2010年7月13日星期二

一攝入魂 6月必買Sony新DC


為了這個 blog,想再換一部合心意的 DC,購物總愛為自己找借口吧!

於我而言,Sony 是最好的,好在夠細也夠型。約 5、6 年前買了部 T1,當時是全球最薄的 DC,放在 Chanel clutch 也沒有與妝品爭寵霸地盤,到今天間中拿出來,仍有人讚佢靚仔、身形又 fit,仲以為係新款 DC 添,寶刀未老呀!

幾年前買的 Sony T1

後來試過 Casio Exilim 系列有美顏功能嘅 DC,簡直驚為天人,一個掣將膚質執到超滑溜、毛孔全隱形、膚色白裡透紅,零瑕玭童顏樣貌點止冧到我同世間女子,就連年屆長者優惠的親戚都爭住影相,仲千叮萬囑要我晒番相片俾佢哋留念回春一刻。無錯,萬人迷影人影到鬼火咁靚,但拍出嚟相片質素未達心中所想,尤其係色澤欠層次。當玩具無妨,重要事宜就無佢份出席!

Casio 美顏功能最啱去旅行時素顏留倩影!

直至呢一年,單反 DSLR 普及,但機身實在太大兼太重,除非真的瘋狂愛上攝影,否則根本冇諗過要買。

近日用 Olympus 的 EP-2,blog 內很多相也是由它拍出來,好些特別效果如四邊暗角、特濃色調,的確令人和物件也很 eye catching,加上可以換鏡頭,玩法上好像很多變,開始接近我心目中的理想 DC,可惜太重,每次帶它出街都要出動到 Chanel 大 tote bag,心諗如果可以放入 2.55 內就最 perfect。

呢部機多拍攝效果玩,但衰在重身!

直至昨日看到 Sony 剛發表的 NEX 系列 DC新 聞稿,比 EP-2 更細更輕更薄,但一樣可以換鏡頭,加上係 Sony 設計,形態上已經係我心目中的靚仔樣,即時色心起。

新設計有乜特別?你有耐性的話可以上呢個網址睇睇:www.dpreview.com/previews/sonynex5

我就梗係問下身邊人咪清楚晒,使乜自己鑽研咁麻煩!「究竟呢兩部相機有乜分別、揀邊部好呢、抵唔抵買先、難唔難用呀、有咩特別 function、使唔使另外買好多配件,啱唔啱我啫?」一輪轟炸式提問,我當然知道佢呢刻唔會嫌我煩,因為係時候俾位佢 show quali。

NEX-5(左),NEX-3(右)

你睇,機身幾咁薄!

他謂:「簡單咁講 NEX-5 的面積比 NEX-3 細,但較厚;大家都係 1400 萬像素,NEX-5 連 1 支鏡頭售 $5,290,NEX-3 則平一點售 $4,390,最大分別係 NEX-5 可以拍全高清片,NEX-3 只可拍到標清片...... 」嘩,我聽到呢到已經叫停,頭都暈呀!最緊要知道係 6 月有得賣,咁我買平嗰部就得啦,因為影相多拍片少,最緊要係靚之嘛,其他功能?機身輕薄卻能影到高質數相就係最大功能!

沒有留言:

發佈留言

注意:只有此網誌的成員可以留言。