣的溫泉酒店,講明無WiFi無上網,真真正正與世隔絕洗滌心靈,所以一早寫定這篇blog,跟我現時身處的大自然環境一樣,非常天然!


繼上星期講過超強的冬蟲夏草食療(詳情可重溫:我至buy的最強食療 冬蟲夏草!),今次講下平價的食療,就是非常天然的「鴨腳木蜜」


鴨腳木蜜的最大功效是治療鼻敏感,不能說吃後可根治鼻敏感,但經我這個鼻敏感人測試後,的確有改善,至少最近起床都冇索鼻涕的問題。介紹給我的美容院老闆則說容易皮膚敏感的人,長期服用可有助身體抗敏。


本來我都以為佢又再hard sell我,講多兩講先知佢間美容院係冇得賣,佢本人仲要晨早預訂先有貨,有乜咁巴閉先?原來每年只有兩次收成,下一次收成期係四月底,所以宜家要預訂喎。
食法有三種,並非官方指定食法,只係我為食而諗出來而又試過的食法:
1)早上沖水飲,基本調理之法,主治鼻敏感,我已經試了一星期;美容院老闆的朋友試了三個月,覺得好有效。
2)我鍾意搽上方飽烘熱做早餐,自製honey toast!
3)蜜糖燒雞翼,嘻嘻,其實係我煎雞翼後,再搽上雞翼上,特別好味!

服用蜜糖有兩點要注意:一是忌配檸檬,其酸性會破壞蜜糖營養,飲檸蜜係錯的;二是忌用高溫熱水沖,應用暖水去沖才不會破壞蜜糖。

這瓶鴨腳木蜜的最大好處是蜂園在廣東海豐五指山的深山幽谷內,同日本山形縣一樣遠在深山,蜜峰不受城市污染,採到不良花蜜。詳細好處可到www.lotusvalley.net參考。

價錢方面,一瓶$80/400g,不貴;訂夠20瓶或以上可免費送上門,我和美容院老闆及幾個朋友已經團購了足夠送上門的數量,預訂五月收貨,50瓶以下訂購還毋須訂金。

想訂可以致電60773631找階哥,不用跟他說認識Yoko,我唔識佢,佢亦唔知我係邊個的

—————————————————————————————————
本週《MORE》專欄精采內容:

天生鬈曲、禾稈草頭髮救星
長髮伴我超過二十年,幾個女人一埋堆,常常議論我的長髮,看來漂亮迷人,皆因落足心機去打理。唉,實情一切有苦自己知,多得爸爸賜我天生髮質鬈,唯有靠後天去打救,想知我點救,就要留意今期《MORE》專欄。

微博:http://t.sina.com.cn/yokot/
http://vipblog.orientalsunday.hk/yokot/
http://yokotsang.blogspot.com/

2011年1月25日星期二

超級無敵落機食!

此刻身在日本山形縣,和繁華的東京鬧市截然不同,但來到日本,我始終要發揮我食的小宇宙,食盡東洋!
由於我天生餓底(不是無間道的臥底),很容易便肚餓,在離開東京羽田機場,往東京車站等新幹線列車往山形縣時,從未到過東京車站的我,發現這裏有條「東京拉麵街」!
陣容十足十拉麵博物館,還有很多等車的旅客排隊等食。由於時間不許可,只能夠揀冇人排隊的拉麵店,便揀了這間「伊勢海老」拉麵店,賣點是用「伊勢海老」(即是日本龍蝦)做湯底!
這款湯底在香港應該找不到,似非常濃烈的馬拉蝦湯底,又帶點西式龍蝦湯的感覺,誤打誤撞試到好東西,行運一條龍呀!伊勢海老拉麵售¥850,加溫泉玉子再加¥100。
這條「東京拉麵街」仲會有新成員加入,呢四間定於四月開店營業。
本來我的個性會揀這間最多人排隊的去試食,可惜時間不夠。問過同行翻譯,點解都係趕時間,肚餓都唔搵一間唔使排隊的去醫肚,答案係日本人不同香港人,食開邊間就邊間,唔會成日貪新鮮周圍試食喎。
今次係獲IPSA之邀,前往山形縣,在東京轉乘新幹線約需三小時!
山形比東京更凍,積雪非常深,一離開車站便見到這個情景。
一腳踩落積雪,就知雪有幾深!
這日的重頭戲就係食山形和牛!將和牛片捲成玫瑰花瓣,大片兼厚切,在香港都唔會食得咁豪喔!
全程由專人服侍,幫你煮和牛,唔怕煮得太生或太熟,食落口,嘩!不得了,牛肉味濃得化不開,嫩滑兼入口即溶!一餐好的晚餐是辛苦出trip的獎勵,今晚可以發個好夢了!

