2010年7月23日星期五

買神奇定妝物 送化妝!

(我正在籌備最新的美容專欄, 將於七月內《MORE》面世,更進一步將絕密扮靚心得、 喪食瘦身攻略詳盡分享給大家,Blog上及誌上各有不同介紹, 雙線齊下,保證《MORE》讀者特別靚過人,請多多支持,謝!)

依家天氣又熱又立,有乜法子唔溶妝吖!
真係有喎!最近俾我揾到樣勁掂嘅神奇定妝法寶,一試便愛上,當然要與大家分享啦。
至筍嘅係優惠期內買呢盒妝物($300),仲送專業化妝一次($400),超著數啊!
 Smart BB Pact
事緣某日到中環鏞記食最愛的燒鵝瀨及菠蘿咕咾肉,嘆完美食步出門口,見到對面有間兩層高的美容店 9 Beauty,裝修是日式簡潔型格,望入去似化妝班格局,旋即引起我嘅好奇心,入去睇睇!
原來開業只有幾個月,全部 beauty products 都係由日韓鑽研,本以為座立中環地標必然 mark up price 至有得發圍,點知出奇地親民。
能夠令我試用後即刻「科水」的是 Smart BB Pact,即 BB Cream 個 friend,佢係粉餅狀,一物多效能 ... 既可以定妝、又可以修飾毛孔、仲可以自然矯色,最緊要係有護膚功效,加入維生素、純淨深海水、蘆薈等修護養分,效果真係勁 good!


推介以下幾個配搭妙法!
方法一: 用手指搽薄薄一層 BB Cream (鍾情韓國 Skin 79,此外 9 Beauty 有一款具美白成份的也不俗),再用撲輕印呢盒 BB Pact,便可塑造自然滑溜靚膚質,最啱趕時間使用。

方法二: 搽上紫色的調色底霜 (又平又好用的有 Maybelline white stay UV base),再印上呢盒 BB Pact,便可塑造自然剔透白皙靚肌色,最啱面色暗淡時使用。

方法三: 搽 liquid foundation 後 (推介 Clinique super-moisture 粉底液,水潤又貼薄),再輕印 BB Pact,便可造出無瑕粉嫩完美妝容,最啱化行眼妝時選配。
即睇手背測試:
未塗任何妝品前,顯見毛孔及紋理。
單塗 BB Cream ,呈現仿如油光的閃亮,此時毛孔因反光粒子折射而不起眼。
再輕輕印上 BB Pact,即時控制油光,毛孔被遮掩了,乾紋也被撫平,皮膚看來很細緻,觸感很滑溜。


我向來偏好粉色調,最怕面黃黃,所以揀咗 01 Pink Beige,上面後膚色會看來健康一點。
具有 SPF 50+ 高防曬度,薄施一層即如覆蓋抗 UV 保護膜,我唔使再靠 D 油立立的防曬乳液打底喇。
變相免費
***優惠期內凡購買 9 Beauty BB Pact $300 ,仲會送零瑕疵美肌專業化妝服務一次,價值約 $400,姊妹們... 賺凸咗、抵到爛呀!(現在起至 8月31日止)
購買後隨時致电預約便可,啱晒約朋友去中環玩之前執索個樣呀!

我已經試咗妝喇:
Oh!未上妝前是面無血色的臉龐呢!
竟然幫我用埋假眼睫毛,唔慳皮喎!(哈!當晚潔淨完仲可以 reuse添。)
眼妝最緊要,幫我劃大D.. 再大D 對眼吖!
化好咗 9成 (未上唇色),五官輪廓出番嚟喇!
最後用 air-brush 噴上霧化了的保濕精華素,可以令妝容 keep 得持久又亮澤,大功告成。

9 Beauty
地址:中環威靈頓街 27 號地鋪
            (鏞記酒家對面)


沒有留言:

發佈留言

注意:只有此網誌的成員可以留言。