2010年9月10日星期五

「摩掌技師」 人石合一!

自問是「另類骨精」,不如常人般背著筋疲力盡身軀投靠技師,而是為興趣與工作,試勻各家各法...中式、英式、泰式、印度、瑞典...,踏足地道骨場、隱敝上樓店、各式美容院、高尚酒店,十足十「試鐘」咁過癮!
我身邊有一位高人,一直考慮應否作介紹,因為單靠佢一雙妙手,真係做唔切,我驚重蹈「針清王」覆轍,經 blog 文盛讃後,依家多客到我都成日無位做,但好嘢又想與大家分享...真係...內心矛盾!
這位按摩界猛人,我叫她「熱石高人」-集各家之大成,技術精湛,一試必難逃「摩掌」,唔按唔聚財呀!
她藏身在 CWB 一間上樓美容店,至巴閉係呢間店好多明星藝人都會靜雞雞摸上去幫襯。
她叫 Winny,是熱石按摩專家,醉心鑽研,手法獨特,說實話...我以前也應邀試過多處地方的熱石按摩,並沒有好感,因為只 feel 到暖意卻沒真正的按摩舒緩,所以還是偏好淋巴引流。而她勝在自家揉合各種按摩技巧,懂得如何發揮,做一次等如到別處做了幾款按摩,真正的針對性解決問題
混合式按摩手法:
Step 1) 先以指壓按穴位,打開經絡,其手法到家,非常中位,尤其是尾龍骨底部,我感到特別酸痛;當按在恥骨大垃圾站淋巴位數十下,一放手, feel 到一股暖流由大腿直衝向下,勁!

Step 2) 此時,會擺放熱石在身體穴位上,透過蘊含天然物質及暖流帶走體內負能量:並手握熱石拖行推按淋巴和經絡部位,我覺得小腿最酸軟,可能係成日貪靚著得高踭鞋多,肌肉繃緊啦!我本身濕氣重,做完即時會覺得輕盈咗,即係無咁攰。


Step 3) 之後,會再配合香薰精油推勻全身,做淋巴引流,帶走體內毒素和廢物,我覺得最正係 feel 到肌肉放鬆,下半身水腫情況會即刻有改善,皮膚仲軟滑咗!

蘊含全天然的多種植物精華香薰,在按摩的過程配合嗅覺吸收,更加舒緩放鬆。


Step 4) 仲有指壓脚底,無錯...Winny 學埋脚底按摩,針對住我 64 個反射區係咁壓,最痛竟然唔係脚底,係脚面近脚趾公位,她說是反射胸部血氣唔順,吓...心諗通咗係咪會好身材 D 呢?


過程中會領略到咩叫「酸麻漲痺痛」百感交集啊!但真係抵痛,因為按摩後感受到一身鬆晒,肌肉很 relax,仲有纖腿作用添,呢點我最 buy
上一次,我見到楊盼盼(著名動作武打影星)佢都等緊 Winny 做熱石按摩,細問之下至知佢都係捧場客,因為肌肉勞損又有痛症,家陣仲要教學生做一字馬...勁,所以長期 keep 住做。


熱石按摩是什麼?
熱石按摩源於印度,是玄武岩火山爆發石頭,又俗稱能量石,含豐富礦物質,通過帶熱能的石頭作按摩,有助帶走人體內的負能量、促進血液循環、排走毒素、驅除濕氣、提升能量,令精神煥發
適合對象?
血液循環差、氣血不順、手脚冰冷、濕氣重、水腫型、風邪入骨、肌肉繃緊,及腎功能弱之士。



熱石都有真假之分?

真熱石具療效、有重量、快熱、難 cool down;反之,市面上大多是人造石,輕身、跌落地易爛、毫無療效。



專用浸熱石煲,有温度可調較。

信不信由你!
-有朋友成日晚刻瞓覺時被咳醒,中醫謂是寒咳,當她做了 3 次熱石按摩(每次放在皮膚上的熱石也特別快凍晒),寒咳竟然少之又少發生,不知是否熱石能量吸走其濕氣和寒氣呢?!
-另有一位患了腰骨痛症 4 年的朋友,痛到縛鞋帶也不能彎腰,只能蹲地,當做了 4 次熱石按摩 + Winny 耍家穴位指壓,竟然幫到他改善痛症,真係睇住佢現在笑住彎腰縛鞋帶喎!
---------------------------------------------------------------------------------------------------------------------------------

睇完係咪好想試呢?
幫大家爭取咗獨家近半價優惠呀,預約時記住話係睇咗 Yoko 嘅 Blog
熱石身體經絡按摩: 原價 $680 / 60mins ,睇 Blog 體驗價 $380/60mins
                                       ( 療程十次 原價 $6,800,睇 Blog 折後價$5,500)
                             

~~~~~~~~~~~~~~~~~~~~
睇我筋骨幾鬆!咪就係多做按摩囉!
--------------------------------------------------------------------------------
本週《MORE》專欄精采內容:
台灣購物最終回,帶大家到台灣買平價名牌副線化妝護膚品,以及只有台灣獨有的美肌瘦身食品,睇到我都想再去多次台灣。

沒有留言:

發佈留言

注意:只有此網誌的成員可以留言。