———————————————————–—————————————
本週《MORE》專欄精采容:
天生鬈曲、禾稈草頭髮救星
長髮伴我超過二十年,幾個女人一埋堆,常常議論我的長髮,看來漂亮迷人,
皆因落足心機去打理。唉,實情一切有苦自己知,多得爸爸賜我天生髮質鬈
,唯有靠後天去打救,想知我點救,就要留意今期《MORE》專欄。
http://yokotsang.blogspot.com/

2011年1月24日星期一

最強出trip護膚裝備

現在的我,正忙著執拾細軟,準備早上八時四十分出發前往東京的航班,目的地則是我從未到過的山形縣,浸溫泉、食和牛!
當地氣溫比東京更凍更乾燥,而且七天旅程會轉四間酒店,預料自己的精神及皮膚狀態都會落入新低點,所以會準備大量最補的護膚品。亦因有至補裝備同行,出發前特地搵我的皮膚御用聖手「彩光之父」(想知邊個係彩光之父,請重溫:「彩光之父」終極光學美肌儀器),先做個全面IPL彩光,配合七日最強護膚品,正呀!

執拾行李時,都不忘敷個Dorissderm面膜,在出發前來個大補濕! 
隨行補品包括Ultima II、La Prairie、Estee Lauder及Guerlain精華補濕品。
面膜都準備了四款之多,包括:Dorissderm、Dermagram、FANCL及Ultima II。
沖涼及洗髮用品就要低致敏的,當中一定要有Erno Laszio的「3-9豬油糕」!
皮手套、冷帽當然不能少,當地氣溫零度呀!還有我是最新戰利品:羽絨有帽毛毛皮褸,及膝長度,落雪都不怕!
好了,一切從簡,還要趕執行李!這個星期會跳出香港,帶大家看看山形縣的風貌。



———————————————————–—————————————
本週《MORE》專欄精采容:
天生鬈曲、禾稈草頭髮救星
長髮伴我超過二十年,幾個女人一埋堆,常常議論我的長髮,看來漂亮迷人,
皆因落足心機去打理。唉,實情一切有苦自己知,多得爸爸賜我天生髮質鬈
,唯有靠後天去打救,想知我點救,就要留意今期《
MORE》專欄。

2011年1月21日星期五

與神級醫學美容專家的對話!

較早前,我在《MORE》專欄內公開「一分鐘大眼妝戲法」,秘技是先以 ULTIMA II 極致純膠原蛋白"Black Serum" 耍魔法,即時 pump up肌膚膠原蛋白、撫平眼紋、減褪粗糙,上妝至會貼!
其實,市面上聲稱主打膠原蛋白成分的 beauty products,真係仿如恆河沙數!我之所以會推介呢個品牌實情有段故,而由於《MORE》專欄版位有限,未有詳細解釋來龍去脈,就在blog內與大家分享:
話說幾個月前去咗中環猛人雲集的某間 medical centre,嗰度係非一般專業扮靚私竇,成千呎地方只得兩部醫學美容儀器,當然係猛料,但這不是重點,而係當日駐場專家對我說的一番話。

我喺呢間 medical centre
試做的是冷凍脂肪細胞 Zeltiq,夾住大脾一個鐘,夾完凍到無咗 feeling呀!

