2010年12月21日星期二

聖誕盆栽叮叮叮

踏入聖誕週,香港的聖誕氣氛愈來愈濃厚。
以往的編輯工作,在這個時候最忙碌,因為聖誕之後緊接元旦、農曆新年,印刷廠要收爐.......所以瘋狂做稿、儲稿;今年難得忙裏偷閒,終於可以輕鬆的感受聖誕氣氛。
昨天参加了早來的X'Mas party,是好友-四季酒店PR manager Angela 號召梗支持!食物舖滿長餐枱,中西合璧。
東星起片包露荀....超豪!
Party 食燒肉飯?......係呀!
仲有勁多製作精美甜品,真係好甜......所以我影多過食!


因為最近搬家,所以經常逛宜家,居然給我發現,有真實版聖誕盆栽發售......是聖誕花及聖誕樹,質素唔錯。



可能我平時少逛宜家,也不知道花卉部也有這些節日盆栽發售,價錢仲好實惠- 聖誕花由$29.9起,視乎大小;聖誕樹甚至比一個男人更高的也有,但我沒留意價錢,因為無諗過要帶佢返屋企,驚Bubebu 同 Mimi 貓爬樹同埋食葉。
Bubebu 喺我影相時想食花,俾我鬧完即擺款!


花盆是要另買的,我自己就揀了最具聖誕氣氛的紅色,才$19.9一個,放在家裏,既可鎮住病位又添聖誕氣氛,一舉兩得!


-------------------------------------------------------------------------

本週《MORE》專欄精采內容:

隱世美容界高手
除了試盡各方護膚妝品和醫學美容儀器,我更愛發掘美容界高手,就像前期在專欄內介紹的「針清王」,其實我還有多位隱世聖手未張揚,如豐胸摩術手、瘦面塑形師等等,他們即使藏身美容小店,憑著技術精湛自不然客似雲來,直情怕我公開寫好佢……驚做唔切添!今次又要出賣另一位隱世高手……..詳請留意今期《MORE》

沒有留言:

發佈留言

注意:只有此網誌的成員可以留言。