2010年7月13日星期二

香港首現...台灣 Kevin 彩妝大師 自家皇牌妝品


當今「老師」地位高祟... 說的是彩妝大師,仲要係台灣至夠馨香,看牛爾、古小偉、Kevin 凱文老師,化妝技藝出神入化,豬扒都變女神,有乜法旨唔令到女性貼貼服服。

我最追捧台灣訪談節目《女人我最大》、《康熙來了》及綜藝節目《鑽石夜總會》,這幾位知名化妝大師經常都會現身,唔只靚仔,仲風趣幽默,最緊要係明燈指引化妝心得,難怪經佢哋口中讃過的美容化妝品都例必旋即掀起搶購。

Kevin 老師經常亮相台灣節目,是次為體操美女楊芸來變身性感 Betty 妝容。

彩妝老師推出自家化妝品當然有威又有勢!
台灣的 Kevin 老師化妝叻做生意更叻,研發礦物彩妝,並創立自家品牌〝Beauty Maker〞,幾款皇牌妝品經常缺貨,台妹在 forum 都勁讃,最重要係價錢好抵玩。

Kevin 老師幾有台型,皮膚又保養得好好,估唔到佢已經... 40 歲呢!

〝Beauty Maker〞本來只供台灣官方網頁訂購,前幾日竟然俾我發掘到香港都有,原來卓悅剛剛做了代理,出奇地也只供網上購買,門市冇售。
咁具噱頭香港都無雜誌報導過?等我即刻 check 吓有咩產品同價錢相差幾多先!
點會咁呢?卓悅網雖然標高少少價位,但屈指一算,台灣訂 3-4件運費要約港幣 $180,豈不是上卓悅個網買咪仲抵,連運費都慳番,仲可以只揀 1-2件試試先;唯一美中不足是香港無 full line products,但都好在有齊 Kevin 老師的皇牌妝品。
就等我寫個試用報告俾大家参考吓:
有斑必買!
BB礦物遮瑕霜
Kevin老師話:
「如果不想讓妝容愈來愈厚,底妝前只要薄薄塗上一層遮瑕霜,輕輕拍打斑點就不見了。」
試用後感:
呢款遮瑕霜是 Kevin 老師最熱賣皇牌妝品,勁多台妹追捧,仿似什麼產品加上 BB 字眼就特別暢銷?!試後遮瑕真掂,損傷紅印都竟能 cover 到,媽咪也讃遮斑一流,連暗瘡色素沉澱的灰印也完全掩飾。
遮眼圈位置亦不俗,對付好似我天生咁深的黑眼圈都可以遮到 8成,秘訣是要用兩色,因為共有 3 種相近的深淺色調,我會先塗中間色調打底,再 on top 薄塗一層較淺色的做 highlight,效果最完美;但唔知係咪年紀大咗,骨膠原流失,眼部特別乾,呢支產品唔夠保濕,用在眼袋位會現細紋,所以都係 focus 遮斑和瑕疵多 D,仲有修護成分。

BB礦物遮瑕霜 (備有自然、白皙膚色、健康膚色) $135/支

於瑕疵色素較明顯的部位,用指腹將 BB 遮瑕霜輕輕按壓推開,就可以與肌膚融合 。

Before:手臂損傷印顯眼

After:超掂!用手指印上遮瑕霜紅印即刻消失。

真係勁得!
毛孔光光隱形蜜粉
Kevin老師話:
「這款蜜粉專門針對毛孔設計,分量不用多就能達到相當好的遮飾效果,一定要少量輕拍;使用時要從毛孔粗大處先撲,餘粉再輕拍其他部位,妝效就能非常自然乾淨。」
試用後感:
我鼻頭及鼻側面頰毛孔較粗大,將這蜜粉一按壓上面,肌膚表層形成霧化效果,即時隱藏凹陷及淚滴型毛孔;有少量微細雲母反射粒子,令皮膚看來更滑溜,輪廓又立體,就連細紋也看似不礙眼。
用法重點是要極少量和慢慢掃,因為顆粒有大有小,否則好易會厚粉,我會用大掃輕掃全面,然後用撲按壓在局部位置,即是 T字部位,有吸油粉體可幫助控油,妝效會更自然剔透又持久呢!但略嫌附送的粉撲質地較硬,撲出來妝效唔夠理想,還是愛用番其他品牌。

毛孔光光隱形蜜粉 (透明色) $145

瓶蓋似鑽石切割,好靚,有 Jill Stuart 妝品影子!

Before:討厭的毛孔,在 close up 下顯見。

After:沒有搽護膚品及粉底,只按壓這蜜粉上面,不單只毛孔全隱形,仲鬼咁滑溜,勁!

可以放棄!
眼線筆
Kevin老師話:
「建議初學者,若覺得眼線液較乾不易畫時,可先將筆沾水壓乾後,再沾取適量眼線液,描繪時會比較滑順好上手;微微稀釋的顏色也較容易與眼影融為一體,可以塑造微煙薰妝效。」
試用後感:
眼線筆是蠟質地,色澤夠濃黑,不會似灰調:雖則軟硬適中,但很難上色,要重覆畫上,點知大力過頭斷咗,oh!以相同質地而論,與我最讃的 Bourjois 眼線筆比較,真係輸幾條街!

眼線筆(備有特黑、啡調) $95

尚算不俗!
睫毛膏
Kevin老師話:
「這款睫毛膏是專為台灣女生細短睫毛設計,梳型刷頭能將睫毛放在梳齒中,注意刷頭的角度要與睫毛呈斜角,而非 90度,掌握這個小技巧,就能打造3D扇型睫毛,眼睛瞬間放大。」
試用後感:
扁梳型刷頭容易將睫毛液擦上,效果非常濃密,令睫毛看來更黑及粗身;但要做到根根分明,記著用紙巾輕軾刷頭,將過多的睫毛液抹走,才再掃上,否則會有一小束黏實的情況。
另外,因為加入輕量凝膠配方,即使沒有用睫毛夾,也有約 30度捲翹效果呀!
最重要是我整天也沒有溶妝變熊貓,當然也視乎閣下眼型和淚水分泌嚴重與否。

睫毛膏(黑色) $138

After:用齊 Kevin 老師以上幾款妝品,就如這樣妝效!

對 "Beauty Maker" 妝品有興趣,請睇以下網址:

http://www.bonjourhk.com/tc/Search.aspx?search=&bcode=BEM

1 則留言:

  1. 在香港可以學醫學彩妝嗎!在臉因車禍留了疤痕!只想能化到自己自的臉!如果只想學會怎樣化好自己的臉,有可能嗎!還想請問可以的話所費大約是多少?

    回覆刪除

注意:只有此網誌的成員可以留言。