2010年7月13日星期二

終極光學美肌儀器


我每月都有一個風雨不改的約會,並非約埋成班姊妹 girl talk,而係相約我的御用皮膚科醫生跟進皮膚質素。
能夠成為我的御用,因為他是香港「彩光之父」,不停研究並往英國進修光學修復肌膚之道,很多香港著名皮膚科醫生都係多得佢傳授。而他本人已屆60大關,但我 2 年前結識他時,從肌齡估計,仲以為佢係 40 左右的中年男人。
睇到呢到,唔好追問我佢係何方神聖,佢為人低調,我多番邀約亦不肯為醫學美容欄目拋頭露面,何況佢本身係名牌私家醫院的心臟科專家及兒科聖手,美容只係他的「醫療配菜」,佢關心我的皮膚時更關心我的健康,我身上的流行性感冒疫苗、禽流感預防針及子宮頸癌預防針都係由他操刀。
想知道他的資料?恕我暫時未能公開,不過我綜合多年來親身試過及死纏爛問多位皮膚科權威醫生的見解,我倒可以話你知有邊幾部機係得嘅!

素顏的我膚質及膚色尚算見得人,年齡漸長,但肌齡漸減,全賴御用醫生的高超彩光技術。(可是...天生黑眼圈仍有待改善呀!)

彩光之王 Lumenis One
價值$120 萬的終極彩光儀器,香港有幾多部呢?10 隻手指數得晒,也是我每月一會的對象,將我的膚質長期維持在 85 分高水平,連身上不可磨滅的水痘印都搞得掂。數目得咁少唔係香港美容院冇錢買,而係香港冇幾多位醫生可以懂得全面發揮其功能,結果得物冇所用。
呢部機連難以對付的扁平疣都搞得掂,甚至刀疤都可以撫平無痕。
過程起初只是微暖,往後是灼熱,醫生會採漸進式提高治療能量,最讃是完成後毋需隱居「無臉見人」,絲毫泛紅也沒有呢!
不過各位有幸遇上呢部機而非由醫生操作,咪立亂試,記住水能載舟,亦能覆舟的道理。

想皮膚 keep 得好,我每隔 3星期就要拜會你一次呀!

先死而後生 Affrim、Fraxel
彩光以外,有 2 部激光美容儀器經我試過後有不錯評價。Affrim 及 Fraxel 不若而同價值半百萬以上,都必須由醫生操作,勁難搞的凹凸窿窿都可大大改善。激光最大特點是其破壞性治療,先創傷有問題肌膚,再靠自己身體的復原能力更新肌膚質素,屬先死而後生之策。
我一再強調激光必須由醫生操作及只重點推介這2部機,第一,「水皮」的激光儀器做唔到「先死」之效,又何來「再生」,通常做時唔痛的 laser,九成無料到;我的體驗是塗上麻醉藥都痛得死去活來的 laser 才有效,如 Affirm 每照射一下,皮膚仿如被燃點了的煙頭灼上,完成後臉部如被過百隻紋叮過般紅腫。
,有些次等激光儀器,或美容院員工操之不當,係可以將你的肌膚打落十八層地獄,永不超生,之後就是《壹週刊》投訴版的故事了,通常是二級燒傷,接近毀容程度。

每次接受 Affirm Laser 就如酷刑,手握毛巾、咬牙切齒,即使同時有泠風輸出,確實痛楚難耐呀!

著名皮膚科醫生何麗容,曾解說 Affirm 最擅長撫平由暗瘡引致的凹陷疤痕。

很駭人的照片,我上星期逛街親眼見到一位少女也是這樣的,當時曾泛起一股衝動,想上前告訴有美容儀器(Affirm)及醫生可以幫助她,可惜轉眼不見了其影踪!

Fraxel 相對 Affirm 過程無咁痛,最叻去斑、嫩膚。

Fraxel 對於去色素功效顯著,千年斑都搞得掂,膚質同時間會變得更緊緻。

明日預告

不論彩光或激光,都先要令肌膚負擔一些創傷才扭轉敗局,所以當接受醫學美容後的「黃金七日」,我就會將家中最珍貴、唔捨得用的高效貴價面膜、精華素盡出進補,明日再續我如何進補。

沒有留言:

發佈留言

注意:只有此網誌的成員可以留言。