這位專家廿多年來為多間醫院及私家診所揀選最先進美容儀器,更是某本地公立醫院內科手術顧間(這方面不能透露太多,在街見到我就問我吧),打滾醫學美容界幾十年,業界第一手活膚資訊及頂尖科技也難逃他的法眼。
與他對話中,我被問到有甚麼護膚品真正有效,正當我`想水蛇春發表之際,他搶著說:「有無試過 ULTIMA II 支膠原蛋白精華呀?」我當然有啦,仲入咗大盒裝,已經用咗成12支喇,有相為證!
他續說:「知道呢款 collagen serum 真係得,因為研發技術過程和生產地無得呃!我都用咗一段時期作產品測試。」嘩,心諗權威專家都用,好在我都唔輸蝕已經用咗一打貨,於是再迫他和盤托出測試結果,答案是非常《無間道》的對白:「產地好、濃度高、分子細!」心諗……他非代言人無錢收都讃成咁?! 

當晚我又去咗掟飛鏢,咁啱朋友N 拎住 ULTIMA II 黑色紙袋嚟,即刻八吓佢買咗D乜。真係橋…….又係 Black serum,佢仲話我知幾個月前已經用開,依家就慘喇!即問點解,她妙答:「我用上癮呀!你都知唔平啦,仲要成日斷貨…. 唔keep住用驚摷皮嘛!」答案何其誇張!

試問聽到以上嗰位大師及朋友都勁讚,又點會唔信服?!
我對呢個牌子嘅「膠原蛋白三寶」已經充滿寄望,即刻用齊serum、face mask & eye mask。
Black Serum 收毛孔最快!
有成90%濃度深海稀有膠原蛋白分子,落足料逆轉皮膚老化兼收毛孔;加上誘導科技,不會有擦不進去的疑慮。Counter 美容顧問教路,每次用半支,全面連頸按,吓….. 一日咪用晒一支?一set咪只夠3日用?太奢侈喇,我經驗係一支可分4次用,點滴皆矜貴嘛! $1,260/5ml(3支裝)

Collagen Face Mask 殘樣起死回生
面膜質地似花膠,富彈性、滑溜,貼面形,至巴閉係一片 mask等於 4支膠原蛋白精華,咁奢侈仲唔巴閉?!我封佢為殘樣 SOS 救星,一敷肌膚有起死回生之效,光澤感妙不可言!唯一問題係質地太滑,敷上面時行來行去,會移位向下,搞到敷唔到眼底,唯有乖乖敞下。 $960 / 3片 (仲有18片裝售 $4,800,即約8.5折,同朋友N share 大家都有著數)
Collagen Eye Mask執走眼紋
自問眼底肌膚最脆弱,所以投資最多,單靠補水不足,想pump up救番眼紋,一定要靠Collagen。近日每隔3星期就去 Dr Ng. 度做 PDL ...... focus firming眼袋位,完成後即時敷上,所以化妝袋隨時有佢存在!$450 / 3片 
膠原蛋白真是肌膚之寶,可以令魚尾紋、法令紋、火車軌 bye bye!我一早就奉行內外夾攻,呢D係我家中養生美肌寶貝花膠,獨愛爽口花膠公,keep住食…….浸鮮奶、煲湯、打邊爐。
同冬蟲草一樣都有升值能力添,呢幾年係咁加價呀!我會揀 $780斤的,抵食得來質素有番咁上下。
———————————————————–—————————————
本週《MORE》專欄精采容:
全球至新 Keep Fit 儀器
在減肥的世界裏,做少少能減多多已經算是可喜可賀,然而做少少減肥機未必可以減多多脂肪,做少少運動就減多多脂肪就係今期專欄的主角:imoove!想知呢部全球最新的fitness club新寵兒點樣大減脂肪,就要留意今期《MORE》專欄。