2010年8月24日星期二

Fake Birkin第二波 鴕鳥「布」Birkin

買假嘢買上癮!

7月尾在台灣買了的 fake Birkin 環保 tote bag 嬌蕉包(詳情請重溫「台灣のBirkin -- 嬌蕉包」),收到好友四方八面的SMS、電話查詢,反應出乎意料地好,好友們紛紛訂貨,不過要等到10月先有貨,上週日同訂咗嬌蕉包的朋友M 講起,佢都幾乎忘記了已經訂咗。

驟眼睇仍然美豔如昔
實情是,嬌蕉包捱苦了!手挽帶迅速顏色剝落、角位仲起晒毛粒、且污漬處處,
但我一點也不心痛,因為仲有兩個後備看門口。

而上星期在中環買了另一個韓牌 W. Dress Room 的 fake Chanel(詳情請重溫「I wanna shop(Vol.3)」),可惜我都未開封用,已經又有新歡取替。
上週日同朋友食飯時被問到:「你個假 Chanel 袋好唔好用?」我隨即答道:「乜我有買假 Chanel 袋咩?」完全忘記買咗呢個袋,皆因佢仲係原封不動,罪過。

點解會忘記?貪新忘舊囉!因為上週六在北角做完一部最新型號的減肥機後,從北角行番銅鑼灣屋企當做運動,途經天后蘋果商場(行路途中都不忘 shopping!),醒起呢個隱蔽shopping點有售同 Tata Baby 九成九似的 fake Birkin,不如介紹俾買唔到嬌蕉包的朋友
佢同 Tata Baby 一樣可以斜孭或手挽,最特別係用「鴕鳥布」做,即係將鴕鳥皮紋印上尼龍布上,真係覺得勁搞笑。大size都只係$549,見呢排咁hit,即刻 buy it now 啦!

牌子叫 Mousse,售貨員嬸嬸話係日本牌子喎,其寶已經賣了近 9 個月,相信大家在街上偶然都會遇到,一啲都唔係新鮮事,各位唔使咁緊張喎。咁我多口問句點解冇雜誌介紹過,佢答得仲妙:我都唔夠貨賣,都費事畀班記者去宣傳!」
好嘢,有 Guts!不過我一心就係想話畀大家知邊度有得賣,就在天后蘋果商場一樓(專賣日韓貨),詳細地址?嬸嬸都唔想公開,咁大家唯有自己去揾揾。等唔切要兩個月後先有貨的嬌蕉包,可以頂住檔先。

手袋粗用冇煩惱
自從用了嬌蕉包後,好些心理包袱都得到釋放,例如好耐都未試過將手袋亂劈亂掉任由佢同街上的途人碰撞任佢被我的貓咪亂坐亂舔,如果這是一個真真正正的 Birkin、Chanel,你捨得嗎?
何況用了嬌蕉包後,反而獲得更多朋友、途人的注目禮,過去 2 星期,我去了一些 party,遇上拎著Birkin、素未謀面的朋友,都主動與我攀談,指住我的嬌蕉包問:「這是甚麼?在哪兒買?」連我的馬拉好友、拿督夫人 J 都笑著說要用她的 Birkin 同我的嬌蕉包交換。

真 Birkin、fake Birkin,雖然我沒有 Birkin,但萬一擁有了,又要非常錫住咁用,我估自己仲辛苦,好似侍奉緊個袋而非個袋去侍奉我,冇又恨,有又惱,等我可以將 Birkin 當係草時,先至買!

本週《MORE》專欄精采內容:
台灣美容節目叫好又叫座,《女人我最大》、《鑽石夜總會》當然是我杯茶,最鍾意睇山寨美眉跌落凡間變回豬扒,既譁然又能從中掌握化妝秘技!
今期我會先帶大家到台灣秘竇尋假眼睫毛,林志玲、蔡依林用邊款?台灣著名化妝達人古小偉老師又去邊度掃貨?請留意今期我在《MORE》執筆的美容專欄啦!

7 則留言:

  1. 你好~你那假 Chanel 袋ㄎ以幫忙代購嗎?!好喜歡台灣都沒有!!!謝謝

    回覆刪除
  2. 你試試打電話到店鋪,看看他們可否寄到台灣給你吧。
    LE SHOP +852-66821380
    你可在 facebook 找到他們的。

    回覆刪除
  3. 那不好意思打擾!他facebook我要怎麼尋找?!謝謝

    回覆刪除
  4. Email: le.collection@hotmail.com
    Facebook Profile: facebook.com/le.collection
    希望幫到你。

    回覆刪除
  5. Hi I want to ask how can I buy the mousse fake birking ?? Thanks :)

    回覆刪除
  6. Hi may i know how to contact the shop of selling mousse bag? TQ~~

    回覆刪除

注意:只有此網誌的成員可以留言。