2010年7月13日星期二

皮膚問題解救!


昨天收到以下 comment,決定給予詳細意見,真心希望能幫到她的皮膚好轉!
「Yoko 妳好呀…..近來時常來看妳的blog…
感覺妳是一位很pro的美容大師….
所以有些問題想請教請教….
小女子剛剛28了….今年開始d皮膚差了很多…(時常出暗粒…自己又多手…d印又難退…以前3-4天就退得很快!!)
所以正搵緊一些新既護膚品….近年很多人都說dr wu好好用…是真嗎?
台灣買是否平很多嗎?..(剛剛有朋友去台灣, 可以幫忙)
可否介紹一些在我這年級…皮膚開始轉變時用的? (小女只是打工仔喔…幾千的產品太貴的買不起了..hahaha….)
謝謝幫忙…」
皮膚變差先要找出原因,對症下藥!
第一 壓力致荷爾蒙變化!
是壓力嗎?我以過來人身分話妳知壓力真係會令膚質急轉直下。我曾經因為同一時間轉新工加上搬屋,令身心疲累,持續個多月後身边朋友都覺得我殘咗,紛紛問過究竟;的而且確,當時膚色暗淡、一向扁平的眼袋突然似小山丘,至弊平日托賴平滑的額頭也有幾顆暗粒,到展開新生活不足兩星期,瞓得好、食得好,無壓力下肌膚竟自然地煥然一新。要知道壓力會令荷爾蒙起變化刺激皮脂腺分泌,也是「成人痘」常見成因,千奇唔好手多多擠粒粒,會傷及真皮下層,皮下組織受破壞,色素就會加深難以消退。學會了唯有讓自己放鬆身心才是掌握美肌關鍵!
第二 潔淨不足!
是清潔工夫不夠徹底嗎?不是叫妳狂洗臉,早晚各一次已足夠,太頻密反而會觸發肌膚過乾警號而猛標油,問題係夠唔夠徹底,否則油脂及細胞代謝物堆積,令毛孔阻塞,皮脂無法順利排出,結果就係誘發暗粒。記住每次潔臉後,用棉抹上爽膚水(好多人都忽略呢個 step),可拭走老化角質及殘餘污垢;另外,我誠意推介妳試 Jurlique 啱啱出的煥膚精華,用鮮果的天氣果酸 AHA 去角質,我上兩個星期前幫呢個 brand 寫 ad,所以率先試用咗幾次,似乳液狀並無粗嚡粒子,性質温和,只需薄敷上面 5 分鐘然後清洗,每星期 keep 住做兩次,感覺皮膚又滑又乾淨,好過用磨砂膏或化學性果酸咁刺激又驚敏感,效果真係幾好,我都諗住買番支,先旨聲明無收著數推介佢吖!

鮮果去角質煥膚精華,活機成分天然,估唔到咁温和嘅感覺,去角質效果都好!

第三 揀錯護膚品!
係咪成日轉用新護膚品,又式者塗太油膩產品呢?試啱咗嘅護膚品我會 keep 住用,至多係夾雜不同功效輪流搽,即係美白、保濕、抗皺產品交替,視乎當時膚質所需。咪以為質地油膩嘅乳霜就可以仿如保鮮紙封住肌膚水分,建議妳揀有水油平衡作用的 lotion,推介試試 Avene 的 Rebalancing Soothing Emulsion,主攻活泉補水兼平衡油脂分泌,我夏天都會用佢;至於妳問 Dr. Wu 好唔好用,我都會答好,巳經試過好多款 Dr. Wu 產品,之前吳醫生來港時有機會見面,佢真係好 pro,皮膚質素亦非常好,所以對佢研發的產品特別有信心,建議妳試試玻尿酸保濕精華液,質感好水潤易滲透,補水效果不俗,仲有膠原蛋白成分,令皮膚觸感更有彈性,好多美容記者試過都讃,可以在塗 Avene Emulsion 前打好皮膚基底;另一款產品包保試一次就必愛上, 是玻尿酸保濕面膜 ,其超透薄棉質地,非常緊貼全臉曲線,大膽讃佢優勝過好多大品牌,保濕效果 very good!但價錢頗貴,香港正價賣成 $65/片,急救至用呀!

Avene 水油平衡保濕乳 $180

玻尿酸保濕精華液 HK$220

玻尿酸保濕面膜 HK$200

邊度買 Dr. Wu 最精明?
妳問:「台灣買 Dr. Wu 是否平很多嗎? 」
就以 RS活氧美白精華液為例:
台灣買 Dr. Wu 最抵是在康是美 (like 萬寧店) $250
香港專門店 $450(通常有 9折,買滿 $1,000入會後有8.5折)
網購 原價 $450, 折後價 $412.5,運費 $125 (視乎產品有不同折扣,運費則劃一,可上網查看ww.drwu.com)
咁妳知台灣買抵幾多啦!

沒有留言:

發佈留言

注意:只有此網誌的成員可以留言。