2010年7月13日星期二

遲來的春天...爽極 BB Cream


咪以為又講 BB Cream 了無新意,Laneige 身為韓國美容大牌子,而 BB Cream又是由韓國演變出來繼而冒起,品牌呢刻至推出第一支 BB Cream,研發咁耐係咪神乎其技?
BB Cream 賣點是既有化妝效果又有修護效能,Laneige 呢支亦唔例外,仲可以話係全方位,標榜集補濕、美白、增彈性、抗皺、遮瑕、防曬於一身。係咪如佢所言?好值得為大家測試其功效。

BB Cream 分 No.1 閃亮透白,及 No.2 均勻自然肌色。我膚色白中帶微黃貼合選用前者。$260/30ml

品牌玩噱頭,6月初剛抵港,全港限量 100支,果然話咁快幾日即全線斷晒貨,心諗係咪咁勁呀,好在我把握時機買到!
大家想試就只有預訂喇(6月份order 仲有9折添)!
哈哈...我依家擁有呢支咪好珍貴!
即測試俾大家睇:
乳液呈淡粉紅色,很水潤。
質地非常透薄清爽,我買的 No.1 Shimmer Brightening 色調帶有微閃效果,富光澤感!
Before After
塗上面即見改善了微黃的膚色,看來也沒那麼暗啞呢!













Before After
手部紅印非常顯眼 用手指按上BB Cream後,發覺可以降紅,但遮瑕度不足,所以面上雀斑都係要靠外援遮瑕膏。
此 BB Cream 落妝也極容易,只用棉花沾上卸妝水輕力抹便一乾二淨,唔怕塞毛孔。
這支 La Prairie Cellular Cleansing Water 是我最推崇的卸妝水,其活細胞成分仲可以
抗衰老,抹後會感到皮膚水嫩幼滑,眼部都適用,價錢僅屬此矜貴品牌的入門級。約$700/150ml
總括而論,這款 BB Cream 確有其優勝之處,它是我所試過的 20 多款同類產品中質地最薄身最水潤,至啱怕立和怕厚妝的妳;還有一點較特別的是No1色調,因為含有雪水晶粉粒,其微閃效果可令輪廓較突出,膚色也仿似更通透;但若然面部多瑕疵,即是雀斑、暗瘡印、粗大毛孔,就會覺得遮瑕度非常不夠喇!

沒有留言:

發佈留言

注意:只有此網誌的成員可以留言。