2010年7月13日星期二

起錨!今年爆 hit 玩意!


上年此際,正沉迷夜深單車群遊,在晚間沿著港島海岸線飛馳,是清風送爽健康運動,更可食盡西環至筲箕灣的深宵美食,所以 12 點後港島仲有乜街頭小食、甜品及口立濕,我都試勻晒。

今年,除單車外,一項正在本港翻 hit 的玩意,我也準備起錨,就是掟飛鏢,Dart!

認真程度是揾咗得過獎的強手教我,佢話先要學識正確姿勢,否則手臂筋易勞損;眼神要夠定,思維要镇定。

而我掟鏢都有心水 dress code 呀,大家睇吓!





可能你會話掟鏢咁 old school,又玩得咁「麻甩」,但我要強調,當一件事落入日本仔手中,幾老土幾麻甩都好,都會變成一件型事,掟飛鏢都唔例外!

首先請大家去睇吓呢個網址:http://www.dartslive.hk/


呢部係時下最 hit 的電子飛鏢把,叫 Dartslive,幫你計分之餘,再配合一張類似八達通的 Member Card(每張 $100),就可以同全世界飛鏢玩家連線,幫你計算紀錄,儲起以往賽績,加上專業的形像設計同玩法,成件事立即潮晒!每局 $5



掟飛鏢突然咁鬼 hit,究竟有幾好玩呢?原來掟飛鏢真係一門好禪的學問,要有一致的連貫投擲動作、冷靜而不能出錯的頭腦、還要懂精明的數字運算,對於自我訓練心理質素真係有幫助。

更加令我難以置信的是,一個如此對心、智、力有極高要求的運動,居然會喺酒吧出現,香港仲開始盛行,以掟鏢為主題的酒吧賺到笑,咪以為仲係猜枚同劈酒咁單一化!有開酒吧的朋友話我知,每部鏢機都由代理免費提供,酒吧同代理五五分賬,每部機每月收入可達 2萬,擺五、六部對分後,夠交租咁滯,亦證明經已係一個熱潮!

當親身試過幾局後,加上一些朋友的講解,原來掟鏢唔太難學,甚至很易上手,要擲出好成績都唔使長期訓練,好似我咁,第一次玩都居然有 1 round 三鏢二中紅心!

終於有種運動玩意唔使靠體力,有機會贏埋男仔,心裡不期然飄飄然,姊妹們努力呀!



[caption id="attachment_462" align="aligncenter" width="310" caption="身旁係我個空姐 friend...Kyla,當日第一次掟鏢都話好好玩,仲有男仔施施然行埋「用心」指教!"][/caption]

更重要的是,掟鏢都可以滿足購物慾,飛鏢選擇之多,真係睇到我眼花撩亂,玩完第二日,已經即刻去旺角買私家飛鏢,好比買單車咁興奮。



[caption id="attachment_460" align="aligncenter" width="307" caption="我買咗 Harrows Atlantis 18 gram,識人攞咗個 7 折,三百幾蚊埋單!"][/caption]

唔好以為掟鏢是齋仔競技,其實一樣咁多女仔玩,日本、台灣都有厲害的女職業選手,上 YouTube 仲有大把片睇,以下由土屋奈那對岩永美保的決賽片,都一樣咁精彩。





香港都有高手,剛剛 3 月份仲搞咗香港區選手代表權賽,勝出的仲可以代表香港參加在日本京都舉行的 Super Darts 2010,而決賽係由年青的 Ryoden Lam 對 年紀較大的 Steven Tam。最後由 Ryoden 勝出代表香港,過程有幾激,即睇!



家陣,正在全方位搜購可愛的飛鏢翼同 member card, 呢套黃色的 Oden Kun,真係好鬼 cute,可惜只限日本有售。相信下次去東京除咗時裝、美容、美食,又有新使錢目標喇!

沒有留言:

發佈留言

注意:只有此網誌的成員可以留言。